خست ورجعت ثقتها بنفسها.. شيرين عبدالوهاب تكشف عن أصدقائها المقربين وتشكرهم
تاريخ النشر: 15th, October 2024 GMT
وجهت النجمة شيرين عبدالوهاب الشكر لكل من هنأها بعيد ميلادها، في رسالة صوتية مؤثرة نشرتها على حساباتها الرسمية بمواقع التواصل الرسمية الخاصة بها، معبرة عن امتنانها العميق لدعمهم وحبهم خلال هذه الفترة.
تضمنت رسالة شيرين قائمة طويلة من الأسماء التي توجهت إليها بالشكر والتقدير، بدءًا من أصدقائها المقربين وزملائها الفنانين وحتى جمهورها في الوطن العربي الذي أشاد بنجاحاتها الأخيرة واستعادتها لرشاقتها بعد فقدانها الكثير من وزنها وزيادة ثقتها بنفسها وعودتها إلى الظهور بشكل أكثر إشراقًا وجاذبية، وعودتها من جديد إلى الساحة الفنية وهي أكثر نضجًا وحكمة، ولاقت هذه الرسالة تفاعلاً واسعًا على مواقع التواصل الاجتماعي.
View this post on Instagram
A post shared by SherinAbdelWahabEG (@sherinabdelwahabeg)
وقالت النجمة شيرين في رسالتها: "عايزة أشكر كل الناس اللي عايدتني اللي هما عائلتي الكبيرة اللي عايدتني بمناسبة عيد ميلادي واثروا فيا جدًا جدًا السنة دي، معايدة المطربة سميرة سعيد النجمة الكبيرة الديفا صديقتي الغالية، ومها صاحبتي مش هنسى أبدًا جمال الفويس بتاعكم وجمال المعايدة بتاعتكم".
وتابعت: "شكرا ربنا يخليكم ليا حبايب قلبي بخاف عليكم اكتر من أي حاجة، أستاذ بهاء الدين محمد وأستاذ وائل جسار وأستاذة لميس الحديدي وويجز حبيبي؛ بهاء حبيب قلبي ووائل جسار نجم كبير جدًا جدًا وعزيز على قلبي وأخويا وبقوله ربنا يكون في عنكم وتشوفوا لبنان كلها خضرة ومتعمرة، ونرجع تاني ضيوفكم زي ما كنا بنروح وبتشيلونا من على الأرض شيل.. يا رب يكون مع لبنان يا رب.".
وأضافت: "وطبعا الإعلامية الكبيرة لميس الحديدي، حبيبتي وأستاذتي وحبيبة قلبي، والمطرب ويجز يا روح قلبي شكرا.. شكرا على معايدتك الجميلة الرقيقة.. أنت رقيق وحساس وشكرا يا حبيبي قوي، وبالنسبة للملحنين أستاذنا بقى عزيز الشافعي حبيبي وصديقي هو تامر حسين وتوما دول ليهم معزة خاصة في قلبي دول ساعدوني وبنوني من جديد عايز أقول لهم أن أنا نجاحي ده أهديه لكم عشان انتم شركاء فيه وأنا مبسوطة أوي أوي أن أنا بقى ليا صحاب زيكم، ناس نضاف وفنانين حقيقيين ربنا يخليكوا ليا".
واستطردت: "محمود الليثي مش عارف أقول لك إيه؛ هتجيلي البيت وهنقعد وأعمل لك أكل ونضحك ونهزر وأنت غالي عندي أوي وغنوتك الجديدة ما ببطلش اسمع فيها (يا عم المجال كله) شكرا يا حبيب قلبي شكرا على طيبتك ولسانك الحلو، أنت خيرك عليا يا ليثي حبيبي، أنا مش هنسى وقفتك معايا في فرح أختي، تسلم لي يا حبيبي شكرا. وكل سنة وأنت بخير وكل سنة وأنت ناجح".
كما وجهت رسائل أخرى لبعض أصدقائها قائلة: "خالد سليم النجم الكبير ألف شكرا حبيبي، وصديق غالي شكرا يا حبيبي على معايدتك، وكل سنة وأنت حبيبي طيب وفي بيتك سالم غانم أنت وأهل بيتك، هايدي موسى حبيبة قلبي، شكرا يا أجمل صوت، وشكرا على قلبك وإحساسك الحلو، وكمان مش عايزة أنسى كلام المطربة ساندي، حبيبتي شكرا، لأنها قالت كلام حلو في حقي.. شكرا جدا، تامر عبد المنعم متعهد الحفلات الكبير، صديق غالي من زمان. شكرا يا حبيبي ودائما موفق في شغلك. وسارة صاحبتي شكرا حبيبة قلبي على معايدتك الجميلة. وحسن أبو الروس طبعا شكرا يا لذيذ يا رايق شكرا على كلامك الحلو. انا مش عارفة أجاريك طبعا في لسانك الحلو والحاجات اللي أنت قلتها دي عني بجد الف شكرا".
واختتمت رسالتها قائلة: "شكرا لكل إنسان عايدني في عيد ميلاد السنة دي لأنه كان فارق معايا السنة دي أن أنا اسمع صوته واسمع معايدته ليا قويتني وفرحتني وحسستني أن العيد السنة دي يعني غير كل سنة، ربنا يخليكوا لي ويخليلي كل الفانز، ألف شكرا ليكوا يا حبايبي.. كل سنة وأنتم عيدي".
وكانت النجمة شيرين عبدالوهاب قد استعادت نجوميتها ورشاقتها من جديد بعد النجاح الكبير الذي حققته أغاني ألبومها الجديد الذي طرحتها على مواقع السوشيال ميديا مؤخرا.
