بنصحى نبوس بعض.. محمود شاهين يرد على منتقدي تصرفاته: أنا مش شايف إني بعمل حاجة غلط
تاريخ النشر: 18th, October 2024 GMT
أثارمدير التصوير محمود شاهين، ابن شقيق الفنانة إلهام شاهين، الجدل بتصريحاته خلال لقائه مع ياسمين الخطيب ببربنامج "شاي بالياسمين" حيث أوضح العديد من الأمور التي كانت مثارة عبر مواقع التواصل الإجتماعي عقب حفل زفافه.
ولعل أبرز اللقطات التي أثارت الجدل هي رقه مع الفتيات ،وقال محمود شاهين :"البنات اللي كنت برقص معاهم في الفرح أصحابي جدا ومن أكثر الناس القريبين في الحياة وأزواجهم كانوا موجودين وأصحابي ومتربين معايا، ولما بدأت الفرح بفتح إزازة "شامبانيا" في كذا فرح عملوها بعدي، أنا دايما بتفرج على حاجات برا مصر، بحب مثلا الرالي و"الفورميلا وان" ودايما احتفالهم بالشامبانيا، حد جبهالي وفتحناها".
وتابع شاهين قائلًا: "كان في أوبن بار للخمور في الفرح، هنكر ليه إيه اللي يخليني أنكر شيء موجود في أفراحنا كلنا موجود في أفراح أغلبية أصحابي وكل الناس، موجود في جزء كبير من الناس اللي بعيش معاهم، أنا مش هقدر أجي أقنعك بأفكار، زي ما في ناس فكروا في "لولو" إلهام صفي الدين وقالوا إزاي بنت عمته تبوسه، أنا بالنسبة ليا دي أختي إحنا في العيلة بنصحى كلنا من النوم بنبوس بعض، في ناس بالنسبة ليهم أنت إزاي تبوس بنت عمتك؟ في ناس تقولك منعملش في الفرح خمرة، أنا كاتب في دعوة فرحي اللي عايز يجيب الازازة معاه يجيب والناس كلها كنت بتشرب، أنا مش بحكم على حد كل واحد ينبسط بطريقته".
وعن تصدره التريندات بعد حفل زفافه قال: "محصلش أي تجاوز جوا الفرح لأن أغلب الناس تعرف بعض دا كان فرح معمول للأصحاب والعيلة، مكنش في حد معزوم من الصحافة، وأنا مش مبسوط بفكرة التريند، أنا نمت صحيت لقيت نفسي تريند ومش أنا اللي عامله، ومحدش عارف مين اللي نزل الفيديوهات، فجأة بقى عندنا ناس جوا الفرح ومش عارفين مين دول، وحصل مشكلة في آخر الفرح واحد عمال يصور وجري".
واختتم فائلًا: "اللي صور إحنا مش مستخبين دا أنا في فرحي، يعني مبدأي إني مش شايف إني بعمل حاجة غلط وإني مبسوط والعروسة مبسوطة ومكناش متخيلين أن الفرح هيطلع بالجمال دا، الناس بتحكم بفيديو ومحدش عارف حياتي فيها إيه، أنا بعمل شيء يبقى بعمله مش هخاف من حد أكتر من ربنا، علاقتي بربنا محدش ليه دعوة بيها دا خط أحمر، دي حاجة بيني وبين ربنا ومفيش بني آدم ليه حق يحكم".
المصدر: بوابة الوفد
كلمات دلالية: محمود شاهين إلهام شاهين ياسمين الخطيب إلهام صفي الدين أنا مش
إقرأ أيضاً:
خاص| بعد نجاح يوتيرن منذ عامين..أيمن قيسوني يكشف لـ الفجر الفني سبب غيابه عن الدراما المصرية
حقق الفنان أيمن قيسوني نجاح كبير في مسلسل "يوتيرن" منذ عامين، إلا أنه تغيب عن الساحة الفنية المصرية بعد هذا العمل.
وكشف أيمن قيسوني في تصريح خاص لـ الفجر الفني عن سبب هذا التغيب معلقًا:"اتعرض عليا السنة اللي بعد يوتيرن مسلسلين واحد تاريخي والتاني دور شرير وبصراحة بقيت ابعد شوية عن أدوار الشر لاني عملتهم كتير، وكنت عاوز اعمل حاجة مختلفة حاجة أكبر خصوصا بعد نجاح يوتيرن".
وعن فكرة عودة مشاركته في الدراما المصرية أضاف: "اترشحت لمسلسلين حاليًا بقرأ فيهم، أنا حابب أكون متواجد في مصر لو الورق والفكرة مناسبة بالعكس دي بلدي وبحب أكون فيها واشتغل بها، بس مستني الفرص الحلوة اللي تستاهل أن الواحد يعملها، مش عاوز أحرق نفسي على أي حاجة مش بجري ورا الشهرة أو الفلوس، أنا حابب أعمل حاجة بتمثلني ".
أحداث مسلسل يوتيرن
تدور الأحداث حول "يارا الكردي" ضابطة ملاحة بحرية تجارية ضحت بعملها ومستقبلها المهني من أجل زوجها "يوسف"، والذي تركت من أجله كل شيء، ومع الوقت طلب منها مقاطعة "خالد" ابن خالتها الذي كان بمثابة الأخ وصديق الطفولة لها فتوافقه الرأي، إلا أنها تتعرض لحادث يغير مجرى حياتها بالكامل.
فريق عمل يوتيرن
ويشارك في العمل عدد كبير من النجوم منهم ريهام حجاج، الفنان الكبير توفيق عبد الحميد، عبير صبري، كريم قاسم، محمود حجازي، أيمن القيسوني، صفاء الطوخي، محمود حجازي، نانسي صلاح، نورهان، عبير منير، وهلا السعيد وعدد آخر من الفنانين، والعمل تأليف أيمن سلامة، من إنتاج جمال العدل، وإخراج سامح عبد العزيز.