خالد الغندور: الزمالك يستخرج تأشيرة الإمارات لـ أحمد فتوح قبل السوبر المصري
تاريخ النشر: 9th, October 2024 GMT
قال الإعلامي خالد الغندور إن مسئولي نادي الزمالك استخرجوا تأشيرة سفر أحمد فتوح للإمارات استعدادًا لبطولة السوبر المحلي.
وأضاف الغندور خلال برنامجه ستاد المحور: "الجهاز الإداري لنادي الزمالك أرسل اسم أحمد فتوح ضمن أسماء اللاعبين اللي هيتم استخراج تأشيرة الإمارات لهم للمشاركة في بطولة السوبر المصري.. طب هل فتوح هيسافر مع الفريق للإمارات".
وتابع: “الحقيقة حتى الآن ”فتوح" خارج حسابات الزمالك للسوبر المصري تمامًا عشان هو عنده جلسة يوم 22 أكتوبر .. فا ربنا يرحم الفقيد ويغفر له .. حتى لو تم الصلح مع عائلة المرحوم لازم يحضر الجلسة وعشان كدة بنسبة كبيرة هو خارج السوبر المصري تمامًا إلا لو سافر مباشرة بعد الجلسة".
وأكمل: "طيب حد يسأل ليه الجهاز الإداري عايز يطلعله تأشيرة.. باختصار هما شايفين إنهم لازم يبقوا جاهزين لأي موقف أو ظرف وجرت العادة في الزمالك إنهم يطلعوا تأشيرات لكل اللاعيبة في الفريق وبعدها يشوفوا مين اللي هيسافر بس الأهم يكن الجميع جاهز".
واختتم:"بمناسبة الكلام عن أحمد فتوح كنت بتكلم مع أحد لاعبي الزمالك الكبار وقالي إن فتوح اتغير تمامًا وشخصيته بقت مختلفة تماما
الراجل شاف ان الحادثة اللي حصلت دة درس كبير ورسالة من ربنا وبقى مداوم على الصلاة وكمان طريقة تعامله مع الجميع اختلفت تماما وهو حريص انه يستمر على نفس الشكل ده..
لاعيبة الزمالك فرحانة من التغيير اللي شايفينه في أحمد فتوح وفي حالة دعم كبيرة من الجميع عشان يستمر على نفس الشكل..
ربنا يرحم الفقيد ويغفرله ويصبر أهله ويكون الموقف ده عبرة لينا جميعًا".
المصدر: صدى البلد
كلمات دلالية: الزمالك خالد الغندور لاعبي الزمالك نادي الزمالك الاعلامي خالد الغندور بطولة السوبر المصري أحمد فتوح
إقرأ أيضاً:
خالد الغندور: عايز تغيظه اخطف زيزو
علق الاعلامي خالد الغندور علي تصريحات زيزو عبّر حسابة بموقع التواصل الإجتماعي فيسبوك.
وكتب الغندور :عايز تغيظه اخطف زيزو.
وأكد أحمد مصطفى "زيزو" نجم الزمالك إنه لم يوقع لأى نادى مؤكداً أنه يحترم القلعة البيضاء .
وكتب زيزو عبر "أستورى إنستجرام" عبر حسابه الرسمى :"الحمد لله أنا راجل بحترم كل الناس لكن للأسف عدم ردي علي المعلومات المغلوطة والتزامي الصمت زاد عن حده وكل ساعة خبر عن توقيع أو تجديد عقد زيزو وكل واحد بيغازل الشريحة اللي عايزها من الجمهور".
وتابع: "بكل وضوح أنا لم أوقع لأي نادي سواء داخل أو خارج مصر اللي حصل على توقيعي يتفضل يعلن إذا كان كلامه صحيح ، كمان اللي عنده دليل على توقيعي لأي نادي برضو يتفضل يطلعه على الملأ الناس لازم تعرف كويس".
وواصل: " أنا بقدر جدا الكيان الكبير اللي بلعب فيه ولا يمكن أنكر فضله عليا لكن فيه حاجة أنا مكنتش حابب أتكلم فيها خالص لأنه للأسف الأمور في الإعلام كلها في إتجاه واحد ليه محدش اتكلم عن حقوقي المشروعة زي أي لاعب في الدنيا ".
واكمل:"ليه محدش اتكلم إن الناس سابتني بقالها شهور طويلة ومش عايزين يجددوا عقدي ليه محدش اتكلم عن المستحقات المتأخرة اللي ليا بقالها كثير ومش لاقي حد".
واختتم:"محدش كمان اتكلم إن ربنا سبحانه وتعالى أنعم عليا بعروض مقابلها المالي 10 أضعاف العرض اللي موجود ورغم كل ده قلت وهفضل أقول أنا منتظر كلمة النادي. ورد لإعتبارات كتير مش لتجميل الصورة.
انطلاق الأسبوع الثقافي الـ37 لأطفال المحافظات الحدودية ضمن "أهل مصر"