ليس شرطًا أن يفهم المواطنون كل شيء.. الرئيس السيسي عن أهمية الوقت والقرار - (أبرز الرسائل)
تاريخ النشر: 12th, October 2024 GMT
كتب- عمرو صالح:
وجه الرئيس عبدالفتاح السيسي، خلال افتتاحه صباح اليوم محطة قطارات صعيد مصر "محطة بشتيل" بمحافظة الجيزة العديد من الرسائل، التي تهم المواطنين والمصنعين.
ويرصد مصراوي أبرز تصريحات الرئيس السيسي اليوم والتي جاءت كالتالي:-
- يا أهل الصناعة ورجال الأعمال والبنوك واللي شغالين في الاستثمار، كل المنتجات اللي مصر استوردتها الفترة اللي فاتت بكل أرقامها فرصة ليكم لتوطين هذه الصناعة في مصر.
- بنستورد جبنة بمليار و200 مليون دولار، ونقول للناس مش عارفين نعمل مصانع ننتج الحاجات اللي الناس عايزاها، ده كلام بقوله عشان تعرفوا إن الحلول معانا إحنا.
-25 مليار دولار لاستيراد السيارات، معقول مش قادرين نخلي شركات السيارات تنتج سيارات عندنا تكفي طلبنا في مصر وتصدر الباقي.
- بنستورد عطور ومزيلات العرق وماء التواليت بـ 440 مليون دولار، ومستحضرات تجميل بـ 500 مليون وحقائب يد 200 مليون، وشيكولاته 400 مليون دولار، حتى السيراميك، وبتلوموني وتقولوا الدولار غلي ليه؟.
- مسؤولية الـ106 ملايين والضيوف كبيرة أوي ويارب نقدر نعدي من اليوم ده في الحساب.
- مش شرط كل حاجة تبقى الناس فاهماها بأهمية وقتها والقرار بيتاخد ليه، ساعات الزمن بعد كده هيرد.
- إحنا عندنا ثوابت في إدارتنا لعملنا، إنك تعمل دولة قادرة على النمو التجاري حياة الناس في مصر، فيه 106 ملايين عايشين على شريحة صغيرة وخدماتها صعبة، وده تعبير مهذب جدا.
- النهارده بنتكلم عن حال السكة الحديد في مصر سواء محطات أو خطوط أو وحدات، القطاع كله تم إهماله، وده مش عيب في اللي قبل مننا، دي ظروف كانت بتمر بالبلد، كان الخيار نعملها وتبقى ظروفنا الاقتصادية صعبة ولا منعملهاش.
- الشعب المصري تعايش على مدار السنوات الماضية مع ظروف وأوضاع غير طبيعية.
- إحنا مسؤولين أمام الله اللي هيحاسبنا إننا فاهمين حاجة ومنعملهاش، لأ، إحنا نتعب لأجل بكرا ونبني لأجل بكرا.
- استمرار مبادرة حياة كريمة رغم الظروف التي تواجه المنطقة.
- الرئيس الراحل محمد أنور السادات عندما اتخاذ قرار دخول الحرب كان جميع خصومه منتصرين، قائلًا: "كل 10 سنوات بتتكب صفحة جديدة في التاريخ للرئيس السادات.. إنه هزم خصومه وهو مش موجود".
- السادات هزم كل خصومه الذين أساءوا له، ليس شرطًا أن يفهم المواطنون كل شيء عن أهمية الوقت وأهمية القرار.
- الزمن يرد ويكشف أهمية القرار، في رب عظيم علام حكيم هو اللي هيفصل بين الناس.
المصدر: مصراوي
كلمات دلالية: مهرجان الجونة السينمائي طوفان الأقصى حكاية شعب حسن نصر الله سعر الدولار الطقس أسعار الذهب الهجوم الإيراني الانتخابات الرئاسية الأمريكية الدوري الإنجليزي محور فيلادلفيا التصالح في مخالفات البناء سعر الفائدة فانتازي محطة بشتيل محطة قطارات الصعيد السيسي المستوردين فی مصر
إقرأ أيضاً:
عاجل | «الرئيس السيسي» لأسر طلاب أكاديمية الشرطة: نرعى أبنائكم بمعايير علمية وتربوية وإنسانية
أعرب الرئيس عبد الفتاح السيسي عن سعادته بالتواجد وسط أسر طلاب أكاديمية الشرطة.
ورحب الرئيس السيسي بأولياء أمور طلاب أكاديمية الشرطة، قائلا: «سعداء بيكم ومرة تانية بشكركم على أبنائكم وبناتكم اللي موجودين معانا، وزي ما أنتم حافظتم عليهم، تأكدوا إحنا كمان هنا هنحافظ عليهم ومش هقول زيكم، لأنه مفيش بعد رعاية الأب والأم للأبناء، لكن بنرعاهم بمعايير علمية وتربوية وإنسانية».
وأضاف «السيسي» «إحنا بنتعامل هنا لتنشئة وإعداد وبناء الجيل اللي هما أبنائكم وبناتكم.. إحنا بادئين مرحلة تطوير كبيرة جدا لكن بهدوء شديد، ومفيش فيها لا صخب ولا شوشرة ولا تعجل، لأن في مؤسسات الدول أي تطوير يتم فيها بيتم بدراسات وبالتدريج».
اقرأ أيضاً«الرئيس السيسي»: الدولة تبذل قصارى الجهد لتوفير حياة كريمة للمواطنين
الرئيس السيسي يؤكد على ضرورة تكثيف الجهود للحفاظ على الأمن القومي والتصدي للشائعات
قمة القاهرة وندوة القوات المسلحة.. نشاط الرئيس السيسي خلال النصف الأول من مارس (فيديو)