الرئيس السيسي يوجه بإنشاء حي باسم «الحاجة فرحانة» في سيناء تقديرا لمجهوداتها

علق الرئيس عبد الفتاح السيسي، على الأفلام القصيرة الثمانية، التي عرضت في احتفالية اتحاد القبائل العربية والعائلات المصرية «حكايات الأبطال» بمناسبة ذكرى انتصارات أكتوبر، في العاصمة الإدارية الجديدة.

الرئيس: الحكايات موجودة في كل بيت مصري

وقال الرئيس خلال كلمته في احتفالية اتحاد القبائل العربية والعائلات المصرية «حكايات الأبطال»، بمناسبة ذكرى انتصارات أكتوبر في العاصمة الإدارية، نقلتها قناة «إكسترا نيوز»، اليوم السبت: «الحكايات التمانية اللي جت النهاردة، حكايات بسيطة لناس بساط جدا، موجودة في كل بيت مصري، يسعى من أجل حياة أولاده وأسرته في ظروف صعبة، لكن بفضل الله سبحانه وتعالى، نتغلب على ظروفنا دي ونحقق كل اللي بنتمناه».

وأضاف السيسي: «مش هنسى إني عاوز أشوف أنس، اللاعب بتاع أسوان، مش هنسى بردو إني أقول إن الحاجة فرحانة لازم نعمل لها حاجة في سيناء والقاهرة، ست عظيمة نموذج للمصرية للبدوية والعربية السيناوية، في وقت صعب كانت بتقدم، ويا رب يديها العمر والصحة، ونقولها متشكرين، وأرجو إننا نوجه لها التحية».

حي باسم الحاجة فرحانة في سيناء 

وتابع: «في سيناء نعمل حي باسم الحاجة فرحانة، عشان نفتكر ودايما نبقى فاكرين الجميل، في ناس كتير قدموا كتير أوي لمصر، في كل الأوقات والعصور لكن فرصة النموذج الموجود للحاجة فرحانة، ونعملها كمان محور أو حاجة رئيسية في القاهرة، عشان نقول للمصريين في القاهرة شوفوا أهلنا في سيناء عملوا إيه».

المصدر: الوطن