إسعاد يونس ليسرا بندوة مهرجان الجونة: فيلم عمارة يعقوبيان أثر عليا نفسيا

تحدثت إسعاد يونس ويسرا، عن كواليس فيلم «عمارة يعقوبيان»، خلال ندوة بمهرجان الجونة السينمائي في دورته السابعة.

وقالت إسعاد يونس: «العمل اللي أثر عليا نفسيا، شخصيتي في عمارة يعقوبيان، ويسرا في العمل دا كانت رائعة، بالذات مشهدها وهي بتغني على البيانو».

مشهد في عمارة يعقوبيان أثر على إسعاد يونس

وأضافت إسعاد يونس: «مشهد وانا داخلة على عادل إمام أوضة النوم اتاخد من كذا شوت، أما مشهد وهو داخل عليا وبرمي عليه الفازة فدا اتاخد مرتين بس، ومينفعش تيجي الفرصة دي ومحييش ابن الحبايب المخرج مروان حامد، ومن يومه وأنا عارفة أنه هيبقى عظيم».

رد فعل يسرا 

وقالت يسرا: «أول مرة أشوف إسعاد في عماره يعقوبيان، مشهد وهي بتهزق الراجل، وضحكتله ضحكة صغيرة، كان أعلى إحساس تمثيلي ليها».

وأضافت يسرا: «مروان حامد مخرج رائع، كان بيعمل عمارة يعقوبيان وهو عمره 26 سنة، وخد ثقة عظيمة لقيادة عمل كبير زي دا، وكان بيذاكر ويحس المشهد».

المصدر: الوطن