خناقة كافيه التجمع.. نص تحقيقات مقتل «إسلام» قبل خطوبته وحفل التخرج
تاريخ النشر: 4th, October 2024 GMT
حصلت «الأسبوع» على نص تحقيقات القضية رقم 2916 لسنة2024، جنح التجمع الخامس، المتهم فيها «محمد.م» عامل بكافية شهير بالتجمع الخامس، على خلفية اتهامه بقتل «إسلام» بمطواة أمام محل عملهما بسبب مشادة كلامية وقعت بينهما على شرب «سيجارة»، وفيما يلي نص التحقيقات.
س: ماذا حدث مع «إسلام»؟
ج: اللى حصل إن أنا جيت امبارح 12 مارس 2024، حوالي الساعة 3 وربع العصر، الشفت في كافتيريا مستشفى "ن" اللي في التجمع الخامس وطلعات غيرت لبسي وشوفت شغلي على الكاشير وعملت كوباية شاي وطلعت برا عشان أشرب سيجارة في البريك بتاعي وطلع "إسلام.
وأكمل: بعدها طلعت تلفوني و کلمت محمود عبد الناصر ثاني عشان أتأكد واشوفه كلم مستر محمود ولا لاء لقيته بيقولي إن الموضوع خرج من يده وأن الموضوع في يد مستر محمود لأن إسلام كلمه وقاله أن أنت مبتشوفش شغلك كويس وعرفت إنك وقفت عن العمل وقلتله يا محمود أنا كدة ممكن احتاج ورقي عشان لو نزلت في شغل خارجي ثاني و أنا اخدت بعضى ومشيت على الموقف اللي أنا بركب منه على البيت و أنا و ماشي لقيت إسلام واقف رحتله اشوف هو بيعاملني كده ليه ورحت له قلت له يا إسلام هو أنت مستقصدني ليه هو انت شايفني غلطان لقيته بيقولى ايوة يا عم بتلككلك و مستقصدك وراح زقني في صدره وخنقني.
وتابع: قلت له أوعى إيدك يا إسلام علشان منموتش بعض وقلت له الموضوع هيوصل المستر محمود لقيته شتمني، وأنا مش عارف أفك نفسي منه طلعت المطواة اللي كانت معايا من جيبي و خيطته بيها كذا مرة بس مش عارف مكانها فين ولقيته إداني بالدماغ و أنا خبطه بالدماغ ولقيت الناس اتلمت علينا و سلكونا من بعض ولقيته بيقولى أنا كده يا عم اتضريت منك واخدت بعضى ومشيت وبصيت ورايا عليه لقيته بيشاور للعربيةعشان يركب و أنا شاورت لاتوبيس وركبت العربية ومشيت و أنا في العربية قعدت أفكر هو ايه اللى أنا عملته ده وكانت المطواة في أيدى وبص ولما مشينا على الطريق الدائرى قولت المطواة دى شر ورحت رميتها عشان معملش بيها مشاكل ثاني.
وأضاف: الساعة 9 وربع وصلت بيتنا وبعد كده لقيت واحد أسمه «محمد» زميلنا بيكلمنى وبيقولى إن إسلام محجوز في مستشفى وعايزين حد يشوفه و أنا قولتله أنا مشيت وفي البيت دلوقت وبعدها بشوية لقيت واحد ثاني بيرن عليا زميلنا برضه وبيقولى هو انت هناك في الشيفت قلت له لا أنا مشيت وقلت له محمود ناصر هناك و أنا طلعت على البيت وقولت دا أکید علشان إسلام مدير و الكل بيطبل له وكلمت محمد خالد تانى علشان أشوف إيه اللى حصل لقيته بيقولى إن إسلام في العمليات دلوقتي وقعدت لحد الساعة ٢ الصبح و وقته رنيت على زميلنا محدش رد عليا و بعدها شربت سيجارة حشيش عشان كنت مخنوق من اللي حصل.
الصبح و أنا في البيت لقيت الباب بيخبط فتحت الباب لقيت خالي ومعاه 4 أشخاص و أول ما دخلوا سالوني على المطواة اللي كانت معايا وقالولي أنت عملت كده ليه و أنا قولتلهم على اللي حصل و إن دي خناقة بيني وبين إسلام و أنا رميت المطواة و أنا راكب الميكروباص ولقيته فتش البيت ملقاش حاجة و اخدوني معاهم ودوني على قسم التجمع الخام س.
س: ما هو الخلاف الذي أدى إلى واقعة التعدى محل تحقيقنا؟
ج هو الخلاف اللى حصل بيني أنا و إسلام علشان يوم الواقعة أنا طلعت برا عشان أشرب سيجارة في البريك بتاعي و طلع إسلام الشغل لقاني قاعد أنا و مصطفى برا بنشرب سجاير وشاي ولقيته بيقولى انت طلعتانت ومصطفى ليه برا وسايبين الناس جوه وقالنا خلصوا السيجارة وادخلو شوفوا شغلكم وأنا ولعت سيجارة ثاني ولقيت إسلام جالی ثاني و بیقولي أطفئ السيجارة دى وادخل دلوقتي حالا و أنا قولتله هو أنت يا إسلام بتلككلي ليه هو ينفع تقل منى قدام الناس هو أنت فاكرني مقلق منك يعنى إنت كده بتلكك ولقيته بيقولى أيوة أنا بتلكك اه راح قالي خلص السيجارة وروح على شغلك.
