يصعب عليك.. تعليق عمرو أديب على الهجوم ضد شيكابالا بسبب السوبر

دافع الإعلامي عمرو أديب، عن اللاعب الدولي محمود عبدالرازق شيكابالا كابتن نادي الزمالك ومنتخب مصر، بعد أن أهدر ركلة جزاء في نهائي السوبر المصري، والذي أقيم في الإمارات العربية المتحدة.

تعليق مثير من إبراهيم سعيد على لقطة جري شيكابالا خلف ربيعة فرح ملايين.. ياسمين عز تعلق على إهدار شيكابالا لركلة جزاء السوبر (فيديو) لازم تبقوا رحماء شوية بشيكابالا

وقال عمرو أديب، ببرنامج الحكاية، المذاع على فضائية ام بي سي مصر، مساء اليوم الجمعة، إن :"لازم تبقوا رحماء شوية بشيكابالا، والله يصعب عليك من واحد كان هيجيب الكاس لواحد ضيعه".

وأضاف عمرو أديب، أن هناك موجة من الهجوم العنيف ضد كابتن نادي الزمالك شيكابالا، وما حدث هو إهدار لركلة جزاء، والرجل له تاريخ في القلعة البيضاء، لافتا إلى أن نادي الزمالك ولاعبيه لم يكونوا موفقين في نهائي السوبر المصري. 
 

وجه إبراهيم سعيد لاعب الأهلي الأسبق، رسالة قوية إلى محمود عبدالرازق شيكابالا قائد نادي الزمالك بعدما ركضه خلف رامي ربيعة لاعب الأهلي، بعد انتهاء مباراة السوبر المصري.

وقال إبراهيم سعيد في تصريحات تليفزيونية:"أول ما شوفت الصورة والفيديو القصير على السوشيال ميديا افتكرت أن شيكابالا بيجري ورا لعيبه الأهلي عشان رايحين يحتفلوا عند جمهور الزمالك، ولكن الأمر اتضح أنه مش كدة".

وأضاف: "أنت يا شيكابالا رايح فين، هو ليه جري وراهم، ورامي ربيعة من الشخصيات اللي مش مشاغبة، وطلع كلام إنه إمام عاشور، بس طلع بردو مش هو، أنا عايز أعرف إنت مالك يا شيكابالا، اللاعيبة رايحة تحتفل مع جمهورها".

وأكمل: «هل شيكابالا كان عايز يسيطر على فرحتنا، أو هل كان بيغلوش على موضوع أنه كان سبب الهزيمة بإهدراه ركلة ترجيح، وضيع بطولة على زمايله وجمهور نادي الزمالك، أصل مش فاهم القصة اللاعيبه رايحة تحتفل مع جمهورها أية اللي ضايقك».

وأردف: «شيكابالا دلوقتي بقى موجود ومعتمد على اسمه، واللاعيب الكبير اللي بيتشغل لصالح فريقه، مش اللي بيشوف الكاميرا فين عشان يعمل لقطات، مفروض دورك كقائد أنك تبقى بعيد عن الخط أومال لازمة جوميز أية».

وأتم إبراهيم سعيد تصريحاته قائلًا: «الزمالك خسر عشان شيكابالا دور على نفسه وكان عايز ياخد اللقطة، ومش عارف الناس اللي بتدافع عنه إية الخوف ده، يا جماعة كل لاعيب وليه سن ومهارته بتقل ومش بيبقى بنفس المعدل البدني فبيضر الفرقة».

المصدر: بوابة الوفد