إسعاد يونس: «كنا هنتحبس أنا ويسرا وعادل إمام بسبب فيلم الأفوكادو»

كشفت الفنانة إسعاد يونس، عن كواليس فيلم الأفوكادو، خلال ندوتها بمهرجان الجونة السينمائي في دورته السابعة، والتي تديرها الفنانة يسرا.

كواليس فيلم الأفوكاتو

وقالت إسعاد يونس في ندوتها بمهرجان الجونة السينمائي في ثاني أيام فعالياته: «في بداياتي كنت عايز أثبت أني شاطرة، وكنت كل ما أدخل عمل بحاول أقدم أكتر حاجة عندي، واشتغلت مع ناس كتير، وأهم حاجة حصلتلي في الفترة دي إني اشتغلت مع يسرا، وكواليسنا كانت في الأفوكادو صعبة جدا عشان المخرج والمؤلف كان عظيم».

وأضافت: «ومكناش فاهمين الفيلم، الوحيد اللي كان فاهم الفيلم عادل إمام، افتكر إني روحنا نصور في الإسماعيلية، وكان في حي جديد كدا محدش ساكن فيه، وقاعدوا يشوفوا هنعقد فين، لحد ما لاقوا حاجة كدا، نازلين أنا ويسرا في أوضة مفهاش غير حمام وحوض بس».

موقف طريف لإسعاد يونس ويسرا 

وتابعت إسعاد يونس: «وبعدين خدونا حي مهجور، دخلنا نصور خرجنا لقينا شعب الإسماعيلية كله، وكانت الدنيا بتمطر وكنا بنجري لحد ما دخلنا في مدرسة واتحبسنا جواها، لحد ما وقعت في إيدينا نسخة من الاسكربت، وقعدنا إحنا التلاتة نخرج مشهد تخيلي، والفيلم دا انتهى بمشكلة كبيرة وكنا هنتحبس أنا ويسرا وعادل إمام، لكن الفيلم في النهاية أصبح أهم أفلام السينما المصرية».

المصدر: الوطن