"استغلوا مرضي علشان ينصبوا عليا".. أقوال مؤمن زكريا فى واقعة السحر
تاريخ النشر: 7th, October 2024 GMT
استغلوا مرضي عشان ينصبوا عليا.. بهذه الكلمات كشف اللاعب مؤمن زكريا أمام جهات التحقيق، عن تفاصيل تعرضه للنصب ونشر أخبار كاذبة على مواقع التواصل الاجتماعي بشأن تعرضه لأعمال وسحــر.
أقوال مؤمن زكريا فى واقعة السحروقال مؤمن زكريا خلال تحقيقات النيابة العامة، أنا لقيت واحد قريب مراتي اسمه مصطفى كلمها وقالها في واحد جارهم اسمه محمد إمام قاله أن في ناس لقوا عمل معمول لـ مؤمن زكريا في المقابر عشان كان العمل معمول على صور بتاعتي وكمان كان في عروسة مربوطة من ايديها ورجليها ودبابيس وكان عليها طلاسم وقالولي تعالى المقابر عشان تشوف العمل.
وتابع مؤمن زكريا في أقواله خلال تحقيقات النيابة، لما روحت قابلت الناس اللي اتمسكوا كان معاهم واحد تاني هرب وهناك وروني الحاجات دي وحطيناها في ميه بملح والورق كان دايب في المياه وكان في صورتين واحدة كبيرة والتانية صغيرة عليهم طلاسم والعروسة مربوطة من الايد والرجل ومكتوب عليها طلاسم والورق محطوط في الميه ودايب وبعد كده اخدنا العروسة وباقي الورق واتخلصنا منهم.
وأكد مؤمن زكريا في أقواله، كان في واحد بيصور الموضوع ده هناك من وقت ما دخلت المقابر واستأذنته انه ميصورش ويمسح الصور دي ومحدش ينزل حاجة ولا ينشر حاجة وبعد كدة فوجئت بتداول الصور على مواقع التواصل الاجتماعي ونشر أخبار عني وأنا في المقابر كمان والكلام ده حصل يوم 25 سبتمبر الساعة 10 بالليل وبعدها يوم 28 سبتمبر لقيت الصور منشورة في كل مكان وريهام سعيد بتتكلم عن الموضوع.
وأشار مؤمن زكريا خلال أقواله بتحقيقات النيابة العامة، أنا معرفش الناس دي ولما روحت المقابر وقابلتهم لقيتهم مطلعين الحاجة وبيقولوا ان معمول لي عمل عليها والعروسة حاطين الورق في ميه بملح ولما روحت وروني فيديو للحاجة وهما بيطلعوها من المقابر عشان ابقى متأكد أنها فعلا كانت مفدونة في المقبرة، وكان في واحد بيصور حضوري بالمقابر بدون علمي ولما اكتشفت طلبت منه يمسح الصور.
أنا بتهمهم كلهم بالنصب والتشهير بيا على منصات التواصل عن طريق تكوين عصابة وكان قصدهم منها النصب عليا وتحصيل فلوس واستعمالهم لطرق احتيالية من خلال نشر الاخبار على المنصات بدون رضايا عشان ياخدوا الفلوس، وهما اقنعوني أن أنا معمول لي عمل وطلبوا مني أروح المقابر وطلعوا الصورتين والعروسة قدامي.
المصدر: بوابة الوفد
كلمات دلالية: مؤمن زكريا اللاعب مؤمن زكريا أعمال سحر مؤمن زكريا سحر مؤمن زكريا أقوال مؤمن زكريا فى واقعة السحر مؤمن زکریا کان فی
إقرأ أيضاً:
هل تسحب عليا الوفد الثقة من عبد السند يمامة؟
تابع أحدث الأخبار عبر تطبيق
رفضت الهيئة العليا لحزب الوفد خلال اجتماعها اليوم الإثنين الذي ترأسه الدكتور ياسر الهضيبي سكرتير عام الحزب وحضره 41 عضوًا، مطالبات سحب الثقة من الدكتور عبدالسند يمامة لاستكمال مدته القانونية حتى يناير 2026.
وأكدت الهيئة العليا أن الدكتور عبدالسند يمامة لم يرتكب اية مخالفات تستدعي هذا الإجراء بجانب أن الفترة الحالية تستلزم مزيدا من الاستقرار.
كما قررت الهيئة العليا خلال اجتماعها، تحصين الجمعية العمومية للحزب التي انتخبت الهيئة العليا الأخيرة والتأكيد على أن الجمعية العمومية لم تمس أو يتم الاقتراب منها لتوجيهها صالح فرد بعينه.
وزير البريد: خطوات جديدة نحو التحول الرقمي في الجزائر