محمود شاهين عن حفل زفافه:" كان فى أوبن بار للخمور فى الفرح..ده العادى بتاعنا"

علق مدير التصوير “محمود شاهين”، ابن شقيق الفنانة “إلهام شاهين”، على الانتقادات التي تعرض لها حفل زفافه ، بعد أن أثار ضجة كبيرة على وسائل التواصل الاجتماعي منذ شهر.

محمود شاهين عملت أوبن بار للخمور فى الفرح:

وقال “محمود شاهين” في حواره ببرنامج  “شاي بالياسمين” عبر قناة النهار:"احتفلت بافتتاح الفرح بزجاجة شامبين، عشان بتفرج على حاجات بره مصر أكتر، وبحب الرالي والعربيات والفورميلا وان، فدايما الاحتفالات بتاعتهم بالشامبين".

وتابع: “الفرح كان فيه أوبن بار خمور، ده شيء موجود في أفراح أغلبية أصحابي، والوسط بتاعي، أنا مش بحكم على حد، كل واحد ينبسط بطريقة، أنا كنت كاتب في دعوة الفرح، اللي عايز يجيب معاه خمور يجيب، 80% من الأفراح اللي الناس بتشوفها بيكون فيها خمور، وبيخبوها تحت الترابيزة”.

وأكمل شاهين: “الأفراح الشعبية بيكون فيها خمور ومخدرات، لكن إحنا مكنش في مخدرات، ده فرح كان صحاب في وسط بعض، جوه الفيلا عندنا، ومكنش في حد من الصحافة معزوم، ومعرفش مين نزل صور الفرح”.

 أضاف: “البنات اللي كانوا بيرقصوا معايا، أصحابي، وأزواجهم كانوا موجودين، دي ناس متربيين معايا على مدار الحياة”.

يذكر أن احتفل “محمود شاهين" بحفل زفافه على عروسه مها جبريل وسط حضور الأسرة والأهل والأصدقاء المقربين، وأدى العروسان رقصات رومانسية وشاركهما أصدقاؤها.

وحرص على الحضور الفنان إلهام شاهين عمة العريس، وأمير شاهين عمه، والمخرجة منال الصيفي، والفنانة إلهام صفي الدين ابنة عمته، كما حضر كريم محمود عبد العزيز، نسرين إمام، هاجر الشرنوبي، محمد عز، سارة عبد الرحمن، وئام مجدي، المخرج حسام الحسيني، السيناريست تامر حبيب.

كانت آخر أعمال “محمود شاهين” فى السينما هو فيلم "شقو" الذى عرض فى عيد الفطر الماضي، وهو من بطولة عمرو يوسف، محمد ممدوح، دينا الشربينى، أمينة خليل، محمد جمعة، وليد فواز، عباس أبو الحسن، جميل برسوم، حنان يوسف، مع ظهور خاص للفنانة يسرا وضيف الشرف أحمد فهمى ومن تأليف وسام صبرى، ومن إخراج كريم السبكي.

المصدر: بوابة الوفد