إسعاد يونس: سعيد صالح قدم «السقوط في بئر سبع» تخليص حق

كشفت الفنانة إسعاد يونس، العديد من الأسرار عن كواليس مسلسل السقوط في بئر سبع، خلال ندوتها بمهرجان الجونة السينمائي في دورته السابعة.

كواليس مسلسل السقوط في بئر سبع

وقالت إسعاد يونس في ندوتها بمهرجان الجونة السينمائي: «في يوم كنت قاعدة لقيت الأستاذ ممدوح الليثي جي يقولي تعالي عندي دور حلو، وروحت معاه ولقيتهم بيقولوا لي أنتي هتعملي جاسوس، واتخصيت أوي، بس لقيت سعيد صالح قاعد فرحت أوي أني هشتغل معاه».

إسعاد يونس تراهن على وعي الناس في السقوط في بئر سبع 

وأضافت: «سألت سعيد صالح أنت ليه هتعمل المسلسل ده، قالي أنا مديون للتليفزيون ولازم أعمل أي حاجة عشان أجيب فلوس، قولتله وأنا مالي، قالي هو اختارك يلا بقا هنعمله سوا».

وتابعت إسعاد يونس: «مخوفتش من الشخصية وتوكلت على الله، وراهنت على وعي الناس».

المصدر: الوطن