مدرب سموحة الأسبق: شيكابالا موهبة كبيرة ولكن ينقصه الثبات الانفعالي
تاريخ النشر: 29th, September 2024 GMT
تابع أحدث الأخبار عبر تطبيق
قال الكابتن محمود إسماعيل، مدرب نادي سموحة الأسبق، إن رامي ربيعة كان من المتوقع أن يترك الأهلي بأمر من موسيماني والامضاء للمقاولون العرب، متابعًا: "كان موسيماني هيمشيه وهيمضي للمقاولين، ولكن هناك إيمان بالنفس في تحويل الأشياء السلبية للإيجابية، موسيماني لما مشي رامي ربيعة اشتغل على نفسه كويس وبقى أساسي في منتخب مصر.
وأضاف “إسماعيل”، خلال لقائه مع قناة “الشمس”، أن إدارة النادي الأهلي كانت متمسكة برامي ربيعة باعتباره ابنًا من أبناء النادي وأنه مظلوم مع موسيماني، معقبًا: "ربيعة انطلق بعد ما موسيماني مشي وبقى منضبط في التدريب وبقى كابتن الفريق وبقى حاجة تانية خالص وبيحرز أهداف للأهلي والمنتخب".
وأشار إلى أن شيكابالا موهبة كبيرة ولكن ما ينقصه الثبات الانفعالي وعدم الاحتكاك مع الجمهور، متابعًا: "أنا حطيته في تشكيل مباراة القمة بين الأهلي والزمالك في الاحتياطي، لأن الجماهير بتتشعلق فيه وممكن ينزل في الدقائق الأخيرة، لأنه صعب ماتش سوبر أحط شيكابالا مع أعمار لاعبي الأهلي".
ولفت إلى أن طاهر محمد طاهر لاعب جيد ولكن عليه السير على الثبات، معقبًا: "لاعب جاي منه بس ينضبط"، أما عن الكابتن محمود الخطيب قال: "أسطورة كبيرة وفخر لأي رياضي في مصر، مين زملكاوي أو إسماعلاوي مش بيحب الخطيب، شخصية محترمة".
وعن أحمد شوبير قال: "ده اللي نظم مع مدحت شلبي الخطوط العريضة اللي الناس بتمشي عليها في التوك شو، دا ناظر الإعلام، وحبيبي ومعرفة شخصية وبنتعلم منه"، وعن أحمد فتحي قال: "لاعب مخلص وأدي للنادي الأهلي ومنتخب مصر ومفيش حد في مصر بيختلف عليه".
وأشاد بالشيخ ترك آل الشيخ رئيس هيئة الترفيه السعودية قائلًا: "عمل طفرة كبيرة في السعودية وموسم الرياض وبوجه له التحية، أنظار العالم كلها بتبص على السعودية، ويعرف حجم الأهلي والزمالك وجمهور مصر".
المصدر: البوابة نيوز
كلمات دلالية: نادي سموحه رامي ربيعة الأهلى
إقرأ أيضاً:
مخرج شهير لزيزو: لو رحت الأهلي هتبقي خنتنا
وجه المخرج عمرو سلامة رسالة إلى احمد سيد زيزو لاعب نادي الزمالك، بشأن الاخبار المتداولة حول توقيعه للنادي الأهلي .
وأضاف عمرو سلامة عبر حسابه علي "فيس بوك": "رسالة إلى زيزو، لازم تكون حاسس بفخر كبير. آه، رقميًا أنت من هدّافي الزمالك التاريخيين، وأرقامك مميزة وقياسية، لكن أظن الرقم القياسي الأهم هو عدد الساعات الإعلامية، وعدد نقاشات القهاوي والكافيهات، وعدد البوستات اللي على السوشيال ميديا، اللي الناس كلها كانت بتتكلم فيها عنك، في آخر ست شهور، موضوع التعاقد مع زيزو كان نقاش متكرر أكتر من مواضيع في السياسة، والأحداث الإقليمية، والاقتصاد، والفن"
وتابع: "ماعتقدش إن في لاعب في تاريخ مصر حصل له كل ده. آه، كان في لعيبة ليهم لحظات مشابهة، لكن مش بنفس الزخم ده، لدرجة إن الزمالك والأهلي نسيوا إن الاتنين الاحتمال الأقرب مش هياخدوا الدوري السنة دي، وتحول انتصار الموسم ليهم هو مين هيمضي زيزو وكأن اللي كسبك كسب الدوري، كمان من مميزاتك إنك لاعب أغلب جماهير الفرق التانية ما بتكرهكش عمرك ما كنت مستفز، ولا أخدت موقف عدائي، ودي ميزة نادرة في الكورة".
واستكمل: "بس للصدق، أنا كمشجع، ولإني ماعرفكش على المستوى الشخصي لسة للأسف، فحبّي ليك مشروط بإنك زملكاوي. ولو رحت الأهلي، أكيد هتكون فيه مشاعر غضب وإحباط وبسبب سذاجة المشجع الطبيعية، مش هفكر بقى في الاحترافية، ولا هقدر أستوعب إنك بتدور على مستقبل أفضل. ساعتها هشعر إنك خنتنا، وأعتقد ده هيكون شعور أغلب الزملكاوية".
واختتم: "بعد ما كنت معشوق جماهير فريقك، وتحترم من المنافس، هتبقى محبوب من جماهير الفريق الجديد، لكن مكروه بشدة من جمهورك الأصلي، خصوصًا بعد كل الجدل اللي حصل والمكايدة السودة المهببة اللي هتحصل، آه، من حقك تشوف مصلحتك، وتأمّن مستقبلك، وتطمع في اللي شايف إنك تستحقه. بس مشجع الكورة عاطفي، ومش كمان في الكورة مطلوب منه يفكر بعقلانية أو منطق، وواقعيًا؟ خليك في الزمالك يا زيزو. ملك في قرية، خير من أمير في مدينة آه احنا بالمقارنة قرية، بس قرية أهلها طيبين وحمولين وصبورين وحتى بنعمل ساعات من الغلابة رموز، إنما المدينة زحمة وعندها بدل الموهبة مية واقفين طابور، وما بترحمش، وما بتصبرش، ومابتسامحش، لأنها دايمًا فوق الجميع".
منتخب مصر للناشئين والناشئات في الجودو يتصدر البطولة العربية بـ10 ميداليات