قبل جلسة الحكم| مؤمن زكريا في التحقيقات: روحت المقابر بالليل وبتهمهم كلهم

كواليس جديدة في قضية فبركة سحر مؤمن زكريا حيث تصدر  محكمة جنح الخليفة، المنعقدة بمحكمة زينهم، اليوم حكمها على المتهمين في سحر مؤمن زكريا. 

انتهاك حرمة الحياة الخاصة.. ننشر نص أقوال متهمة في واقعة فبركة سحر مؤمن زكريا أعمال سحر كلمة السر.. العثور على جثة عامل بناء بمصر القديمة إصابة فتاة صدمتها دراجة نارية في جسر السويس تأجيل محاكمة 61 متهما في قضية اللجان النوعية بالتجمع الخامس

كشفت تحقيقات النيابة العامة في قضية سحـ ـر مؤمن زكريا تفاصيل ومفاجآت عديدة، حيث استمعت النيابة خلال التحقيقات لأقوال لاعب الكرة السابق مؤمن زكريا والذي كشف تفاصيل تعرضه للنصب ونشر أخبار كاذبة بشأن تعرضه لأعمال وسحـ ـر.

نص أقوال مؤمن زكريا في قضية السحـ ـر المفبرك

وقال مؤمن زكريا في أقواله خلال تحقيقات النيابة العامة، أنا لقيت واحد قريب مراتي اسمه مصطفى كلمها وقالها في واحد جارهم اسمه محمد إمام قاله أن في ناس لقوا عمل معمول لـ مؤمن زكريا في المقابر عشان كان العمل معمول على صور بتاعتي وكمان كان في عروسة مربوطة من ايديها ورجليها ودبابيس وكان عليها طلاسم وقالولي تعالى المقابر عشان تشوف العمل.

وتابع مؤمن زكريا في أقواله خلال تحقيقات النيابة، لما روحت قابلت الناس اللي اتمسكوا كان معاهم واحد تاني هرب وهناك وروني الحاجات دي وحطيناها في ميه بملح والورق كان دايب في المياه وكان في صورتين واحدة كبيرة والتانية صغيرة عليهم طلاسم والعروسة مربوطة من الايد والرجل ومكتوب عليها طلاسم والورق محطوط في الميه ودايب وبعد كده اخدنا العروسة وباقي الورق واتخلصنا منهم.

وتابع مؤمن زكريا في أقواله: كان في واحد بيصور الموضوع ده هناك من وقت ما دخلت المقابر واستأذنته انه ميصورش ويمسح الصور دي ومحدش ينزل حاجة ولا ينشر حاجة وبعد كدة فوجئت بتداول الصور على مواقع التواصل الاجتماعي ونشر أخبار عني وأنا في المقابر كمان والكلام ده حصل يوم 25 سبتمبر الساعة 10 بالليل وبعدها يوم 28 سبتمبر لقيت الصور منشورة في كل مكان وريهام سعيد بتتكلم عن الموضوع.

وأضاف مؤمن زكريا خلال أقواله بتحقيقات النيابة العامة: أنا معرفش الناس دي ولما روحت المقابر وقابلتهم لقيتهم مطلعين الحاجة وبيقولوا ان معمول لي عمل عليها والعروسة حاطين الورق في ميه بملح ولما روحت وروني فيديو للحاجة وهما بيطلعوها من المقابر عشان ابقى متأكد أنها فعلا كانت مفدونة في المقبرة، وكان في واحد بيصور حضوري بالمقابر بدون علمي ولما اكتشفت طلبت منه يمسح الصور.

وواصل: أنا بتهمهم كلهم بالنصب والتشهير بيا على منصات التواصل عن طريق تكوين عصابة وكان قصدهم منها النصب عليا وتحصيل فلوس واستعمالهم لطرق احتيالية من خلال نشر الاخبار على المنصات بدون رضايا عشان ياخدوا الفلوس، وهما اقنعوني أن أنا معمول لي عمل وطلبوا مني أروح المقابر وطلعوا الصورتين والعروسة قدامي.

المصدر: صدى البلد