فريدة سيف النصر للفنانات: «لحمكم غالي علينا ولازم نتعظ ونخاف على نفسنا»

تصدرت الفنانة فريدة سيف النصر، تريند محرك البحث جوجل، خلال الساعات الماضية، وذلك بعد حديثها عن تخوفها من الملابس التي كانت ترتديها وهي في سن صغير.

وكتبت فريدة سيف النصر، منشورا عبر حسابها على موقع التواصل الاجتماعي «فيسبوك» قائلة: «لازم أقول مقدرش أقرأ حاجة بشرحها وتفسيرها وتنفعكم يوم الحقيقة الوحيد ومقولهاش، مستشهدة بآية: "إِنَّ لَكَ أَلاَّ تَجُوعَ فِيهَا وَلاَ تَعْرَىٰ"».

فريدة سيف النصر

وأضافت: «المعنى الجنة مبنتعراش فيها ومستورين، يبقى لازم نتستر تحت في الأرض عشان نطلع فوق بنفس الهيئة، أنا خايفة من اللبس اللي لبسته وأنا صغيرة، لكن لقيت الرحمة والتفسير في آية (قُلْ هَلْ يَسْتَوِي الَّذِينَ يَعْلَمُونَ وَالَّذِينَ لا يَعْلَمُونَ)».

وتابعت قائلة: «الحمد لله يعني اللي يعمل سوء بجهالة يغفر له لو تراجع لكن لو عارف عقابه ومش فارق عنده، ده رايح في ستين مصيبة غلبان، أنا عايزة لما أروح لا أجوع ولا أتعرى ولا أعجز، إيه الجمال ده، حبايبي متستنوش تبقوا كبار أسرعوا ماحدش عارف ساعته امتى، نتعظ ونخاف على نفسنا الحياة لو 100 سنة بنمشي برده، خلينا نعمل حساب هناك أكتر».

واختتمت حديثها: «لحمكم ده لحمنا وغالي علينا والجميل مش محتاج يعمل كده، انتم حلوين حتى لو بورتريه فقط، بحبكم ويعلم الله يا ريت متزعلوش بس هيئة أهل الجنة أحلى».

فريدة سيف النصر في مسلسل العتاولة

وقالت فريدة سيف النصر في تصريحات خاصة لـ «الأسبوع»: «باركتلها هي وفريق العمل، وفعلا معنديش مشاكل مع أى حد من زمايلي، ودايما لما بيعملوا دور حلو بشيد بيهم، ومحدش بيكتبلي مش مشكلة بس أنا عندي جمهوري من المحيط للخليج، وده تأكيده إني أعلى تصويت في الدير جيست».

وأضافت فريدة سيف النصر: «والجزء التاني من العتاولة أنا مش موجودة فيه لأني موت قبل آخر حلقتين والناس قامت، وسترة ماتت بس كان فيها كروته كدا، غلطوا، والمخرج حبيبي وابني جدا، واشتغلنا مع بعض حلو جدا بس في حاجة دخلت في النص أنا مش عارفها، الحمد لله على كل حال».

وتابعت: «اختيار فيفي عبده في محله جدا، وهتاخد بإيد فريق العمل، وهي ممثلة شاطرة جدا، وتتمتع بخفة الدم، بس مش هتكون سترة لأنها ماتت، لكن في الجزء الثاني بيدورا على نفس تركيبتي تملى الفراغ، وإن شاء الله هتكون أحسن كمان، هيكون عمل جديد تماما».

اقرأ أيضاًفريدة سيف النصر تكشف لـ«الأسبوع» سر اختيار فيفي عبده في «العتاولة 2» ومصير سترة

هايليقوا على بعض.. تعليق فريدة سيف النصر على انضمام فيفي عبده لـ «العتاولة 2»

فريدة سيف النصر تطلب من «روتانا» التصالح مع شيرين عبد الوهاب | صورة

المصدر: الأسبوع