إيمي سمير غانم ترثي والديها بكلمات مؤثرة: «كل شوية أقول إمتى أشوفكم»

رثت الفنانة إيمي سمير غانم والديها عبر حسابها بموقع تبادل الفيديوهات والصور إنستجرام بكلمات مؤثرة، تفاعل معها الجمهور داعين لهما.

ونشرت إيمي سمير غانم صورة تجمع والديها معلقة: كل شوية أقول إمتى أشوفكم، بجد الفراق فعلا من أصعب الحاجات اللي بنحس بيها، ربنا يصبر كل اللي حاسس بيا، بكون عايزة أحكي لهم بشوف إيه في حياتي ومين مزعلني ويشوفوا ابني، تفاصيل كتير وطبعا الحياة لازم تستمر والكلام اللي إنتوا عارفينوا ده، ونشتغل ونربي أولادنا ونضحك ونعيش أيامنا بس التفكير فيهم مش بيهدا.

وأضافت إيمي قائلة: نصيحة مني لكل ولد وبنت ربنا يخلي لكم باباكم ومامتكم تفضلوا تحت رجليهم كل يوم، مش مهم الأصحاب مش مهم السفر مش مهم غير إنهم يكونوا هما وأولادكم كل يوم معاكم، وربنا يصبر كل الناس.. الفاتحة وربنا يغفر لهم ويجمعنا بيهم في الجنة.

عرض هذا المنشور على Instagram

‏‎تمت مشاركة منشور بواسطة ‏‎Amy Samir Ghanem‎‏ (@‏‎amysamirghanem‎‏)‎‏

المصدر: الوطن