يا خالد سلك عليك الله لو ما إنتو ديوك عدة جد تتحالفوا مع حميدتي!
تاريخ النشر: 12th, October 2024 GMT
عمرو صالح يس يكتب:
خالد سلك والغباء السياسي!
يا خالد سلك عليك الله لو ما إنتو ديوك عدة جد تتحالفوا مع حميدتي!
يا أخوانا خالد سلك دا ما خلا اسبيس ما طلع فيها يروج لي انو الإطاري دا هو الصيغة الكانت حتعمل السلام وتمرقنا من الحرب وتودينا للديمقراطية. السردية المؤسسة للحرب دي هو إنو عشان الجيش والكيزان ما دايرين الديمقراطية الحيودينا ليهم الإطاري قاموا عملوا الحرب.
حاليا حميدتي كأكبر ديك عدة في التاريخ جا زرق ليهم السردية دي في حنانهم وقال سبب الحرب الإطاري وهو ما كان مقتنع بيو لكن أقنعوهو بيو الأمريكان وفولكر والأوربيين. وقال ليهم ما معناو إنتو الإطاري دا عملتو عشان أنا أمسك البلد حاليا نطيتو مني وبتعترفوا بالبرهان كرئيس دولة وعملتو عقوبات على أخواني. طيب وقت حتنكروني وديتوني في الشغلة دي من أول لي؟!
بالمناسبة حميدتي دا في الحتة دي كان بيعبر عن. نفسه من غير غشاء وعي his true self وبيوريك إنو الإطاري دا هندسة خارجية بالكلية لإعادة هندسة عنف الدولة السودانية وحميدتي نفسه كان عارف حجم المغامرة الفيو وبالحرف بداية الحرب دي قال أنا قبل الإطاري ما عندي مشكلة مع البرهان. والجماعة سيكو في قبولو.
غباء المحاور الهندست الإطاري والقحاتة إنهم ما قدروا يشوفوا إنو الدعم السريع دا ديك عدة بالدرب ومغامرة بالحجم دا هو ما مؤهل يبقى الرافعة ليها. دا غير تقدير موقفهم الغلط الخلاهم يتوقعوا نجاح الانقلاب وعدم صمود الجيش في الحرب. تقدير موقف بيهمل تماما عنصر العراقة في المؤسسة دي وخبرتها الطويلة في الحروب.
حاليا الزول دا الكرت الأخير للتعامل معاو سياسيا اللي هو الإطاري حرقو، واعترف بالحرف إنو متمرد، ومزق فاتورة الديمقراطية بالكامل لصالح التعريف الإثني للحرب.
إنتو بي أمريكانكم وإماراتكم ومولي فيكم وفولكركم جوهر غباؤكم هو الاعتماد على زول ديك عدة زي حميدتي ولا قوة غير نظامية بالمرة تكلفتها السياسية عاليا زي الدعم السريع.
لا نجدكتم الأخلاق ولا أسعفكم الحد الأدنى من عدم الغباء!
عمرو صالح
إنضم لقناة النيلين على واتسابالمصدر: موقع النيلين
كلمات دلالية: خالد سلک
إقرأ أيضاً:
محسن جابر: عصر الألبومات انتهى والسينجل هو الغالب حالياً
أكد المنتج محسن جابر، أن العصر الحالي هو عصر الأغنية المنفردة "السينجل"، وليس الألبومات الكاملة، موضحًا أن حتى في الماضي، كانت هناك أغنية رئيسية في كل ألبوم تهيمن على باقي الأغاني، ضربًا مثالًا بألبوم "نور العين" للنجم عمرو دياب، ورغم تميز جميع الأغاني، إلا أن الجمهور ظل يتذكر الأغنية الرئيسية المصورة فقط.
وأشار محسن جابر، خلال لقائه مع الإعلامية أسما إبراهيم، ببرنامج "حبر سري"، المُذاع عبر شاشة "القاهرة والناس"، إلى أنه حاليًا الأغنية السينجل تتحمل كل تكلفة الألبوم الغنائي، موضحًا أن إصدار ألبوم كامل يمثل تكلفة كبيرة للمنتج، لأن بعض الأغاني قد تطغى على غيرها.
وتابع: "استراتيجية أبنائي في إنتاج الأغاني لأحمد سعد تعتمد على إطلاق أغاني منفردة على مدار العام، وفق خطة محددة سيتم الكشف عن نتائجها في نهاية السنة"، متمنيًا التوفيق لأبنائه في إدارة الإنتاج الفني.
إندريك يعوض غياب نيمار في قائمة منتخب البرازيل