"مكنتش عايز أتاجر بمرضه".. اعترافات التربي المتهم فى واقعة سحر مؤمن زكريا
تاريخ النشر: 7th, October 2024 GMT
تنظر محكمة جنح الخليفة، غدا الثلاثاء، أولى جلسات محاكمة المتهمين الخمسة، فى واقعة فبركة سحر اللاعب مؤمن زكريا أمام مدفن بمنطقة الخليفة.
اعترافات التربي المتهم في واقعة سحر مؤمن زكرياوأنكر التربي المتهم في واقعة سحر مؤمن زكريا أمام جهات التحقيق، وأنكر الاتهامات الموجهة اليه قائلا «في أحد الأيام كنت بحفر عشان أزرع صبارة ولقيت كيس بلاستيك مدفون ولما طلعته وفتحته لقيت صورة مؤمن زكريا وورق وعروسة قماش، وكلهم عليهم كلام مكتوب مش مفهوم، وصورة اللاعب مكتوب عليها بالأحمر ومدبس فيها دبابيس وصورتهم بتليفون قريبي».
وتابع المتهم الرئيسي في واقعة سحـ ـر مؤمن زكريا «اتصلت بواحد من قرايبي وقولت له على اللي حصل بالظبط وقالي أنا هوصلك بـ مؤمن زكريا شخصيا، وبعدها لقيت واحد جاي ومعاه صاحبه وقالي أنا قريب زوجة مؤمن زكريا، وطلب مني أنه يشوف الأعمال اللي أنا لقيتها، ووريتهاله وقالي زوجته هتكلمك وبعدها لقيت كابتن مؤمن زكريا جه ومعاه اتنين شيوع ووالده والشيوخ طلبت تشوف الأعمال، وطلبوا كمان خل ومياه على أساس أنهم يفكوها بعدها طلبوا أنهم يشوفوا المكان المدفون فيه والشيخ قالي أحفر شوية كمان، وساعتها طلعت فخار وسلك وهو حط صبار مكانهم».
واستكمل تربي واقعة مؤمن زكريا قائلا خلال تحقيقات النيابة العامة «بعد ما مشيو لقيت قريبي محمد عمر بيقولي أنا صورت وهما بيفكوا العمل وأنا طلبت منه يمسح أي حاجة عشان مينفعش نتاجر بمرض حد، وتاني يوم وأنا بجيب علاج من الصيدلية لقيت الصيدلي بيقولي ايه موضوع مؤمن زكريا ده قولت له كان في سحر مدفون ليه في التراب، وفي شيخ جه فكه، الصيدلي قالي أنا مصدق كلامك وطلعت له الصور وطلب مني ابعتهاله وأنا بعتها بحسن نية».
وأضاف التربي قائلا «لقيت حد بيتصل عليا وبيقولي أنا جارك وبيسألني عن مؤمن زكريا وحكيت له كل حاجة وبعدها لقيت المكالمة اتنشرت ورئيس المباحث بيتصل بيا وبيقولي أنا عند بيتك تعالى، وفعلا روحت له وقالي ايه اللي انت عامله ده قولت له معملتش حاجة، وطلب مني اوريله مكان الحفر وحكيت له كل اللي حصل، وبعدها اتقبض عليا».
المصدر: بوابة الوفد
كلمات دلالية: مؤمن زكريا سحر اللاعب مؤمن زكريا سحر مؤمن زكريا مؤمن زکریا
إقرأ أيضاً:
اعترافات المتهمين بالتنقيب عن الآثار فى دار السلام
اعترف 6 أشخاص تم القبض عليهم في منطقة دار السلام، بالتنقيب عن الآثار، وذكروا أنهم اتفقوا على اختيار أحد المنازل للحفر وبحثا عن كنز آثري، وبدأوا في أعمال التنقيب، وأحدثوا حفرة عمقها 4 أمتار.
وأضاف المتهمون أمام رجال المباحث أنهم لم يتمكنوا من العثور على أي قطع آثرية، واستمروا في أعمال الحفر، حتى تم القبض عليهم، وتم اتخاذ الإجراءات القانونية اللازمة تجاههم، وأمرت النيابة بحبسهم 4 أيام على ذمة التحقيق.
وتحفظ رجال المباحث على الادوات المستخدمة في الحفر، كما تم انتداب لجنة من المختصين لمعاينة العقار، ومكان الحفر.
أكدت معلومات وتحريات وحدة مباحث قسم شرطة دار السلام بمديرية أمن القاهرة قيام عدد من الأشخاص بالتنقيب غير المشروع عن الآثار بأحد العقارات بدائرة القسم.
وعقب تقنين الإجراءات تم استهداف العقار المشار إليه وضبط (6 أشخاص) حال قيامهم بالتنقيب غير المشروع عن الآثار بإحدى الغرف، وعُثر بداخلها على حفرة "بقُطر نصف متر وعمق 4 متر"، وضُبط بحوزتهم (أدوات الحفر والتنقيب - هاتف محمول "بفحصه فنياً تبين احتواءه على دلائل تؤكد نشاطهم الاجرامى") وبمواجهتهـــم اعترفوا بقيامهم بأعمال الحفر بقصد التنقيب عن الآثار باستخدام أدوات الحفر المضبوطة حوزتهم، وتم اتخاذ الإجراءات القانونية، وتولت النيابة التحقيق.
مشاركة