محمد هنيدي: جدي عاش أكتر من 100 سنة.. وأنا أكتر واحد اترفدت في التعليم في الدنيا
تاريخ النشر: 17th, October 2024 GMT
كشف الفنان محمد هنيدي عن علاقته بجدة الذي عاش أكتر من 100 سنة، وذلك خلال إستضافته في برنامج “AB Talks” الذي يقدمة الإعلامية أنس بوخش عير قناته الشهيرة “يوتيوب”.
وقال هنيدي: “جدي توفي وهو عنده 102 سنة، كنت أنا في ثانوية عامة وقتها، وكان صاحبي وكنت بقعد معاه كل يوم، في اخر 10 سنين كان راقد في السرير ويحكيلي الحكاية 7 آلاف مرة بس أنا أحسسه إنها أول مرة خصوصًا زيجة أبويا وأمي”.
وأما عن مرحلة تعليمة، قال: "أنا لو هغير حاجات كتيرة في الماضي أغير الفترة اللي اتمرتط فيها في التعليم كل شوية أدخل المدرسة يرفدوني، كانوا 5 سنين إزعاج، أنا أكتر واحد اترفد في التعليم في الدنيا، أدخل حقوق سنتين والاقي فصل نهائي»
ووصف هنيدي المرحلة التعليم التي عاش بأنها "شريط أسود لم يستطيع نسيانه، قائلا: “كنت أدخل معهد السينما فصل نهائي من اول سنة واترفدت كتير، أدخل فنون مسرحية مايقبلونيش”.
المصدر: بوابة الفجر
كلمات دلالية: الإعلامي أنس بوخش أبرز تصريحات محمد هنيدي الفنان محمد هنيدي الفجر الفني
إقرأ أيضاً:
كانت طفولة مدللة.. محمد هنيدي يكشف عن جوانب خفية من حياته
حل الفنان محمد هنيدي ضيفا في برنامج AB Talks" الذي يقدمه الإعلامي أنس بوخش، عبر قناته الشهيرة “يوتيوب”.
كشف محمد هنيدي عن أبرز محطات حياته الشخصية، متحدثًا عن تفاصيل طفولته، مؤكدًا أنه كان طفلًا مدللًا ومشاغبًا كثيرا.
قال محمد هنيدي: "طفولتي كانت منطلقة جدا وشقية جدا، وطفولة ربنا حفظها، لما نحكي عن الطفولة كان ممكن في أي موقف مع الطفل الشقي دا يحصل له حاجة غريبة، ربنا حفظها، لكن كانت طفولة مدللة شوية، جاي بعد أربع بنات، أمير البحار، وجدي بقى والقصص دي مكنش حد يقدر يعمل لي أي حاجة، وفي نفس الوقت الشقاوة".
وتابع: لما قعدت أفتكر شقاوتي كانت عاملة ازاي، لقيت حاجة عجيبة جدا، لقيت ان ربنا ميسرك لحاجة، كل شقاوتي كانت تمثيل، كنت بعمل مقالب وبخوف الناس، يحصل كارثة مايحصلش أنا كنت بضحك، ولما كبرت فهمت وإن دا مخزون من الطفولة دي، كانت جميلة جدا بفضل الله.