كريم الشناوي: الفن دوره الرصد وليس التغيير

تحدث المخرج كريم الشناوي عن تأثير الفن على المجتمع، وذلك خلال ندوته المقامه الآن ضمن فعاليات مهرجان الجونة السينمائي في دورته السابعة، والتي يشاركه فيها كل من الفنان يوسف الشريف والفنانة نيللي كريم.

وقال الشناوي خلال كلمته في الندوة المقامة الآن على هامش فعاليات مهرجان الجونة السينمائي، «أحيانا بسبب الريأكشن، تدريجيًا بنتعامل مع نفسنا كخبراء، ودا مش حقيقي، في النهاية الفن مش معمول علشان يغير، مش مطلوب في الأساس يغير، لأن الافكار بتبدأ من القضية».

الدراما مش هتغير المجتمع.. ومحاسب شاطر أهم من مخرج خايف

وتابع: «أنا مش شايف إن الدراما سبب التحرش، أنا شايف أننا بنرصد اللي حاصل وعلاقتنا بالجمهور طول الوقت عمالة تتغير، أنا مخرج بهتم بالحكاية وبدور على الأدوار، اللي هيغير المجتمع مش مسلسل اللي هيغير المجتمع تعليم ودخل وحاجات كتير احنا طرف في منظومة كبيرة ، ومحاسب شاطر أهم جدا من مخرج خايف».

وأضاف «احنا لازم نحترم حدودنا إيه، ولازم نفكر إيه اللي هنعمله وهنقدمه للجمهور، لازم ندرك إننا مش خبراء».

المصدر: الوطن