جوري بكر: بتكلم مع ربنا وبتسخيره
تاريخ النشر: 10th, October 2024 GMT
وجهت الفنانة جوري بكر، نصيحة لجمهورها بكثرة الحديث مع ربنا عدم الاقتصار بذلك أثناء الصلاة فقط، مشيرة إلى أهمية ومعنى "الاستغناء التام بالله".
كتبت جوري بكر عبر خاصية القصص القصيرة بموقع تبادل الصور والفيديوهات "إنستجرام": "اتكلم مع ربنا لحد ما عينك تروح في النوم؛ الجملة دي عادية.. بس لما بدأت أطبقها في يومي حسيتها،بتكلم مع ربنا جوايا وبستخيره وبقوله ناوية أعمل ايه وبحكيله عن الخطة اللي غيرتها".
تابعت: "بشكيله تصرف ضايقني وبحكيله الضغوط اللي أنا فيها وعلى حاجة مقلقة منها، وبستغفره أول بأول عن غباء تصرفاتي، وبدعيه بتفاصيل صغيرة أوي لو حد سمعها هيستغربها،كلم ربك 24 ساعة في الـ24 ساعة، واختم كل مرة كلامك بأنك واثق أنه مش هيضيعك وأنه سندك الحقيقي.. وتضحك وتطمن".
اختتمت:"ساعتها نسبة الشكوى هتقل وهتلاقي نفسك مرتاح والإشارات من ربك هتلاقيها قدامك كتير، كتير أوي.. الحالة دي ممكن نسميها : الاستغناء التام بالله".
المصدر: صدى البلد
كلمات دلالية: جوری بکر مع ربنا
إقرأ أيضاً:
شريف عامر لـ«كلم ربنا»: «أنا متأكد أن الله يحبني جدًا»
تابع أحدث الأخبار عبر تطبيق
قال الإعلامي شريف عامر، إننى "على يقين تام بأن الله يحبني، وهذا الشعور العميق دائمًا ما يرافقني، كنت أشارك زملائي هذه الفكرة وأقول لهم بثقة: «أنا متأكد أن الله يحبني جدًا»
وأضاف «عامر»، خلال حواره لبرنامج «كلم ربنا»، تقديم الكاتب الصحفي أحمد الخطيب على الراديو «9090»: «كانت حالتى الاقتصادية تعبانة وعرفت أنه هيجينى طفل تالت، كنت بعيط وببكي لحظة ما عرفت، كانت لحظة صعبة، وقتها كنت فى رمضان بفطر عند أهلى وأهل مراتي يوم آه ويوم لأ عشان مفيش فلوس، ومش معايا غير 4 لتر بنزين فى عربيتى بس، ومفيش أكل فى البيت، كنت فى مدينة الإنتاج وقتها وكنت بصور برنامج، فقلت: «يا رب اعمل اية، فتولانا يا رب أنا وهما"، والنهاردة بعد الدنيا ما اتغيرت وربنا سترنى وكرمنى بعدى على نفس المكان وبشكر ربنا، والطفل التالت أصبح فاكهة حياتى.
وأضاف: كان لي صديق«صديقي حسين اللي سميت ابنى على اسمه عشان يطلع زيه، وهو أول واحد اتوفي فى أصدقائي، نام مصحيش وهو عنده 20 سنة، يومها كان بينا ميعاد وأنا مرحتش، ومقبلتش عزاه من حد، ولا أى كلام يواسيني، وقلت لربنا أنا مش مبسوط، ويا رب لازم أشوفه لما أموت، وعاتبته: «قلت انت عملت فيا كدة لية»، عزاء حسين كأنه عزاء رئيس وزراء، لكن اعتقدت وقتها أن ربنا قبل كلامي، لكن حسيت انى كنت بجح أوي لأن قولتله يعنى سبت كل الناس، وكان وقتها فى حرب تحرير الكويت وخدت ده"، لكن تعلمت الدرس أن هناك قدر، وكمان تعلمت درس الافتقاد، لكن جزء من الإيمان هو الرضا، وكنت بسمع إن العم محمود السعدنى كان يقول يا رب أنا حبيبك"، وفهمت إنه حاجات بتحصل بنعرف معناها بعدين، لأنه نهايته دى كان ممكن أحسن له، وكل 9 نوفمبر بفتكره من 30 سنة، وحسين ابنى اتولد 14 نوفمبر، قولت لربنا خدت واحد هاتلى واحد وفعلا ده اللي حصل، ونوفمبر شهر من افتقدت ومن رزقت، ومن هنا جاتنى فكرة ان ربنا بيحبني، وكنت بقول لأصدقائى أنا هدخل الجنة، وحتى ان تجاوزت يقابل ذلك بالسماح والاستيعاب، لكن ممكن تتظاهر قدام اى حد إلا ربنا، وبقيت بحب أدعى برة الصلاة، يعنى الصلاة فرض، لكن دعائي الجانبي هو حق الله عليا».
لجنة حماية المعطيات: هجومات سيبرانية تستهدف مواقع حكومية مغربية