نصى التانى.. ميران عبد الوارث ترثي والدها فى ذكرى وفاته بكلمات مؤثرة

نشرت الفنانة ميران عبد الوارث تعليقا عبر حسابها على موقع التواصل الاجتماعي “إنستجرام”، تحيى فيه ذكرى وفاة والدها أحمد عبد الوارث. 

وقالت ميران عبد الوارث: "زى الليلة دى من 6 سنين، مكانش جايلى نوم برضه، عشان مكنتش عارفة هاصحى أشوفه تانى ولا هتبقى كانت آخر مرة خلاص، كان مجرد إحساس، من قوته افتكرته تهيؤات، أو مخاوف، سبحان الله بقالى 6 شهور أو أكتر، مناعتي زى الفل، ضِعفت امبارح، وعييت، كأن مهما بتمر السنين، الجسم مسجل أنه فى اليوم ده هيتعب، فكل سنة، فى نفس اليوم ده، بعيشها من أول وجديد".

مليون قضية هتترفع عليا.. مروة صبري تكشف مكالمة سرية لها مع مطربة شهيرة الشهادة عبارة عن قرطاس طعمية.. تعليق ناري من مروة صبري على سمية الخشاب خسرت جمهورها.. مروة صبري لـ رانيا يوسف: صوتك وحش.. فيديو "بداية الرحلة".. لطفى لبيب: دخولي الفن كان أصعب من حرب أكتوبر.. تمردت وكسرت العادات والتقاليد الصعيدية بسببه.. اتعينت في مسرح الطليعة وراتبي 17 جنيها و42 قرشا| حوار الجزء الأول

وأضافت: "زي الليلة من 6 سنين، فقدت عمود من عواميد تعريفى لنفسي، نصي التانى والأهم، فهمت يعنى إيه تعب ويعنى وجع ويعنى إيه هم، بس فى نفس الوقت زي الليلة دى من 6 سنين، هو راح وجيت أنا، كسر كبير، بس زي ما بيقولوا دخل نور أكبر، لأن مهما كان الوجع، فاللهُ أكبر، أكبر من كل شىء، وهو صاحب كل شىء، وطالما ده اللى قدره، يبقى أنا تمام".

وأوضحت ميران عبد الوارث: "وفعلاً زى الليلة دى من 6 سنين، حصل أكتر حاجة كنت بخاف منها، وبسببها، تحررت، وعقلى هدى وقلبى ارتاح، عشان اللى كنت طول عمرى ماسكة فيه راح، ففهمت، إنه مش عايزنى أمسك فى حد غيره سبحانه".

وتابعت: "مات الوالد واتولد طفل جديد زي الليلة دى من 6 سنين، فقدت أبويا وعرفت أنا مين، ومن عرفَ نفسه، عرف ربه، اللهم لك الحمد على نعمة الوعي، رحم الله كل أحبابنا المسلمين، أرجو الدعاء لوالدي بالرحمة والمغفرة".

المصدر: صدى البلد