بعد تصدر الحلقة الأخيرة.. إيمان العاصي توجه رسالة شكر لفريق عمل مسلسل «برغم القانون» |صور
تاريخ النشر: 24th, October 2024 GMT
حرصت الفنانة إيمان العاصي، على توجيه رسالة شكر لفريق عمل مسلسل «برغم القانون»، وذلك بعدما حققت آخر حلقاته نجاحا كبيرا، بعد عرضها عبر شاشة watch it.
وشاركت إيمان العاصي، صورا لها مع فريق العمل، عبر صفحتها الرسمية على موقع التواصل الاجتماعي «انستجرام» وكتبت عليها: « خلصت الرحلة الحلوة الحمد لله علي خير رحلة ابتديت فيها شهر يناير 2024 مع المنتج الفنان صاحب الرؤية الفنية الكبيرة والمهمة و الناجحة في عالم الدراما ريمون مقار، سعيدة جدا باختيارك ليا بعمل مسلسل متكامل زي برغم القانون، خطوة مهمه جدا في مشواري الفني بشكرك علي الثقة فيا جدا، أستاذة نجلاء الحديني مفيش كلام يوصف حبي واحترامي ليكي و لفنك و رؤيتك الموضوعية لكل الشخصيات وابعداها النفسية أنا محظوظة جدا بشغلي معاكي».
وتابعت: «أستاذ شادي عبد السلام، بفنك و موهبتك قدرت تعيشنا جوا الشخصيات و تفاصيلك الخاصة بكل شخصيه اللي خلقتها لينا بشكرك علي كل توجيه وتعبك ومجهودك عشان يطلع العمل بالشكل دا، أستاذ علي عادل، بحبك جدا وبحترمك و ومبسوطة انه كان ليا الحظ أني اشتغلت معاك في عمل هو خطوه مهمه جدآ في مشواري كنت حقيقي مش بس مدير التصوير المسلسل انت كنت مهتم بتفاصيل كل حاجه وكنت بتتعب أكتر مننا كلنا».
عرض هذا المنشور على Instagramتمت مشاركة منشور بواسطة emanelassiofficial (@emanelassiofficial)
وأكملت: «وحقيقي أنا حظي حلو بيك و بـ ماركو ويوسف و عزمي و إيكا، أحمد جمال (چيمي) مهندس الصوت بحترمك وبحترم فيك حبك وإخلاصك الشديد لمهنتك اللي هي من أهم عناصر اي عمل فني بشكرك يا أستاذ، نوبي شكرا على مجهودك الكبير و خصوصا ديكور روف بيت عم صلاح اللي خلي كل، الناس تقلب بورسعيد عليه، الأستاذة مونيا فتح الباب مصممة الملابس بشكرك علي انك قدرتي توحدي الشخصيات بالشكل الخارجي ليهم بالشطارة دي اتشرفت جدا بالشغل معاكي».
وأضافت العاصي: «فريق الإنتاج بقياده أيمن عبد الحفيظ اللي اشتغل علي اكتر من 500 لوكيشن و دا من أصعب الحاجات اللي بيواجهها أي فريق عمل حقيقي تعبوا تعب رهيب مايكل و محمد عباس وچون بجد أنتم الأبطال، أستاذ إسلام عبد المعطي، الجندي المجهول اللي أتحمل أعباء رهيبة شكر خاص ليك من قلبي، أستاذ أحمد عزت مساعد الأول بشكرك شكر خاص لكل حاجه عملتها عشان المشروع يكمل بهدوء و محبه».
واختتمت حديثها: «كل الزملاء الفنانين اللي بجد أتشرفت بالعمل معاكم لأنكم أضافه لأي عمل بفنكم و خبرتكم ومحبتكم لمهنتكم والتفاني المطلق رغم أي حاجه صعبه عشناها سوا هتوحشوني قوي قوي والله، أنا اسفه لو كنت نسيت حد كلكم عندي مقامكم كبير قوي، وأخيرا الجمهور العظيم اللي اغمرتونا بمحبتكم و تقديركم الطيب لكل صناع العمل كلمة شكراً مش كفاية ليكم كنتم أصحاب الرحلة والمشوار كنا بنقرأ كل تعليقاتكم و شوفنا تفاعلكم معانا و اتبسطنا قوي انه تعبنا كانت نتيجته رضاكم ودا كان اللي بنسعي ليه، هتوحشوني قوووووي و اللي جاي أحلى».
اقرأ أيضاًإيمان العاصي تنتهي من تصوير مسلسل «برغم القانون» في هذا الموعد
رحاب الجمل: إيمان العاصي ممثلة شاطرة وهي اللي نجحت مسلسل برغم القانون
انتظرت البطولة المطلقة 20 عاما.. «برغم القانون» يمنح إيمان العاصي جواز المرور إلى الصفوف الأولى
المصدر: الأسبوع
كلمات دلالية: مسلسلات الفنانة إيمان العاصي ايمان العاصي تفاصيل مسلسل برغم القانون مسلسل برغم القانون برغم القانون تفاصيل برغم القانون مشاهد مسلسل برغم القانون مسلسل برغم القانون الحلقة الأخيرة مسلسل برغم القانون الحلقة 30 إیمان العاصی برغم القانون
إقرأ أيضاً:
محمد محمود عبدالعزيز يكشف لـ«صاحبة السعادة» سر نجاح «برغم القانون»
في الفترة الماضية دخل مسلسل برغم القانون بيوت الناس، ولمست القصة التي جسدتها إيمان العاصي في دور «ليلى» قطاعا كبيرا من النساء، 30 حلقة من المأساة والمغامرات من محاولة إيجاد الزوج إلى محاولة إثبات حقها، ومع نجاح المسلسل كان الفنان والمنتج محمد محمود عبد العزيز ضيفًا في صاحبة السعادة مع الفنانة والإعلامية إسعاد يونس.
محمد محمود عبد العزيز في صاحبة السعادة يكشف سر نجاج برغم القانونقال الفنان محمد محمود عبد العزيز في صاحبة السعادة إن سر نجاح «برغم القانون» إنّه يبحث عن الأعمال التي تشبه الناس في الواقع موضحًا: «اللي بيتفرج شايف نفسه فينا، السبب التاني القصص اللي تجذب الناس والحدوتة في أول حلقتين تلاته، فكرة إن واحدة بتصحى من النوم متلاقيش جوزها وتتفاجئ بـ متدوريش عليا، والفكرة إن الشخصيات كلها مكتوبة شبه الناس تقريبًا أكرم وأحمد أوفر بس في منه، لخصناله كتاب الشر».
وعن شعوره السابق بنجاح العمل، قال:«كنت حاسس إنّ الموضوع هيفرق، كنت حاسس انه هينجح لكن الطفرة اللي حصلت على مستوى المسلسل أو دوري كرم من عند ربنا، حد قالي على نياتكم ترزقون».
كواليس تصوير المسلسل استغرق عامينقال الفنان محمد محمود عبد العزيز عن مسلسل برغم القانون، أن تصويره استغرق عام ونصف أو عامين: «المسلسل كلو داخل في 500 لوكيشن، بورسعيد لوحدها أخدت تصوير في 85 لوكيشن في بورسعيد لوحدها، من الساعة 5 الفجر بنبدأ نصور، البلد حلوة اوي لازم تتصور بالنهار وتبان، نصحى كل يوم 5 الفجر نتجمع ونجهز ويلا نشوف اليوم واخدنا فين».
حزب الله يواصل عملياته الصاروخية في عمق الكيان الصهيوني الغاصب