عصام صاصا يتصدر التريند بأغنيته "هسحب سكينة مسنونة"
تاريخ النشر: 11th, August 2023 GMT
تصدر المؤدي الشعبي عصام صاصا ترند موقع الڤيديوهات الشهير "اليوتيوب" وذلك بسبب أغنيته الجديدة الذي طرحها الفترة الماضية "هسحب سكينة مسنونة"، واعجب بها جمهوره إعجابًا شديدًا منذ طرح الأغنيه، وحققت نسب مشاهدة عالية عبر مواقع التواصل الإجتماعي.
ويذكر أن طرح عصام صاصا، مهرجان جديد بعنوان "اللي نفسه كسرت بنفسه"، عبر قناته الرسمية على موقع الفيديوهات العالميي "يوتيوب"، وكالعادة حصد المهرجان على نسبة مشاهده عالية منذ طرحه، فضلا عن تصدره تريند يوتيوب رقم 5.
تفاصيل مهرجان "اللي نفسه كسرت بنفسه"
غناء عصام صاصا، كلمات مصطفى الجن، توزيع كيمو الديب.
كلمات "اللي نفسه كسرت بنفسه"
"إلى نفسو كسرت بنفسو وإلى جالى اديتلو العالى خصمى لو ينسا فى يوم نفسو بصحيه من النوم ب الألى.. وش الموت إلى سيادتك لابسو مايهزنيش ولا يشغل بإلى مدى الشيطان افراج مش حابسو نفسك فى حاجه قرب قولهالى.. معايا خلصان اى كلام انا متخطر ع الأمن العام تحكم على نفسك ب الإعدام يالى ناويلى على خصومه.. لو شوفتنى ما تسميش علشان لو شوفتك مش هتعيش انا مبفخدش ومبجليش ولا بجرى واقول ياحكومه ماتفتكرش أن إللى وراك قبضاى وبيطير فى أرقاب انت الجرائه لو يوم واخداك سهله الغلط عندنا بحساب.. لو انت شايف إنه ا جايباك قببل وجررى عليا كلاب مطرح ما ترسى هدق معاك هفتح عليك للنار ابواب عيال مظابيط ع الأخرام كارفه مفكره نفسها اخصام كلها لابسالى وش الاجرام ناسيين أن انا عقباوى.. ع الحاله كلها قراصنه ع الأرض مفيش فعل وربنا مهى مش ب الاستورى ياعمنا بطل تكرت بمطاوى اسمى وحدو يهز مدينه لو كتيبه قدامى بعاملها بدراعى بصد السكينه بلعب الجولة بكملها.. صرفت مع ام افندينا اخصامى تتنطط بديلها فاكسان هنا التكريت يا اخينا دخلات قديمه وشوفلك غيرها دانا مابشوفش بعيد عنك مين تطلع عشان اكل منك يوم ماتجيلى على سكه هرنك احذر تيجى رجليك لو قد النكش انكشنى وشوف بقا مين عنك هيحوشنى هبرشم ودماغى هتلطشنى واسوق الكيميا عليك مش شايف صاحب يوفيلى كلو عينو على اللى فى جيبى اتكشحت خلاص يازميلى انت ياض مش اخويا وحبيبى لو عايز مصلحه بتجيلى غير كدا انت بتعمل ليبى امتى كنت فى شده باقيلى دانتا بتحبلى تعذيبى من بعد ما كلو اتجاحد انا مبقتش بميز واحد يلا فى داهيه دماغى ارتاحت دانا والله ما ناقصكو.. على ملياسى مصاحبننى بلاش والنبى تعملو حببنى محدش فيكم يعمل منى اصلى عاجنكم وخابزكو انتى عندى اغلى الغاليين انتى بس اللى عايش ليها مش شايف غيرك يا كوين نور عينى اللى ماليش بعديها.. روح قلبى غير البنى ادمين مفيش بشر تتقارن بيها عشت جمبها احلى سنين دانا احلى ايامى بقضيها مش عايزك عنى تغيبى عشان قلبى بيوجعنى يا بيبى بفتح عينى بقول ياحبيبى عليكى م الصبح بنادى.. ع الدوغرى بقيتى افيونتى خلاص مش جاى معايا غيرك انتى بعاملك انا على انك بنتى ماليش غيرك ياحياتى"
المصدر: بوابة الفجر
إقرأ أيضاً:
بالمصرى .. عن عيد الأم وجدتى وأمي
تابع أحدث الأخبار عبر تطبيق
فى عيد الأم اسمحولى أحكى عن أمى اللى ولدتنى وأمى اللى ربتنى وأشكرهم.. جدتى لأبويا الحاجة نوحة أمى إللى ربتنى واللى القدر خلاها تتحمل مسئولية تربيتى من وأنا طفله عندى ٦ سنين.. الست اللى اتعلمت منها كل حاجة فى الحياة واللى كانت حياتها عبارة عن الاهتمام بينا كلنا.. بناكل من إيديها ونعيش بنصايحها ودعواتها لينا وكنت لما أتعب ترقينى بإيديها وأنا حاطة راسى على رجلها وأروح فى النوم.. الست اللى كانت بتحلم بالرسول وحكت أحلامها للراحل محمد الكحلاوى ومن قصصها غنى جانى فى منامى يابا لبسنى توب واللى كانت عيديتها البسيطة فيها بركة عجيبة.. جدتى الست اللى كانت نظيفة جداً ولازم تتعطر قبل ماتنام.. جدتى الست اللى جوزها مات وهى شابة وسابلها ٦ أولاد.. ٣ بنات و٣ صبيان.. ولما بابا بكى يوم رحيل والده قالتله اسكت أبوك سابك راجل ومن النهارده أنت المسئول عن إخواتك.. جدتى اللى ربتنى زى ماربت عماتى علشان كده أنا مش شبه جيلي.
