هل ممكن اردول يوري الناس ليه إتحول موقفه من وصف الدعم السريع بإعتباره قوة متمردة إلى وصف جديد
تاريخ النشر: 25th, September 2024 GMT
هل ممكن مبارك اردول يدينا رؤية تحالف العداله لإنهاء الحرب بالأخص في جزئية الدعم السريع دي ؟
هل ممكن مبارك اردول يوري الناس ليه إتحول موقفوا من وصف الدعم السريع بإعتباره قوة متمرده إلى وصف جديد وهو طرفي الصراع ؟
هل الموقف الجديد بتاع مبارك اردول يعتبر موقف نهائي ولا حيتغير إذا جا الحسم العسكري المامجود حالياً في نظر مبارك؟
هل إنتو كتحالف للعداله حتوافقوا بإنو حميدتي وعبدالرحيم يكونوا متساويين معاكم في الطرف الآخر بعد العملوهو ده ؟
إذا إنت بتقول إنك قائد حزبي ياريت تعمل إستبيان داخل حزبك ده شوف هل في عضو من عضوية التحالف حيرضى بإنك تتفاوض بإسموا مع مليشيا الدعم السريع دي ؟ إذا لقيت عضو واحد تكون كذبت
يا مبارك من المهم تثبٍت موقف واحد وعلى راحتك إذا كان الموقف الأول وانت داعم للجيش والشعب وواصف المعركه دي بإنها تمرد قوة على الجيش أو موقفك بتاع أمس البتقول فيهو الحسم العسكري مافي والحل تفاوضي بين طرفي الصراع .
الموقف الأول عندوا ثمن وتبعات ..
الموقف الثاني عندوا ثمن وتبعات ..
من المهم إنو السياسي منكم يتحمل تبعات الكلام البيقولوا وأنا هسه بقوليك..
مافي تفااااوض ولو حصل مااااحيطبق.. الحل العسكري جاااااي ولو قيادة الجيش الحاليه أخرتوا ألف سنه جاي جاي ..
كلامي ده للزمن .. ومابتقدروا مابتقدروا مابتقدرو تلفوا عكس تيار المقاومه الشعبيه ( المسلحه ) مهمآ حصل ..
تبيان توفيق
إنضم لقناة النيلين على واتسابالمصدر: موقع النيلين
كلمات دلالية: الدعم السریع
إقرأ أيضاً:
لقاء عبد الرحيم دقلو هو اكبر دليل على هزيمة الدعم السريع
اللقاء بتاع امس بين عبد الرحيم دقلو و المرة العاملة فيها مذيعة ديك هو اكبر دليل على هزيمة الدعم السريع
يعني اذا عايز تقنع شخص بانو الدعم السريع انهزم ما عليك غير بس تخليهو يحضر اللقاء ده
يطرح اللقاء الاسئلة التالية …
السؤال الاول .. لماذا المستضاف عبد الرحيم دقلو وليس محمد دقلو مع ان اللقاء في نيروبي و في مكان آمن جدا بالنسبة للمرتزقة ؟
السؤال الثاني : ما هي الوسائل التي اصبح الدعم السريع يستخدمها لمجابهة الجيش السوداني في فبراير 2025 مقابل تلك التي كان يستعملها في ابريل 2023. ( اخوك لمن استضافوه في نفس القناة نهار ١٥ ابريل ٢٠٢٣ قال هدفو واحد بس انو يجيب راس البرهان ده .. ليه هسي بقيتو دايرين تلبسوا بدل و تقعدوا في اجتماعات و تعملوا فيها حمامة السلام ؟ )
السؤال الثالث : من هو مستضيف البرنامج و ما موقفه من الدعم السريع
السؤال الرابع : ما مدى حدة خطاب عبد الرحيم دقلو و ما هي نبرة صوته مقابل تلك التي كانت في ابريل 2023 .
السؤال الخامس : هل يعتقد عبد الرحيم دقلو انو القاعة الحصل فيها الاجتماع دي فيها حد ادنى من التوافق ؟ ماهو خط التوافق الموجود …
اذا كان رفض دولة ٥٦ .. فدونكم ود المرغني … ده ٥٦ زاتها و جاييكم لابس البشت عديل ….
اذا كان الدين الاسلامي … فدونك الحركات المسلحة الداعية للعلمانية…
اذا كان رفض الحرب …. ف مفترض انت زاتك تمرق من
القاعة …
اذا كان توافق في رؤية سياسية .. ف العطالة المعاك في القاعة ديل كلهم اكل الدهر عليهم و شرب و الشعب عارف البيهم و العليهم و كل زول فيهم قاعد داير نصيبو بس … الظرف بتاع الدولارات و نصيبو و نصيب حزبو بعدين من الكيكة …
السؤال السادس: ما هو الهدف المراد من وراء اللقاء و ما هي الرسالة المراد ارسالها من خلال اللقاء و من المعني باستلام تلك الرسالة …. و في الحتة دي ركز في اجوبة عبد الرحيم دقلو و نفيه لانهم يريدون الانفصال و نفيه لانهم يريدون الحصول على طيران و مدحه لعبد العزيز الحلو
السؤال السابع : ما هي الاوراق في رايك التي ستقدمها امريكا كصفقات اضافية جانبية لروسيا كمساومة لانهاء حرب اوكرانيا و لماذا لم يصدر حتى الان بيان امريكي ضد تحركات روسيا ..و ما اثر التقارب الامريكي الروسي على الدعم الذي تحصل عليه المليشيا..و ما اثر المتغيرات العالمية على تقاطع المصالح في السودان … وهل تعتقد ان الدعم السريع ما زال صالحا في المستقبل لخدمة اجندة الدول التي تقف من وراءه .. ام انه اصبح كرت محروق ؟
السؤال الثامن : اين الجيش الان على ارض الواقع و كم عدد المتحركات التي دخلت الخدمة حديثا و اين ترتكز بعيدا عن اعين الاعلام … الا كان تنفصلوا و الجيش جوة معاكم بهناك….
و خليك من الاسلحة و الطيران ال (ح) تجيكم بعد ما تنفصلوا و تكونوا دولة .. انت عارف الجيش هسي دي في الاسبوع الفينا ده جايب شنو ؟
دولتك النكرتها في اللقاء دي حتتكون في ظروف صعبة خلاص الله يعينك
الشغلة دي يا عبد الرحيم يا ولدي باظت خلاص مش كان تجيب ليك بدلة رمادية ولا كان تلم المتسلقين سواقط الاحزاب ديل في قاعة …
ما بحلك
Ahmed Crash
إنضم لقناة النيلين على واتساب