تعليق ناري من عمرو أديب بشأن اتهام صلاح التيجاني بالتحرش بفتاة

علق الإعلامي عمرو أديب، على اتهام أحد الشيخ صلاح التيجاني، الذي يدعي أنه أحد شيوخ الطريقة التيجانية بالتحرش بفتاة.

بعد زيارة مدبولي| عمرو أديب: العلاقات المصرية السعودية دائما قوية مبهرة وجبارة عمرو أديب: "الطفل اللي مش معاه شنطة مدرسة حالته ضنك" عايزين نواجه الحقيقة 

وقال "أديب" خلال تقديم برنامجه "الحكاية" المذاع على فضائية "إم بي سي مصر" مساء اليوم الجمعة، "أنا عايز بس أقول حاجة علشان نواجه الحقيقة المشكلة أن فيه ناس عاملة معركة مع صلاح التيجاني ولكن المشكلة أن هذا البلد فيه عدد كبير من الناس مقتنع أن يبقى له شيخ وأن يكون فيه حد له كرامات وهذا الأمر منذ الدولة الفاطمية".

وأضاف "شوفنا مثقفين ورجال أعمال لا يدخل الحمام إلا لما يسأل شيخ، وبنشوف حاجات ما أنزل الله بها من سلطان أن فيه حد يقولك أنا اللي هدخلك الجنة وأنا اللي هوصلك للجنة ده أنت كده مش محتاج تصلي بقية حياته، واحد يقولك أنا شيخ وله كرامات".

التصوف شيء 

وتابع "وهذا الأمر يجب أن يستقيم بنتكلم على واحدة قالت أنه هو تحرش بها لفظيًا وجسديًا وفيه آخريات سوف تتقدم أيضًا ببلاغات، أنه ازاي سايبين عقلكم كده إحنا عمرنا ما نتقدم وناس عاملة تبني متفجرات في موبيلات، إحنا مولدينا فيها ايه وأنتوا عارفينها ومش عايزين تواجهوا نفسكم بها".

وأردف "أنا عارف أن فيه ناس هتزعل ويقولوا دول ليهم كرامات وعلامات، التصوف شيء آخر وفيه شيوخ أفاضل محترمين بس طبعا فيه انحراف والخروج عن القرآن والسنة وهذا الأمر يجب أن نواجهه كلنا، الفلوس اللي بتتصرف على هذا الأمر تفتح مدارس ومستشفيات".

المصدر: بوابة الفجر