خالد الغندور يعلق على انتقاد حسين لبيب بسبب شعار الزمالك الجديد

علق خالد الغندور، نجم الزمالك السابق، على الانتقادات التي تعرض لها رئيس القلعة البيضاء، حسين لبيب، بعد شعار "أكبر قلعة رياضية في مصر".

 

وقال خالد الغندور: "ممكن حبك للنادي يعمل تعصب؟ صحيح، نسيب فكرة التعصب ده شوية للجمهور، لكن على مستوى الإدارات، المفروض خلاص ومنغذيش القصة دي".
 

وأضاف: "القصة مش بالتصريحات، أنا كخالد ضد الأهلي فوق الجميع، فيقولك أصل دي أيام الكابتن صالح سليم، ده لمحبيه بس، خلاص قول الأهلي فوق محبيه أو جماهيره".

 

وأكمل: "لكن على أرض الواقع إيه اللي حصل بخصوص الأهلي فوق الجميع، كل السوشيال ميديا ده فوق الأهلي وفوق الزمالك".

وتابع: “الناحية التانية، حسين لبيب من حقه يقول الزمالك أكبر قلعة رياضية في مصر، اللي زعل الناس والأهلاوية، إنه قال واللي هيشوف غير كدة هنبعده عن الرياضة، أو ميفهمش حاجة، لا في أهلاوية شايفين ناديهم أكبر، في النهاية الكلام بيترجم لبطولات ومنافسة داخل الملعب”.

المصدر: صدى البلد