من أرشيف الكاتب أحمد حسن الزعبي .. عملية نوعية
تاريخ النشر: 28th, September 2024 GMT
#عملية_نوعية
من أرشيف الكاتب #أحمد_حسن_الزعبي
نشر بتاريخ .. 21 / 1 / 2018
في قسم جراحة الرجال كان مضطجعاً على جنبه ويحدّث جيرانه وبعض الزوّار عن فضائل التدفئة المركزية في المستشفى وأنه اضطر غير باغ الليلة الفائتة بإطفائها بعد ان ارتفعت حرارة الغرفة ونام «بطاق السروال»..واستهجن عمليات التبذير الشديد التي يمارسها الطاقم التمريضي والطبي على حده قوله «كل ما قاسوا حرارة او دقّوا ابره لبسوا كفوف وشلحوا كفوف وكبّوهن بالزبالة».
– الطبيب:كيفك اليوم؟
– ابو يحيى: أشوة شوي بس بعد فيه وجع؟
– الطبيب: أنت ليش دخلوك هون حجي؟
– ابو يحيى: أول مبارح بعد صلاة العشا جنبي اليسار طق يا دكتور، الزايدة قامت علي والليل ما نمته.
– الطبيب: جنبك اليسار؟
– أبو يحيى: آه والله هون مطرح الزايدة..عسّ عس..كيف مدعدرة!!
– الطبيب: بس الزايدة ع اليمين حجي..ثانياً.. كل فحوصاتك منيحة ورح اكتب لك خروج بعد شوي..
– أبو يحيى: شو خروج ما خروج..بعرضك تسوي لي عملية زايدة..
– الطبيب: كيف اعملّك زايدة..وانت ما فيك شي..
– ابو يحيى: يا خوي مش اسمها زايدة..شيلها أنت شو صار عليك؟..كمان زمان مرة قالوا لي دكاترة أنه معي بداية ديسك بحياة أمك تعمل لي عملية ديسك بطريقك..
– الطبيب: يا اخي طبيب الأعصاب حكالنا صور الرنين والأشعة ما بين عندك ديسك..كمان فحوصات الزايدة كلها «negative» ما عندك التهاب..
– أبو يحيى: اسمع جاي..بدك تعملّي عملية يعني بدك تعملها ولا بلعن اللي هه..أنا مدبّر اعفاء سقفه 6500 ليرة..فصلّح لي بيهن قد ما تقدر يستر على ولاياك وخليها مسبّحة!.
– الطبيب: غريب طبعك حجي هو المرض كسبه..
– أبو يحيى: آه كسبه بدي أخسر الحكومة قد ما أقدر..اني ما بنضحك عليّ خالي!! ،والمثل بيقول مية قلبة ولا غلبة ، عالمشكوف بدي اطــلّع فرق الدخان والخبزات من ظهورهم..احسب معي كل يوم بقيت ادخن باكيت جلواز ،زادوه عشرين قرش بثلاثين يوم هاي 6 ليرات شهري..ونص ليرة خبز يومي هاي 15 شهري..الخبزات والدخانات لحالهن افرقن معي 21 ليرة بالشهر بالسنة بطلعن 250 ليرة…يوم اعمل عملية وأجيب إعفاء ب6500 ليرة بكون استدّيت من الدولة..قسّم 6500 على 250 بيطلع 25 سنة..وهسع عمري بالسبعين يعني من هون تا يصير عمري 95 ع العايش بظل بالسليم و فاشّ غلّي بيهم.. لا متت لا حول ولا، اني ما بنضحك عليّ خالي فهمت ؟؟..جيب العدّة واسطح وجه وقفا داخل على حريماتك..
احمد حسن الزعبي
ahmedalzoubi@hotmail.com
#89يوما
#الحرية_لأحمد_حسن_الزعبي
#صحة_احمد_في_خطر
#سجين_الوطن
المصدر: سواليف
كلمات دلالية: عملية نوعية الحرية لأحمد حسن الزعبي سجين الوطن حسن الزعبی أبو یحیى
إقرأ أيضاً:
أحيزون يغيب عن تقديم ماراطون الرباط.. الكاتب العام لجامعة ألعاب القوى: يقوم بمجهودات عبر التيليفون
زنقة 20 | الرباط
ألقى محمد غزلان، الكاتب العام للجامعة الملكية المغربية لألعاب القوى، كلمة باسم رئيس الجامعة عبد السلام أحيزون، خلال ندوة صحافية بالعاصمة الرباط، خصصت لعرض تفاصيل واستعدادات النسخة الثامنة لماراطون الرباط الدولي.
و غاب أحيزون، عن حضور الندوة الصحافية التي عقدتها الجامعة، السبت، بأحد فنادق مدينة الرباط، وهو ما أثار تساؤلات الصحافيين الحاضرين.
غزلان الكاتب العام لجامعة ألعاب القوى، استغرب طرح سؤال حول غياب أحيزون عن الندوة الصحافية ، و قال أن رئيس الجامعة يقوم بمجهودات عبر التيليفون مع خلية تشتغل مثل خلية نحل.
و ذكر غزلان أن أحيزون اشتغل طوال شهر رمضان على التحضير لماراطون الرباط، ويشرف على كل صغيرة و كبيرة ، وغيابه عن الندوة الصحافية أمر عادي.
و يواجه عبد السلام أحيزون (69 عاماً)، ضغوطاً من أجل إرغامه على ترك منصبه الذي عمر فيه لعقود من الزمن، من دون أن تحقق الألعاب المغربية المنتظر منها، باستثناء تألق سفيان البقالي بين الفينة والأخرى في بطولات العالم والألعاب الأولمبية.
الأونصة فوق 3200 دولار .. الذهب يسجل مستوى قياسياً جديداً