متهمة بواقعة مؤمن زكريا: قالولي هتطلعي في برنامج وتاخدي 100 ألف جنيه

حصل موقع صدى البلد على نص تحقيقات النيابة العامة في قضية فبركة سحـ ـر مؤمن زكريا، حيث كشفت اعترافات المتهمة أمنية كسبان مصطفى - 33 سنة وتعمل ممرضة تفاصيل ومفاجآت جديدة في الواقعة، بعدما وجهت النيابة لها اتهامات الاستيلاء على مبالغ من مؤمن زكريا واستعمال طرق احتيالية للنصب عليه.

دخل المقابر بالليل وصوروه عافية.

. نص أقوال مؤمن زكريا | مفاجأة "مرحموش مرضه".. مفاجآت في تحريات المباحث عن المتهمين بقضية مؤمن زكريا نيتي سليمة.. اعترافات تربي واقعة مؤمن زكريا: قولت لهم مش هتاجر بمرضه تحريات الأمن الوطني عن خلية البحيرة: خططوا لاستهداف الأكمنة وخطوط الغاز نص اعترافات ابنة خال تربي الخليفة بواقعة مؤمن زكريا

أنكرت المتهمة خلال تحقيقات النيابة العامة في واقعة فبركة سحـ ـر مؤمن زكريا، الاتهامات الموجهة اليها وقيامها بانتهاك حرمة الحياة الخاصة بأن قامت بنشر صور واخبار كاذبة تنتهك خصوصية مؤمن زكريا أو أنها أذاعت أخبار واشاعات كاذبة عمدا بقصد تكدير الأمن العام والقاء الرعب بين الناس والحاق الضرر بالمصلحة العامة.

وقالت المتهمة خلال تحقيقات النيابة بقضية فبركة سـ ـحر مؤمن زكريا، اللي حصل أن المتهم الأول رمضان ابن خالي، بيشتغل تربي في مقابر سيدي عقبة لقى أعمال سحر وكان تقريبا يوم 14 سبتمبر في ترب هو مشرف عليها وكانت خاصة بالكابتن مجدي عبدالغني وبعدها كابتن مؤمن زكريا جه ومعاه شيوخ وفكو الأعمال دي وبعدها رمضان حكي الموضوع لصيدلي اسمه محمد زغلول والموضوع ساعتها اتنشر في المنطقة.

وتابعت المتهمة في اعترافاتها، بعد كدة بسمة أخت رمضان بعتتت لمحمد مدير أعمال المذيعة ريهام سعيد وحكيت لهم على الموضوع بتاع كابتن مؤمن زكريا، وقالتلها أنا ممكن اطلع مع المذيعة ريهام سعيد واحكي الموضوع مقابل اني اخد 100 ألف جنيه ويوم السبت كنت قاعدة أنا وبسمة أخت رمضان لقينا تليفون بسمة بيرن ولما ردت لقت أخوها رمضان بيقولها المباحث خدته وأنهم بيدوروا علينا وساعتها أنا وبسمة اتصلنا بمدير أعمال ريهام سعيد وقولنلها عاوزين نطلع نبرء نفنسا وروحنا فعلا على مدينة الانتاج الإعلامي وبعدين روحنا القسم.

نص أقوال مؤمن زكريا في قضية السحـ ـر المفبرك

وقال مؤمن زكريا في أقواله خلال تحقيقات النيابة العامة، أنا لقيت واحد قريب مراتي اسمه مصطفى كلمها وقالها في واحد جارهم اسمه محمد إمام قاله أن في ناس لقوا عمل معمول لـ مؤمن زكريا في المقابر عشان كان العمل معمول على صور بتاعتي وكمان كان في عروسة مربوطة من ايديها ورجليها ودبابيس وكان عليها طلاسم وقالولي تعالى المقابر عشان تشوف العمل.

وتابع مؤمن زكريا في أقواله خلال تحقيقات النيابة، لما روحت قابلت الناس اللي اتمسكوا كان معاهم واحد تاني هرب وهناك وروني الحاجات دي وحطيناها في ميه بملح والورق كان دايب في المياه وكان في صورتين واحدة كبيرة والتانية صغيرة عليهم طلاسم والعروسة مربوطة من الايد والرجل ومكتوب عليها طلاسم والورق محطوط في الميه ودايب وبعد كده اخدنا العروسة وباقي الورق واتخلصنا منهم.

وأكد مؤمن زكريا في أقواله، كان في واحد بيصور الموضوع ده هناك من وقت ما دخلت المقابر واستأذنته انه ميصورش ويمسح الصور دي ومحدش ينزل حاجة ولا ينشر حاجة وبعد كدة فوجئت بتداول الصور على مواقع التواصل الاجتماعي ونشر أخبار عني وأنا في المقابر كمان والكلام ده حصل يوم 25 سبتمبر الساعة 10 بالليل وبعدها يوم 28 سبتمبر لقيت الصور منشورة في كل مكان وريهام سعيد بتتكلم عن الموضوع.

وأشار مؤمن زكريا خلال أقواله بتحقيقات النيابة العامة، أنا معرفش الناس دي ولما روحت المقابر وقابلتهم لقيتهم مطلعين الحاجة وبيقولوا ان معمول لي عمل عليها والعروسة حاطين الورق في ميه بملح ولما روحت وروني فيديو للحاجة وهما بيطلعوها من المقابر عشان ابقى متأكد أنها فعلا كانت مفدونة في المقبرة، وكان في واحد بيصور حضوري بالمقابر بدون علمي ولما اكتشفت طلبت منه يمسح الصور.

أنا بتهمهم كلهم بالنصب والتشهير بيا على منصات التواصل عن طريق تكوين عصابة وكان قصدهم منها النصب عليا وتحصيل فلوس واستعمالهم لطرق احتيالية من خلال نشر الاخبار على المنصات بدون رضايا عشان ياخدوا الفلوس، وهما اقنعوني أن أنا معمول لي عمل وطلبوا مني أروح المقابر وطلعوا الصورتين والعروسة قدامي.

المصدر: صدى البلد