مقتل 18 في قصف مدفعي للدعم السريع على الفاشر
تاريخ النشر: 28th, September 2024 GMT
القاهرة-تاق برس
قتل 18 شخصا في سوق بمدينة الفاشر في غربي السودان في هجوم لقوات الدعم السريع التي تقاتل أيضا الجيش في العاصمة الخرطوم، وذلك رغم الدعوات المتكررة من الأمم المتحدة لوقف إطلاق النار.
وكانت الحرب المتواصلة منذ أكثر من عام في السودان، وخصوصا الوضع في الفاشر، من المواضيع التي طُرحت خلال الجمعية العامة للأمم المتحدة في نيويورك هذا الأسبوع.
واندلعت المعارك في السودان منتصف نيسان/أبريل 2023 بين الجيش بقيادة عبد الفتاح البرهان، وهو أيضا رئيس مجلس السيادة والحاكم الفعلي للبلاد، وقوات الدعم السريع بقيادة حليفه ونائبه السابق محمد حمدان دقلو المعروف بحميدتي.
وقال مصدر في مستشفى الفاشر الجامعي لوكالة فرانس برس طالبا عدم الكشف عن هويته “استقبلنا الليلة الماضية 18 جثة”.
واتُهم الجانبان بارتكاب جرائم حرب من خلال استهداف المدنيين عمدا ومنع المساعدات الإنسانية.
المصدر: تاق برس
إقرأ أيضاً:
الفاشر أكبر شرك دخل فيه الدعم السريع ولو ما لحقوا أنفسهم سيفنوا على أسوارها!
يشق على نفسي أن يتقاتل أبناء الوطن الواحد ولكن بخصوص الفاشر الصورة قدامي بكل وضوح عبارة عن:
أهالي ومواطني المدينة موجودين داخلها سواء مدنيين مسلحين للدفاع عن مدينتهم أو حركات مسلحة وحلفائها
ومعاهم الجيش الشرعي المعترف بيهو دولياً واللي ‘يحق’ ليهو دستورياً التواجد علي أي ملميتر من تراب السودان و’يجب’ عليه دستورياً كذلك الدفاع عن أي مليمتر من تراب السودان
هنا المذكورين أعلاه كلهم في وضعية الدفاع من الداخل
وبالمقابل:
قوات الدعم السريع مدججة بالأسلحة الخفيفة والثقيلة تحكم حصارها على الفاشر لقرابة العام بهدف اسقاطها ومن ثم تشريد أهلها ونهبهم وسلب ممتلكاتهم وتدمير بنيتها التحتية ثم الإنسحاب لاحقاً أسوة بما فعلوه في الخرطوم ومدني والجزيرة وسنجة وسنار والأبيض وغيرهم
هنا المذكور أعلاه في وضعية الهجوم/العدوان من الخارج
بدون فلسفة واجتهاد، العقل والمنطق والفطرة السليمة ستذهب للمجموعة الأولى ضد المجموعة التانية
لو عندك أخوان أشقاء في بيت واحد وشفت واحد فيهم مفتري ومتعدي وداير يعتدي علي واحد من أخوانك مع وجود سابقة اعتداؤه على كذا واحد منكم قبل كدا وهسي مكسرين راقدين مستشفيات هل حتسكت وتعاين وتقول الإتنين أخواني ما بتدخل؟ وتزيد الراقدين في المستشفى واحد تاني؟
هل لما تقيف مع أخوك المعتدى عليه ضد أخوك المعتدي معناها عايزهم يتشاكلوا؟ لا
هل دا بيعني إنك بتحب واحد فيهم أكتر من التاني؟ لا
هل بتتمنى العدوان والدم والإصابات دي تقيف؟ قطعاً نعم
لكن لغاية ما دا يحصل حتلقى نفسك من جواك كدا واقف مع الطرف المحاصر المعتدى عليه مش مع الداير يعتدي وقاعد يصيح زي الطفل كيييف وليييه ما يخلوهو يعمل الدايرو ومنعو من العدوان معناها رغبة في استمرار الحرب!!
نصر الله عيال فاشر واتمنى يوم أمس دا يكون درس ومراجعة ذات للدعم السريع بأن يثوبوا لرشدهم ويوقفوا عدوان على أخوانهم
قلتها قبل عام ولا زالت سارية حتى اليوم:
الفاشر أكبر شرك دخل فيه الدعم السريع ولو ما لحقوا أنفسهم سيفنوا على أسوارها!
الفاشر فوق
السودان فوق الفوق
شنب الأسد وأدب العاصي
والمعتدي دايماً عاصي!
تييسير عووضة
إنضم لقناة النيلين على واتساب