شيرين عبدالوهاب وشقيقها يتصدران التريند بصورة الصلح

تداول رواد السوشيال ميديا خلال الساعات القليلة الماضية، صورة تجمع الفنانة شيرين عبدالوهاب وشقيقها محمد عبد الوهاب، بعد اعتذارها له خلال منشور عبر حسابها بموقع تبادل الفيديوهات والصور إنستجرام.

وتصدر اسم شيرين عبدالوهاب بعد صلح شقيقها التريند ومؤشرات البحث على جوجل 

ونشرت شيرين عبدالوهاب صورة بصحبة شقيقها، عبر حسابها بموقع تبادل الفيديوهات والصور انستجرام معلقة: «في ناس كتير مش عارفين سبب الزعل مع أخويا، عشان في يوم خيرني بيني وبين اللي كنت متجوزاه، ولأن ربنا أمر الزوجة بطاعة زوجها فأنا قررت إني أرضي ربنا،أنت صح وأنا آسفة على كل حاجة قلتها ليا وأنا معملتش بيها لأني بعتك بأرخص التمن، ياريتني كنت سمعت كلامك يا غالي».

وعلق شقيق شيرين عبدالوهاب علي المنشور قائلا: «أولا إنتي أختي الكبيرة وأمي التانية، وأنا تحت رجلك، مفيش أم وأخت كبيرة تتأسف لابنها، أنا تحت رجلك وإنتي تاج رأسي، أنا بس بعدت عشان أصون كرامتي، والمشاكل مكنتش مشاكلك انتي، كانت مشاكل حد تاني جنبك الله يسهله، المهم عندي إنك تقفي على رجلك وتكسري الوطن العربي كله كعادتك، وانتي بالفعل كسرتي الدنيا، ربنا يحفظك ويحفظ بناتك».

المصدر: الوطن