دخل المقابر بالليل وصوروه عافية.. نص أقوال مؤمن زكريا | مفاجأة
تاريخ النشر: 7th, October 2024 GMT
كشفت تحقيقات النيابة العامة في قضية سحـ ـر مؤمن زكريا تفاصيل ومفاجآت عديدة، حيث استمعت النيابة خلال التحقيقات لأقوال لاعب الكرة السابق مؤمن زكريا والذي كشف تفاصيل تعرضه للنصب ونشر أخبار كاذبة بشأن تعرضه لأعمال وسحـ ـر.
. اعترافات تربي واقعة مؤمن زكريا: قولت لهم مش هتاجر بمرضه
وقال مؤمن زكريا في أقواله خلال تحقيقات النيابة العامة، أنا لقيت واحد قريب مراتي اسمه مصطفى كلمها وقالها في واحد جارهم اسمه محمد إمام قاله أن في ناس لقوا عمل معمول لـ مؤمن زكريا في المقابر عشان كان العمل معمول على صور بتاعتي وكمان كان في عروسة مربوطة من ايديها ورجليها ودبابيس وكان عليها طلاسم وقالولي تعالى المقابر عشان تشوف العمل.
وتابع مؤمن زكريا في أقواله خلال تحقيقات النيابة، لما روحت قابلت الناس اللي اتمسكوا كان معاهم واحد تاني هرب وهناك وروني الحاجات دي وحطيناها في ميه بملح والورق كان دايب في المياه وكان في صورتين واحدة كبيرة والتانية صغيرة عليهم طلاسم والعروسة مربوطة من الايد والرجل ومكتوب عليها طلاسم والورق محطوط في الميه ودايب وبعد كده اخدنا العروسة وباقي الورق واتخلصنا منهم.
وأكد مؤمن زكريا في أقواله، كان في واحد بيصور الموضوع ده هناك من وقت ما دخلت المقابر واستأذنته انه ميصورش ويمسح الصور دي ومحدش ينزل حاجة ولا ينشر حاجة وبعد كدة فوجئت بتداول الصور على مواقع التواصل الاجتماعي ونشر أخبار عني وأنا في المقابر كمان والكلام ده حصل يوم 25 سبتمبر الساعة 10 بالليل وبعدها يوم 28 سبتمبر لقيت الصور منشورة في كل مكان وريهام سعيد بتتكلم عن الموضوع.
وأشار مؤمن زكريا خلال أقواله بتحقيقات النيابة العامة، أنا معرفش الناس دي ولما روحت المقابر وقابلتهم لقيتهم مطلعين الحاجة وبيقولوا ان معمول لي عمل عليها والعروسة حاطين الورق في ميه بملح ولما روحت وروني فيديو للحاجة وهما بيطلعوها من المقابر عشان ابقى متأكد أنها فعلا كانت مفدونة في المقبرة، وكان في واحد بيصور حضوري بالمقابر بدون علمي ولما اكتشفت طلبت منه يمسح الصور.
أنا بتهمهم كلهم بالنصب والتشهير بيا على منصات التواصل عن طريق تكوين عصابة وكان قصدهم منها النصب عليا وتحصيل فلوس واستعمالهم لطرق احتيالية من خلال نشر الاخبار على المنصات بدون رضايا عشان ياخدوا الفلوس، وهما اقنعوني أن أنا معمول لي عمل وطلبوا مني أروح المقابر وطلعوا الصورتين والعروسة قدامي.
المصدر: صدى البلد
كلمات دلالية: مؤمن زكريا النيابة العامة تحريات المباحث نشر أخبار كاذبة واقعة مؤمن زكريا قضية مؤمن زكريا تحقيقات النيابة العامة مؤمن زکریا فی کان فی
إقرأ أيضاً:
مأرب.. النيابة الجزائية المتخصصة تتلف طن ونصف من الحشيش المخدر
اتلفت نيابة استئناف الجزائية المتخصصة بمحافظة مأرب، اليوم الخميس، 1518 كيلو من الحشيش المخدر، تقدر قيمتها بأكثر من 60 مليون دولار امريكي.
وقال رئيس النيابة محامي عام اول محمد علي الحيدري، ان عملية الاتلاف جاءت تنفيذا للأحكام الصادرة من المحكمة الجزائية المتخصصة في 13 قضية اتجار وتهريب بالحشيش صدرت خلال العامين 2022م و2023م.
وأوضح أن تلك القضايا المرتبطة بالمخدرات والحشيش، احالتها الاجهزة الامنية بمحافظة مأرب بعد ضبطها خلال محاولة تهريبها الى مناطق جماعة الحوثي والتي تستخدمها كتجارة رائجة لتمويل حربها على الشعب اليمني واستهداف الشباب اليمني بهذه المادة المخدرة للسيطرة عليه وحشده الى جبهات القتال في صفوفها الى جانب تهريبيها الى الدول المجاورة.
تعرض دورية لليونيفيل لإطلاق نار في جنوب لبنان