جدتى اللى لما جالها جلطة فى المخ والدكاتره قالوا إن اللى فاضل مجرد ساعات ودخلت غيبوبة مسكت إيديها وقعدت أكلم ربنا وأترجاه يرجعهالى تانى لأنى محتاجة وجودها وفعلاً فاقت وقالتلى حاقعد معاكى ٣ أيام.. وكل المستشفى كانوا مستغربين المعجزة وإنها فاقت من الغيبوبة وبقت زى القمر وكانت بتدعيلى وتقولى إنها راضية عنى وبعد ٣ أيام فعلاً ويوم عيد الأم اللى كان موافق ١٧ رمضان الساعة ٢.١٥ صباحاً رحلت.
جدتى الحاجة نوحة اللى كانت بتقولى إنتى بنت يعنى لازم مهما كان عندك ناس تساعدك تتعلمى تعملى كل حاجة تنضفى بيتك وتطبخى وتخيطى وتكوى علشان النهارده عندك حد يساعدك لكن ممكن بكره الأحوال تتغير ولازم تكونى قادرة وعارفة تعملى كل حاجة.. جدتى اللى علمتنى إيه يصح وإيه مايصحش وإزاى أتعامل بالأصول مع الناس ولما أطلب حاجة من الست اللى بتساعدنا فى البيت لازم أقولها من فضلك وأتعامل معاها بحب ورحمة. جدتى اللى ليها كل الفضل فى حياتى واللى عايشة برضاها واللى يقينى إنها فى مكان أفضل وحلو قوى فى الجنة.
أما أمى اللى ولدتنى فهى الكرم الطائى اللى كانت ممكن تبيع حاجة من عندها علشان تسلف المحتاج واللى لو حد قالها ساعتك حلوة تقلعها وتلبسهاله وتهاديه بيها وتحلف ماهى راجعة.. أمى اللى كنت لما أكلمها فى التليفون تفضل تدعيلى لغاية ماقولها كفايه دعاء عاوزة أطمن عليكى وأعرف أخبارك ولازم تختم المكالمة بكلمة بحبك يا سحر.
أمى اللى لما كانت بتزورنى وتبات عندى وأصحى من النوم ألاقيها لابسة النضارة وماسكة الجرايد بتقراها وممكن تتأثر وتبكى بحرقه لو قرأت حادث أو خبر محزن.. أمى الست اللى عاشت علشان تعطى فقط واللى ماخدتش حاجة لنفسها وسعادتها كانت فى العطاء فقط.
أمى اللى لما حارس بيتها مرض، قررت تنقله فى أوضة فى بيتها وتراعيه وتخدمه وتقول ده حقه زى ماعاش بيخدمنا لازم نخدمه لحد مارحل.. أمى اللى لو لقت حد تايه فى الشارع تاخده بيتها تأكله وتساعده وتوصله لمكانه.. أمى الست الجدعة واللى عاشت بقلب طفلة تفرح بحاجات بسيطة وتبكى بحرقة من مشهد فيلم مؤثر.
أمى اللى رحلت فى هدوء وهى بتتوضى علشان تصلى الفجر، مفتقدة دعاها وطيبتها وكرمها وحنانها وعايشة برضاها وعارفة إنها أكيد فى مكان أحسن واللى طول ماكانت عايشة كنت حاسة إنى لسه طفلة ولما رحلت حسيت إنى فجأة كبرت ميت سنة.. أمى فريال كل سنة وانتى فى الجنة سعيدة ومتهنية.
وكل سنة وكل أم خلفت وكل أم ربت وكل أم علمت وكل أم أثرت.. وكل أمهات الكون فى صحة وستر وأمان وسلام والله يرحم من رحلوا.. وزى مابيقولوا اللى خلف ماماتش، أنا بقول إن اللى ربى هو اللى مامتش.
لجنة حماية المعطيات: هجومات سيبرانية تستهدف مواقع حكومية مغربية