بعد فيديو مثير للجدل.. إبراهيم فايق يكشف حقيقة تشجعيه للزمالك
تاريخ النشر: 26th, October 2024 GMT
كشف الإعلامي المصري إبراهيم فايق، اليوم السبت، عن حقيقة تشجيعه لنادي الزمالك أمام الأهلي في نهائي كأس السوبر المصري الذي أقيم على إستاد محمد بن زايد وانتهى بتتويج "المارد الأحمر" باللقب.
وانتشر فيديو على السوشيال ميديا لإبراهيم فايق وهو حزين على ضياع نجم الزمالك محمود عبدالرازق شيكابالا لضربة جزاء كانت كفيلة إذا سجلها بإعلان الزمالك بطلاً للسوبر المصري.
قال إبراهيم فايق عبر حسابه الرسمي على إكس: "الفيديو ده مضحك جداً، الراجل قص الـ6 دقايق بالكامل اللي فيهم ضيع رضا سليم الركلة اللي هتكسب الأهلي ولا كان عندي أي رد فعل، وكل كرات الزمالك اللي رجع بيها برضه ولا اي رد فعل".
الفيديو ده مضحك جدا.. الراجل قص ال٦ دقايق بالكامل اللي فيهم ضيع رضا سليم الركلة اللي هتكسب الأهلي ولا كان عندي اي رد فعل.. وكل كرات الزمالك اللي رجع بيها برضه ولا اي رد فعل..
وكانّه في الفيديو المجتزأ ده بيقول ان ريأكشن وشي اني شيكا ضيع فانا زعلان إذن أنا زمالكاوي.. مع اني قولت… https://t.co/F2Qm7tkOtO
وأضاف: "وكانّه في الفيديو المجتزأ ده بيقول أن ريأكشن وشي أن شيكا ضيع فأنا زعلان إذن أنا زمالكاوي، مع أني قولت برضه قبل كده لو أني زمالكاوي فده شرف كبير ليا، زي ما أنا برضه بقول لو اهلاوي فده شرف كبير جداً".
وتابع: "ومع ذلك في الفيديو المجتزأ ده شيكابالا مضيع في الثانية 6، وأنا رد فعلي في الثانية 16، مختل عقليا يعني عندي delay في المخ، قولتها إمبارح وبكررها تاني، ريأكشن وشي على مشجع لف وبيشد في هدومه وبيقولي تعبنا من كتر الضغط العصبي، وأن البطولة رايحة جاية، فصعبان عليا الناس، أنا واحد قولتها قبل كده شايف أن الكورة متعة، أنما الناس كانت مشدودة جداً في المدرجات".
المصدر: موقع 24
كلمات دلالية: عام على حرب غزة إيران وإسرائيل إسرائيل وحزب الله السنوار الانتخابات الأمريكية غزة وإسرائيل الإمارات الحرب الأوكرانية إبراهيم فايق إبراهیم فایق رد فعل
إقرأ أيضاً:
محمد الصاوي يكشف حقيقة خلافه مع عادل إمام بسبب «اللعب مع الكبار».. فيديو
تحدث الفنان القدير محمد الصاوي عن كواليس عمله مع الزعيم عادل إمام، كاشفًا العديد من الأسرار والمواقف الإنسانية التي جمعته بالزعيم على مدار سنوات طويلة.
أوضح محمد الصاوي، في لقاء خاص مع الإعلامية نهال طايل ببرنامج تفاصيل، المذاع على قناة صدى البد 2، قائلاً: "عادل إمام من الشخصيات الجميلة جدًا، لما تقرب منه تحس إنك تعرفه من سنين، أول تعامل بينا كان في فيلم (اللعب مع الكبار) مع المخرج شريف عرفة، كنت قلقان وخايف جدًا، لكن شريف عرفة طمني وقال لي: هتشوف اللي هيحصل، ادخل العب واستمتع".
وتابع محمد الصاوي، حديثه قائلاً: "بمجرد ما دخلت اللوكيشن، لقيت الأستاذ عادل بيناديني: صاوي تعالى تعرف تلعب طاولة؟! لعبنا وضحكنا قبل تصوير المشهد، حسّيت كأننا اشتغلنا مع بعض قبل كده. لما سألته ليه عمل معايا كده، قال لي بمنتهى البساطة: (بص يا صاوي، أنت وحش أبقى أنا وحش، أنت حلو أبقى أنا حلو). حوار إنساني بحت، فيه صدق غير عادي".
ونفى محمد الصاوي الشائعات التي تداولت عن وجود خلافات بينه وبين الزعيم، قائلًا: "مستحيل يكون في بيني وبينه خلاف، علاقتي بيه قديمة جدًا، من أيام ما كنت أدرس مع أخوه عصام إمام في مدرسة السعدية. كنا بنروح نذاكر في بيتهم. لدرجة إن الزعيم مرة دخل علينا وإحنا بندخن سجاير وقال لي: (أنت اللي معلم أخويا التدخين؟) ثم ضحك وأعطانا آخر علبة وقال مفيش تدخين بعد كده كان دايمًا بيضحك معانا وبيهزر".
وعن طابع الزعيم عادل إمام، في أماكن التصوير، أوضح الصاوي أن ما يتردد عن عصبية عادل إمام غير صحيح، مؤكدًا أن الزعيم حريص على جودة العمل فقط، مضيفًا: “هو مش عصبي مع الناس، لكن عايز الشغل يتعمل بأعلى مستوى، لو حس إن حد مش مظبوط، بيشد شوية علشان نطلع أفضل ما عندنا، إنما عمره ما اتعصب بشكل شخصي على حد".
كما تطرق محمد الصاوي للحديث عن قيم الفن والعمل بين الفنانين قائلاً: “أقرب طريق لقلوب الناس هو التواضع. أنا بطبعي بحب الناس ومبعرفش أزعل حد ولا أختلف مع حد، حتى لو حد عمل حاجة تزعجني، بنساها ومابتقفش معايا، بحب أتعامل مع الكل بحسن نية وبساطة.”
وفي ختام حديثه، أشار الفنان محمد الصاوي إلى أنه تخرّج من كلية التجارة ثم إلتحق بمعهد الفنون المسرحية بسبب عشقه الكبير للتمثيل.
«الأرصاد» يحذر من ارتفاع في درجات الحرارة الفترة المقبلة