الجنود محتاجين للدعاء في وقت الضيق والهزيمة اكتر من وقتهم وهم منتصرين
تاريخ النشر: 23rd, October 2024 GMT
من أحاجي الحرب( ٧٦٩٦ ):
○ كتب: أ.
Akram Ali
نفس الجيش ده الفرحت ليهو يوم العبور يوم ٢٦ سبتمبر ، عبور جسر الفيحاب وعبور جسر السلاح الطبي وتوغله في منطقة المقرن الى الان ونفس الجيش العبر جسر الحلفايا وربط قوات كرري بالكدرو وبحطاب وسلاح الأسلحة وأمن مساحات واسعة في مدينة بحري في ظرف ساعات فقط وما كان في زول بحلم بكدا صحينا الصباح لقينا الجيش قاطع تلاته كباري ونفس جيش المدرعات الحاليا بتقدم بثبات.
ياهو نفس الجيش الفرحت ليهو ودعيت ليهو بالنصر لمن استعاد منطقة جبل موية من العدو وكبدهم فيها خسائر كبيرة خلت المرحوم يطلع في خطاب مرتبك. نفس الجيش الاستعاد ربط ولاية سنار بالنيل الابيض وفتح الشارع بيناتهم ، نفس الجيش الحاليا متقدم في محور الفاو وجنوب الجزيرة وشرق سنار وبضيق المساحات على العدو.
الجيش ده مؤسسة ما مليشيا بتعامل مع المعركة دي بالمجمل وبتحرك وبتراجع وفق تقديراته هو ما تقديراتنا نحن وكونوا ينتصر وينهزم في موقع دي واردة حاليا بكثرة ولا تمبول وشرق الجزيرة ح يكونوا آخر الهزائم، دي معركة اي حاجة واردة فيها.
زعلك وغضبك لهزيمة الجيش مبرر بالقدر المعقول لكن ما يأثر ويحبط الجنود والناس من الخطوات الأخيرة وسلسلة ادارة العمليات الكبيرة البداها الجيش مؤخرا.
الجنود ديل محتاجين للدعاء في وقت الضيق والهزيمة اكتر من وقتهم وهم منتصرين، اللهم ثبت اقداهم وانصرهم وأفتح لهم فتحاً مبينا،
نعيد ونكرر النظرة الضيقة للمعركة دي بتخليك تائهه شديد ، فعل سياسي وعسكري بسيط زي تسليم كيكل ده تشن بيهو هجوم وغضب على مجمل وضع الجيش وتقديراته هو المليشيا محتاجة كيكل عشان تقتل وتغتصب عملت في دارفور وسنار والخرطوم ؟
نحن بيوم ٢٦ سبتمبر وصلنا مع جيشنا ده نقطة مهمة ومفترض نخليها تكون استراتيجية وهي اعادة ثقة المواطنين في جيشهم ، في ناس كتار كانو محبطين قبل اليوم ده لكن فرحوا وهللوا وكبروا وساندوا، نستمر على المنوال ده وما النصر الا من عند الله، والتفاصيل ما تديها اكبر من حجمها عشان ما تجيك نتيجة عكسية.
رحم الله شهداء البطانة ورحم الله الشهيد احمد شاع الدين وكل الشهداء والنصر للقوات المسلحة. ان شاء الله.
#من_أحاجي_الحرب
Akram Ali
إنضم لقناة النيلين على واتسابالمصدر: موقع النيلين
كلمات دلالية: نفس الجیش
إقرأ أيضاً:
محمد أبوزيد كروم يكتب: كيف أفشل الجيش المخطط الخبيث!!
لولا لطف الله وفضله، ودعوات الصالحين والصادقين من أبناء وبنات السودان لكان السودان اليوم في اللا وجود والعدم كدولة وشعب وتاريخ وحاضر ومستقبل.
فما كان مخطط للسودان خطير، ولا يحتمله العقل البشري الطبيعي، وذلك ما ستكشفه الأيام للناس، وحتى قبل أيام وقبل تحرير القصر بيومين فإن ما كان يدبر من مكر وسوء للسودانيين أمر فوق الخيال، ولكن قواتكم المسلحة وأبناء السودان افشلوا بفضل الله وجسارتهم المخطط الثاني ودخلوا إلى القصر بأرجلهم وزحفاً على الأقدام لا على ظهر المقاتلات أو الدبابات حتى تفاجأ العدو وهرب مذعوراً وتحرر القصر وانفتحت القوات نحو الخرطوم حتى جنوبها.
أحمدوا الله كثيراً في هذه الأيام المباركة، وأشكروا جيشكم العظيم على هذه التضحيات الجسام، ثم فليستعد الناس إلى العودة للخرطوم وإلى غيرها من المدن، لأن الأوطان تُحمى بأهلها وبوجودهم، فالمخطط أصله وأساسه أن يغادر أهل السودان بلادهم إلى الأبد لإستئصالهم واستبدالهم فهذه الحرب هي حرب استبدال، ولنا في غزة وأهلها الصامدون قدوة حسنة، فكانت غزة تُضرب كلها وتقصف منازلها من العدو الصهيوني ويموت الآلاف من الأطفال والشيوخ ولا يغادرها أهلها أبداً .. لماذا؟! لأنه الوطن والحق والشرف، ولذلك ظلت غزة دوماً تنتصر.
عودوا إلى دياركم للتحرير والتعمير، فليس للأوطان بديل، أما حربنا مع العدو وأسياده فحدها دارفور وامدافوق حتى يُطرد الأوباش من كل أرض السودان، فإن هم سيقاتلون، فسنقاتلهم في أي مكان حتى التحرير الكامل.
الحمد لله الذي بنعمته تتم الصالحات، وما النصر إلا من عند الله، والله أكبر ولله الحمد.
محمد أبوزيد كروم
إنضم لقناة النيلين على واتساب
مصرع 3 أشخاص من أسرة واحدة نتيجة تسريب غاز داخل شقة بأسوان