س:ومتى تحديدا كان ذلك الخلاف؟
ج: هو الخلاف ده كان إمبارح 12 مارس 2024، الساعة 6.45 م تقريبًا بعد الفطار.
س: وما الحوار الذي دار فيما بينكما تحديدا؟
ج: هو قالي أنا مش قولتلك متطلعش تولع سجائر وتسيب الناس برا وشدينا مع بعضفي الكلام وراح أتصل يصاحب الكافتيريا وقاله ولقيته بيقولى أنت اتوقفت عن الشغل و أنا ساعتها اتضايقت منه علشان السبب في وقفي عن العمل و أنا اتضايقت منه.
ج: ما التصرف الذى بدر ملك الداله؟
ج: أنا دخلت غيرت هدوم الشغل ودخلت الكافية طلبت كوباية قهوة وقعدت علشان أشربها و أمشى.
س: وهل غادرت محل عملك عقب ذلك؟
ج: أنا قعدت في الكافية لحد ما خلصت القهوة بتاعتى بعد كده مشيت ورحت علشان أركب مواصلات ولما وصلت هناك لقيت إسلام واقف هناك و أنا روحتله.
س: وما هي كيفية قيامك بالتعدي على المجني عليه تحديدا؟
ج: هو أول ما قابلته قلت له يا إسلام هو أنت ليه مستقصدني هو أنت شايفني غلط ليه كل مرة بترازيني قالي أيوة أنا مستقصدك وقاصد أرازيك ومسكنا في بعض و أنا طلعت المطواة من جيبى وضربته في دراعه وفي جنبه الشمال وبعد كدة الناس سلكتنا من بعض و أنا أخدث بعضى ومشيت.
س: وكم عدد الضربات التي كلتها للمجنى عليه حال قيامك بالتعدى عليه؟
ج: أنا ضربته كذا ضربة ورا بعض مش فاكر كام ضربة.
س: و أين استقرت تلك الضربات بجسد المجنى عليه؟
ج: أنا ضربته كذا مرة في دراعه من تحت وكنت بقوله أوعى إيدك يا إسلام علشان منموتش بعض ومعرفش الضربات كانت فين بالظبط وسبته ومشيت على بيتنا وبعدها زميلي كلمني قالي إسلام دخل العمليات وبعدها مات والشرطة جات أخدتني من البيت الصبح.
اقرأ أيضاًعقب أداء صلاة الجمعة.. رئيس الأعلى للطرق الصوفية يُناقش مع محافظ الغربية الاستعدادت للاحتفال بمولد البدوى
25 طنا.. شرطة التموين تلاحق تجار الدقيق في السوق السوداء
المصدر: الأسبوع
كلمات دلالية: الجنايات مقتل شاب مقتل النيابة التجمع الخامس أنا قولتله هو أنت أنا مش قلت له
إقرأ أيضاً:
عاجل.. تطورات جديدة تحسم مصير رحيل كهربا عن الأهلي
حسم مسؤولو الكرة داخل النادي الأهلي، مصير رحيل كهربا، لاعب الفريق الأول لكرة القدم بالنادي، بعدما شهدت الفترة الماضية عدد من الأزمات للاعب سواء مع الجهاز الفني بجانب أزمته، أمس الأحد، مع جماهير النادي التي حضرت لمؤازرة الفريق خلال مباراته أمام شباب بلوزداد الجزائري.
وعلم «الوطن سبورت» أن محمد رمضان، المدير الرياضي في الأهلي، أبلغ كهربا بقرار النادي النهائي بشأن مستقبله وهو الرحيل خلال شهر يناير المقبل.
رحيل كهربا عن الأهلي بقرار جماعيواستقر الأهلي على رحيل كهربا بسبب كثرة مشكلاته مع الفريق، إذ يبحث اللاعب حاليًا عن طريق وكيل أعماله، عن عرض خارجي للرحيل عن صفوف الفريق لمدة 6 شهور على سبيل الإعارة.
ورفض كهربا فكرة الإعارة إلى أحد أندية الدوري المصري وقام وكيل أعماله بستويقه في عدد من الدوريات على رأسها الدوري السعودي والقطري.
الأهلي يحقق مع كهربا بسبب «خناقة بعد منتصف الليل»في سياق متصل، قال مصدر داخل الأهلي في تصريحات لـ«الوطن سبورت»، إن محمد رمضان، المدير الرياضي في الأهلي، أجرى تحقيقًا مع كهربا في الأيام الماضية، بسبب تلقيه مقطع فيديو مسجل يوضح دخول اللاعب في أزمة كبيرة «خناقة»، داخل أحد المطاعم بعد منتصف الليل
كولر يستبعد كهربا من قائمة الأهلي أمام المصري