هل ممكن اردول يوري الناس ليه إتحول موقفه من وصف الدعم السريع بإعتباره قوة متمردة إلى وصف جديد
تاريخ النشر: 25th, September 2024 GMT
هل ممكن مبارك اردول يدينا رؤية تحالف العداله لإنهاء الحرب بالأخص في جزئية الدعم السريع دي ؟
هل ممكن مبارك اردول يوري الناس ليه إتحول موقفوا من وصف الدعم السريع بإعتباره قوة متمرده إلى وصف جديد وهو طرفي الصراع ؟
هل الموقف الجديد بتاع مبارك اردول يعتبر موقف نهائي ولا حيتغير إذا جا الحسم العسكري المامجود حالياً في نظر مبارك؟
هل إنتو كتحالف للعداله حتوافقوا بإنو حميدتي وعبدالرحيم يكونوا متساويين معاكم في الطرف الآخر بعد العملوهو ده ؟
إذا إنت بتقول إنك قائد حزبي ياريت تعمل إستبيان داخل حزبك ده شوف هل في عضو من عضوية التحالف حيرضى بإنك تتفاوض بإسموا مع مليشيا الدعم السريع دي ؟ إذا لقيت عضو واحد تكون كذبت
يا مبارك من المهم تثبٍت موقف واحد وعلى راحتك إذا كان الموقف الأول وانت داعم للجيش والشعب وواصف المعركه دي بإنها تمرد قوة على الجيش أو موقفك بتاع أمس البتقول فيهو الحسم العسكري مافي والحل تفاوضي بين طرفي الصراع .
الموقف الأول عندوا ثمن وتبعات ..
الموقف الثاني عندوا ثمن وتبعات ..
من المهم إنو السياسي منكم يتحمل تبعات الكلام البيقولوا وأنا هسه بقوليك..
مافي تفااااوض ولو حصل مااااحيطبق.. الحل العسكري جاااااي ولو قيادة الجيش الحاليه أخرتوا ألف سنه جاي جاي ..
كلامي ده للزمن .. ومابتقدروا مابتقدروا مابتقدرو تلفوا عكس تيار المقاومه الشعبيه ( المسلحه ) مهمآ حصل ..
تبيان توفيق
إنضم لقناة النيلين على واتسابالمصدر: موقع النيلين
كلمات دلالية: الدعم السریع
إقرأ أيضاً:
الدعم السريع يرفض اعادة الشبكة ويقول.. حتجيب لينا المسيّرات
حتى لا يتعلق الناس بعشم كذوب فان الحديث المتداول هذه الايام بكثافة عن عودة وشيكة لشركتي #سوداني #وزين للعمل مجددا في ولاية #الجزيرة وانشاء مقسم جديد وغيره من التفاصيل الفنية المبذولة بسخاء في الاسافير حديث غير صحيح.
ليست هناك اي اعمال فنية للشركتين المذكورتين في ولاية الجزيرة تمهيدا لاعادة #الشبكة الى هناك والسبب هو رفض #ميليشيا_الدعم_السريع القاطع لموفدي الشركتين مصحوبا بوفد اهلي السماح للاطقم الفنية بمعاينة المقسمات والابراج وتقييم حجم الاضرار ومن ثم العمل على اعادة تاهيل المحطات الخاصة تمهيدا للعودة.
الدعم السريع كان يرفض اعادة الشبكة بحجج كثيرة واهية قبل ان يضيق ذرعا بالمحاولات المتكررة للشركات معه ويقول لهم بصريح العبارة “مافي شبكة حتشتغل هنا لانها حتجيب لينا المسيّرات”.
عليه.. يبقى الوضع بولاية الجزيرة على ما هو عليه الا ان يقضي الله امرا كان مفعولا.
حفظ الله الجزيرة وشملها بعنايته واعادها قريبا الى اهلها واعادهم اليها وحفظ كل مدن وقرى السودان.
#السودان_الاتصالات
#زين_للاتصالات
#_سوداني_للاتصالات
#جرائم_الدعم_السريع
طلال مدثر
إنضم لقناة النيلين على واتساب