الكل كان بيعيط.. محمود شاهين يرد على انتقادات الجمهور لحفل زفافه

رد مدير التصوير محمود شاهين، على الانتقادات التي وجهت له مؤخرا بسبب حفل زفافه، الذي أقيم منذ أيام قليلة.

وقال محمود شاهين في لقاء تلفزيوني: "معنديش رد على كل الحاجات دي غير إني واحد انبسطت بفرحي جدا ومبسوط أوي أوي إني حققت الحلم اللي كنت عايزه وإني اتجوزت البنت اللي بحبها".

كما تحدث محمود شاهين على بكاء إلهام صفى الدين في زفافه، قائلا: «أنا بالنسبة لإلهام أخوها وصاحبها وبتجوز، دي فرحة رهيبة لأن الكل كان بيعيط، الناس ركزت بس بأنها بتهتم بيا ودي بنتي وأختى وصحبتي وإحنا عيلة، فهل في بين الأخوات أي حاجة الناس دي بتفكر إزاي».

وعن تصدره التريند قال محمود شاهين: "اللي قاعدين على الكنبة وبيكتبوا تعليقات هو ميعرفش أنا مريت بإيه وميعرفش حياتي عاملة إزاي، والشخص اللي كفرني دا ميعرفش علاقتي بربنا إيه، كل ما في الموضوع بالنسبة ليا بقيت تريند شكرا شوية وهيموت".

حفل زفاف محمود شاهين

وكان محمود شاهين نجل شقيق الفنانة إلهام شاهين احتفل بزفافه مساء الخميس، 5 سبتمبر.

وحرص على الحضور الفنانة إلهام شاهين عمة العريس والنجم محمد حماقى والمنتج حمدى بدر، وأمير شاهين عمه، والمخرجة منال الصيفي، والفنانة إلهام صفي الدين ابنة عمته، كما حضر كريم محمود عبد العزيز، نسرين إمام، هاجر الشرنوبي، محمد عز، سارة عبد الرحمن، وئام مجدي، المخرج حسام الحسيني، السيناريست تامر حبيب ونجلاء بدر ومحمد الشرنوبي وناهد السباعي وغيرهم من النجوم.

المصدر: صدى البلد