تأتي هذه الرسالة في أعقاب فترة من النجاحات المتتالية التي حققتها شيرين، والتي شملت إطلاق ألبوم جديد حقق نجاحًا كبيرًا، ولاقت أغانيه إعجاب الجمهور وتصدرت قوائم الأغاني الأكثر استماعًا في الوطن العربي، بالإضافة إلى استعادة قوتها مرة أخرى على منصات التواصل الاجتماعي، وهو ما زاد من شعبيتها ونجوميتها في مصر والوطن العربي مرة أخرى.
المصدر: صدى البلد
كلمات دلالية: شيرين لميس الحديدي بهاء الدين محمد شيرين عبدالوهاب تامر عبد المنعم شیرین عبدالوهاب سنة وأنت شکرا على السنة دی کل سنة
إقرأ أيضاً:
حكاية ممرض بلقاس.. حسام حبيب يكشف سر فتح ملفات طليقته شيرين
كتب المطرب حسام حبيب، منشورين عبر ستوري حسابه الرسمي بتطبيق انستجرام، كشف من خلالهما تعرضه لهجوم من جمهور طليقته الفنانة شيرين عبد الوهاب، وتطرق للحديث عن ممرض لم يكشف قصته كاملة.
وكتب حسام حبيب، عبر ستوري انستجرام: «الحمد لله انا بشكر ربنا سبحانه و تعالى على كرمه و فضله ان الناس اللى انا بجد بشكرهم و بقولهم شكرا لانكم سمعتوني من غير هجوم و رعب و اذی و تهدید و انكم حررتوني من تهديد صفحاتها والالتراس بتاعها اللي فضلو مصمميم عليه و انا لسه ها عرفكم علي الناس اللى شغالين و عايشين معاها اصلهم ايه و فصلهم ايه و هما مين و عاملو ايه وضروني اذاي و قد ايه هما فاكريني مش ها وصل لحقيقتهم اقسم بالله العظيم لاخليهم ايه و عبره لمن يعتبر وبقولهم انتم خايفين ليه و بتفكرو تسافرو ليه فاكرين ها تهربو من المواجه وبقولهم تاني لو رحتو فين ده اذا عرفه يسافرو و بقولهم اللي انتم مخبينو عليها والضرر اللى اتسببتو فيه ليا و ليهو تاني ها خلييهم عبره».
وأضاف حسام حبيب، في منشور آخر: «وللناس اللي بتسأل ليه راجع تفتح الموضوع بعد ما اتقفل الحقيقه مش انا اللي عملت كده اللي عمل كده هم صفحات جمهورها اللي من برومو حلقه رامز و بعدها ما وقفوش سب و قذف و اهانه و حذرتهم الصفحات دي بيتك ادارتها و تمويلها من افراد شغالين و عايشين معاها و اعتقد بدون علمها و لكن هي المسئوله عنهم وها حطلكم في الاستوري اللي بعدها مثال لصفحه الادمين بتاعها ممرض من بلقاس اسمه ابراهيم اللى يتم تمويله و تحرضيه من الثنائي اللي ها كشفلكم حقيقتهم و ان شاء الله هايتم محاسبتهم و ماحسبه ممرض بلقاس».
وجه الفنان حسام حبيب، رسالة مؤثرة إلى الفنانة شيرين عبد الوهاب، طالبها بالإفصاح عن حقيقة الخلافات التي نشبت بينهما، قائلا: "أنا إنسان مريض لو دافعت عن نفسي بندم، ولو اتكلمت عن حقي هندم ومش هقدر، ولو قلت الحقيقة هنتحر".
وأضاف حبيب،: "شيرين عبد الوهاب تضعني في مقوف لا أستطيع إطاقته أو تحمله، وأتمنى أن تتحدث شيرين عن كل شيء، وللأسف مش هي دي الإنسانة اللي حبتها".
وتابع: "لا يمكن أرجع لشيرين مرة أخرى، وأقسم بالله بحبها ومش هقول أد ايه، لكن هل لو رجعت لها مش هخاف منها؟! اللي يخاف من حد هيعرف يرتاح جنبه؟! أنا كنت بلمس شيرين وأنام، ولما كنت أقوم من الناس وملاقيهاش أجري زي العيال الصغيرة، وشيرين حرمتني من كل ذلك، ومش عاوزها ترجع، لكني عاوزها تتبسط وتنجح وأتمنى أشوفها في علاقة أحسن".
كما قال الفنان حسام حبيب، إنّه يمتلك أدلة تدين الفنانة شيرين عبد الوهاب طليقته، فيما يتعلق بالخلافات بينهما، لكنه لا يفضل الإفصاح عنها لأنها "في منتهى القسوة".
وأضاف حبيب،: "شيرين كانت متعورة وبتخر دم، وأنا مضربتهاش، والشهود قالوا إنها اللي عملت كده في نفسها، وأنا مش قاسي كده، وأترجى شيرين إنها تقول اللي حصل بيننا بالتفصيل".
وتابع: "أتمنى من شيرين أن تتحدث بنفسها عما جرى بيننا، والحمد لله إننا بقالنا شهور مبنتكلمش مع بعض، معدتهمش، ومبسوط لأن حياتي اتغيرت، ومفيش تواصل مع أي حد من طرفها وهي مرحلة وعدت، ولست سعيدا بالحديث عن الخلافات بيننا، ولكنني مجبر على ذلك، بسبب الإهانات التي تعرض لها أهلي وأصدقائي بسببها".
البريد الأردني يعلن عن توزيع ١٢٠جائزة نقدية بمناسبة شهر رمضان المبارك على منتفعي المعونة الوطنية / أسماء