لماذا اختفى حميدتي بعد خطابه المجنون؟

مثلما يفعل في كل مرة يظهر ويثير الجدل ويلخبط الأمور وياخد ليهو غطسة وتاني يجي طالع بي “كُبّة” جديدة، هكذا بدأ ناشطو شبكات التواصل الاجتماعي في السودان تعليقاتهم عن الاختفاء المريب لقائد مليشيا الدعم السريع المتمردة.

فقد كتب الناشطون على المنصات الرقمية بحسب رصد محرر “النيلين” عن اختفاء حميدتي:

شكلو البطارية خلصت انتو قايلنها بطارية عادية دي بطارية بملو بيها اسخف مخلوق على وجه الأرض وبتاخد شهور عشان تملا.

حميدتي ياهو ياهو ما بتغير كان حي ولا ميت، لازم ياخد غطسة ويجي بي عطسة ترش الحولو كلهم.

مش في احتمال يتم سؤاله الآن؟ خاصة بعد سواطتو مع مصر ورمي السهام في كل اتجاه؟ لكن منو البسأل فيهو يعني معقول الكفيل ما عارف؟

انا غايتو بتوقع يجي ناطي ليكم من محل ويقول هو في الميدان لأنو في خطابو الأخير دقس وهبط معنويات ولادو.

بينما جاء تعليق ساخر من إحدي الناشطات وكتبت:

بري .. يظهرو لشنو ذاتو أخير ليهو يموت موتو دي، اصلو الشتاء جاي أخير يكون متدفي في القبر وما يطلع يهابش تاني.

وتخوض القوات المسلحة السودانية حرباً مفروضة لإنهاء تمرد قوات الدعم السريع المستمر منذ 15 أبريل من العام 2023، ويساند القوات المسلحة مجموعات كبيرة من المستنفرين وحركات الكفاح المسلح والأجهزة النظامية.

رصد وتحرير – “النيلين”

إنضم لقناة النيلين على واتساب

المصدر: موقع النيلين