???? احذر.. مكالمة فعلنا جهاز ستارلينك في السودان باسمك ورقم تلفونك.. لماذا؟
تاريخ النشر: 22nd, September 2024 GMT
رقم غريب أمس بالليل رسل لي في الواتساب :”السلام عليكم”. رديت عليهو الصباح. قبل شوية ضرب لي في الواتساب، بعد السلام والسؤال عن الصحة والأحوال، والأهل والأولاد، قال لي معاك شركة ستارلينك في ديم سواكن. أمس بالليل رسلت ليك رسالة وما حبيت اتصل عليك عشان الوقت مزعج. نحن بالغلط فعلنا جهاز ستارلينك بي اسمك و رقم تلفونك.
و واصل “هسا دايرين نلغي تسجيل الجهاز.”
“استارلنك ده شنو؟” سألتو باستغراب.. فكتر خيرو شرح لي، قال “ده جهاز واي فاي بتاع انترنت، ما سمعت بيهو في الميديا ولا شنو؟”.. قلت ليهو لاقاتني، لكن ما ركزت معاهو.
“طيب، و المطلوب شنو؟” سألتو
قال لي أنا رسلت ليك رقم في الواتساب، ومفروض تقول لي الرقم ده عشان نلغي الإشتراك. وريتو إنو ما جاني رقم.. قال كدي أفتح السماعة الخارجية و اتكلم معاي.. وبقا يوصف لي: “أفتح وين، و عاين وين..” عارف روحو بعمل في شنو!
وريتو إنو ما جاني الرقم.. فقال لي انت بتكون ضغطت عليهو بالغلط و اختفي.. دقيقة خليني أراجع السستم (مهنية عالية).. بعدها قال لي “أها كده جاك الرقم؟”
قلت ليهو أيوة كده جا الرقم.
فباغتني “كم الرقم؟ قولو لي”
طبعا الرقم هو كود حماية بتاع تحويل الواتساب، يعني لو اديتو الكود ده، كده حيكون هكر الواتساب بتاعي.. حيرسل و يستقبل رسائل الواتساب بي رقمي، و ما معروف بعداك حيعمل شنو!..
ما معروف الزول ده بدأ من وين، و هسا قاعد يستدرج في منو.. فحقو ننتبه ونعمل حسابنا شديد.
عموما.. الأفضل الناس تتعامل بحذر شديد مع الأرقام الغريبة وما تثق فيها، خصوصا الناس البخشو فيك شمال وبدوك احساس إنهم عارفين شغلهم وواثقين من روحهم شديد، أو الناس البدوك إحساس إنو الموضوع مستعجل و لازم ترد أو تقرر فيهو سريع.. موضوع الاستعجال ده أسلوب أساسي في الخداع.
اتجرجرت عليهو..و بقيت أسألو، الرقم بتاع شنو.. و أنت منو.. و كدي قول لي تاني الحصل شنو.. في الأخير قال لي ياخ قول لي الرقم عشان المندوب بتاع ستارلينك ما يجيك في محلك، و تاني باغتني بي سؤال: “انت موقعك وين؟”.. قلت ليهو خلي ناس شركة ستارلينك يضربو لي.. قال لي ما نحن شركة ستارلينك. قلت ليهو طيب رسل لي “إيميل”.. قال لي “إيميل؟!” وقفل الخط.. وعمل لي بلوك
عملت بلاغ لناس الواتساب عن الرقم. ياريت أي زول تحصل معاهو حاجة زي دي يبلغ طوالي.
Sideeg Altahier
إنضم لقناة النيلين على واتسابالمصدر: موقع النيلين
كلمات دلالية: قال لی
إقرأ أيضاً:
إيناس الدغيدي تكشف تفاصيل آخر مكالمة مع سعاد حسني قبل وفاتها
قالت المخرجة إيناس الدغيدي، إنّ الفنانة الراحلة سعاد حسني كانت جميلة ورقيقة وإنسانة وفنانة، مؤكدة أن "السينما المصرية والسينما العربية مش هتجيب حد زيها".
وأضافت المخرجة إيناس الدغيدي، مقدمة برنامج «العرافة»، من تقديم الإعلامية بسمة وهبة عبر قناتي المحور والنهار: "بالنسبة لي، سعاد حسني انتحرت بسبب ضعف إنساني، فقد كانت في يوم من الأيام تملك الدنيا بجمالها وبهجتها وفنها، وفجأة لم تعد كذلك".
وتابعت المخرجة إيناس الدغيدي،: «يجب أن نتعاطف معها، وقلت إنها انتحرت؛ تعاطفا معها، كما أنني لم أتخيل أن هناك شخصا يمكنه قتلها».
وأكدت المخرجة إيناس الدغيدي، أن «سعاد حسني انتحرت؛ لظروف نفسية، فقد وصلت لمرحلة مرضية أثر على نفسها، كما أنني تابعت أخبارها وسمعت عنها الكثير، وفي مرة كلمتني، وقلت ليها تعالي اقعدي معايا شوية، قالت لي أنا اتغيرت خالص، ومابقتش سعاد حسني».
أستون فيلا يهزم كلوب بروج بثلاثية ويقترب من بلوغ ربع نهائي الأبطال