«مريض وعنده هوس».. مريم تطلب الخلع من زوجها: بيضربني أثناء العلاقة الزوجية
تاريخ النشر: 7th, October 2024 GMT
مريم فتاة عشرينية تزوجت قبل 3 سنوات من شاب يكبرها بـ 4 سنوات إلا أنها وجدت نفسها بعد هذه الفترة أمام محكمة الأسرة في مصر الجديدة، تطلب الخلع من زوجها بعدما استحالت المعيشة بينهما، بسبب قيامه بالتعدي عليها بالضرب أثناء ممارسة العلاقة الزوجية معها.
. نص أقوال مؤمن زكريا | مفاجأة
وسردت مريم قصتها مع زوجها وبدايتها كانت قبل 4 سنوات حيث قالت «من 5 سنين كنت بشتغل في شركة وبعد سنة اتعرفت على موظف الحسابات وبقينا أصحاب وبعدها اتقدم لي عشان يتجوزني، وفعلا أسرتي وافقت على ده واتخطبت له وبعدها بـ 8 شهور بس اتجوزنا، ومكنش في أي مشاكل في الجواز ولا حاجة في أول شهر».
تابعت مريم قائلة «في بداية الجواز كان شخص طبيعي وبيتعامل بكل ذوق وبناخد على بعض يمكن كان جريء شوية عني لكن محصلش بيني وبينه أي مشاكل، لكن بعد فترة بدأت تحصل حاجات غريبة ومش مفهومة، كان بيضربني أثناء العلاقة الزوجية ويطلب حاجات مش مألوفة وأنا من جوايا كنت متأكدة أن ده مش طبيعي بس طبعا كنت لسه عروسة جديدة ومكنش ينفع احكي لأي حد».
أكملت مريم في قصتها قائلة «لكن بعد فترة بدأت أدور على النت واشوف اللي بيعمله جوزي ده عادي ولا لأ، وعرفت بعدها أن في حاجات ممكن تجيب المرض وأنه كمان كده عنده مرض وهوس بالحاجات دي، وأنه مش شخص طبيعي وأتكلمت معاه بكل صراحة وقولت له أني دورت وعرفت ورفضت أني أعمل ده تاني وفي اليوم ده مارس معايا العلاقة غصب عني».
واختتمت مريم قائلة «تاني يوم خدت بعضي وروحت عند أهلي وهو كلمني قولت له أنا عند أهلي تعالى اتكلم معاهم لكن هو مجاش وطلبت منه الطلاق لكنه رفض فمكنش قدامي غير أني أروح محكمة الأسرة وأطلب الخلع منه عشان أخلص من اللي بيعمله وخصوصا أنه شايف أن مفيش أي حاجة تستدعي اللي أنا عملته أو اني اسيب البيت بالشكل ده وأن اللي كان بيحصل حاجة عادية بين أي اتنين متجوزين».
المصدر: صدى البلد
كلمات دلالية: مريم العلاقة الزوجية محكمة الاسرة ممارسة العلاقة الزوجية قضية خلع طلب الخلع الخلع من
إقرأ أيضاً:
شذى حسون: الشعب كله مع شيرين وبحس حسام غلبان ولوحده
علقت الفنانة شذى حسون، على أزمة النجمة شيرين عبد الوهاب والفنان حسام حبيب، قائلة: «أنا بنقهر عليه؛ لأن الشعب كله مع شيرين، وهو بحسه غلبان لوحده، وإحساسي أن الاثنين مظلومين».
وأضافت خلال لقاء لبرنامج «العرافة» تقديم الإعلامية بسمة وهبة، المذاع عبر شاشة «النهار» مساء الإثنين، أنها تحب شيرين كفنانة؛ لكنها تشعر بـ «القهر» تجاه حسام بسبب أنه «إنسان ضعيف»، مؤكدة أنها لا تستطيع رؤية أي شخص ضعيف دون أن تتعاطف معه.
وأبدت إعجابها الشديد بموهبة حسام حبيب الفنية، قائلة: «أنا بموت في أغانيه وبعشق ألحانه، هو فنان مهم وكبير ونجم لديه أغان رائعة، آخرها أغنية كذابة؛ كانت عظيمة».
وانتقدت استمرار الفنان حسام حبيب في الحديث عن تفاصيل علاقته بشيرين مقارنة بالفنان تامر حسني، ناصحة إياه بالتركيز على عمله، قائلة: «ركز في عملك وكفاية كلام عنها، أنا حقيقي انقهرت عليه؛ لكن في نفس الوقت أنا ضد إنه يتكلم عن تفاصيل كانت بينه وبينها، تامر حسني، الناس كلها احترمته وحبته؛ لأنه موقفه رجولي وصحيح».
واختتمت حديثها بالتعبير عن تفهمها لجرح حسام حبيب ورغبته في أن يصدقه الناس ويفهموه، معقبة: «ممكن حسام مجروح أكثر؛ لذلك يحتاج من الناس أن تصدقه وتفهمه».
خبير إسرائيلي: الشرع مستعد للتعاون مع إسرائيل بشرط واحد