كشف الفنان تامر حسني، عبر حسابه الرسمي على موقع الصور والفيديوهات «إنستجرام»، سبب استمراره في تأليف وتلحين أغانيه.

تامر حسني يكشف سبب تصميمه على كتابة أغانيه

وكتب تامر حسني: «زمان وأنا ببدأ حياتي مكنتش ناوي إني أصمم أكتب أغانيا وألحنها، عملت أول لحن في حياتي لأغنيه اسمها راحت حبيبتي في ألبوم تامر وشيرين، وإنتوا عارفين الألبوم ده إزاي نجح وكل أغانيه نجحت، وكانت الأغنية كلمات الشاعر الكبير بهاء الدين محمد، طلع صحفي ينتقدني وكتب هو أنت لحقت تنجح عشان تلحن».

وأضاف: «فسألت نفسي هو كتب كده ليه مع إن الأغنية من أنجح أغاني الألبوم وأكتر أغنية ساعتها أثرت في الشباب، فسألت هو مين الصحفي ده طلع صاحب مطرب معين فعرفت إنه يمكن يكون غيران شوية وخلاص، بعد شوية نزلت أغنية عيونه دار وكسبت مسابقة كبيرة جداً في مصر ساعتها على نجوم اف إم، وأخدت لقب أغنية القرن، فطلع نفس الصحفي كتب إنت مصمم تلحن ليه تخيلوا أغنية حاصلة على لقب أغنية القرن وبتتحارب !!! من هنا خدني الحماس أدور جوه نفسي وأركز جامد إني أغيظه ومش بس ألحن لاء أنا هلحن وهكتب أغانيا».

وتابع تامر حسني: «وفعلاً من قلبي بشكر الصحفي والمطرب اللي خلاه يكتب كده لآن لولاهم مكنتش عملت الأغاني اللي هذكرها دي ومكنتش هبقى في مكانتي دي وياريت تركزوا إنهم كلهم كلامي ولحني عشان في ناس كتير متعرفش (نور عيني، كل مره،  لما بتكون بعيد، أنا مش عارف اتغير،  يا بنت الايه،  قسمة ونصيب،  هي دي، أنا ولا عارف، يا تاعبني، ضحكتها مبتهزرش، ماتوصينيش، إرجعلي، ميحرمنيش منك، الله يباركلي فيك،  صوتِك، بغير عليها، اسكتي، حرقة دم، زي الأيام دي، تليفوني رن، سي السيد، 100 وش، هدلعني».

واستطرد: «طبعاً لسه في أغاني كتير بس دول اللي حضروا في ذهني دلوقتي ولما لحنت وألفت لغيري كانوا أغنيتين (قوم اقف وأنت بتكلمني لبهاء، وبص بقى لشيرين)، كل دول كلماتي وألحاني تخيلوا بقى قد إيه الصحفي ده و المطرب اللي زقه عليا فادوني في مستقبلي قد إيه كلمة جارحة المقصود منها تحطيمي بكرم ربنا أقدر أحوّلها لأحد الأسباب اللي تخليني أنجح وأكمل 20 سنة من كلامي وألحاني بكتب البوست ده عشان عارف إن كتير مننا بيسمع كلام مُحبط كل يوم فبلفت نظره إنه عنده فرصة كل يوم إنه يسمع كلمة تضايقه عشان يحولها لطاقة نجاح عظيمة تفرق في مستقبله وحياته».

View this post on Instagram

A post shared by Tamer Hosny (@tamerhosny)

المصدر: الوطن

كلمات دلالية: تامر حسني شيرين عبد الوهاب بهاء سلطان أغاني تامر حسنی

إقرأ أيضاً:

بمشاركة مروان الصحفي بيرشخوت يفوز على ميشيلن

ماجد محمد

فاز فريق بيرشخوت الأول لكرة القدم، على نظيره ميشيلن بهدف دون رد، في المباراة التي أقيمت بينهما اليوم الأحد، ضمن منافسات الجولة الـ 28 من الدوري البلجيكي الممتاز.

وشهدت المباراة مشاركة الدولي السعودي فيصل الغامدي، لمدة 62 دقيقة قبل أن يغادر الملعب بناءً على قرار مدربه الهولندي ديرك كاوت الذي أدخل البلجيكي كاتوكو تشيمانجا بدلًا منه، كما شارك مروان الصحفي في الشوط الثاني عند الدقيقة 62.

ووفقًا لموقع “سوفا سكور” العالمي، نال الغامدي تقييم 6.6 في المباراة بعد أن لمس الكرة 36 مرة، وسجل نسبة تمريرات صحيحة بلغت 84 بالمئة، إضافة إلى تسديدة واحدة على المرمى.

كما حصل الصحفي الذي لعب لمدة 28 دقيقة على تقييم 6.5، إذ لمس الكرة 19 مرة وقدم تمريرتين مفتاحيتين، فيما سدد مرة واحدة خارج المرمى.

ورفع فريق بيرشخوت بهذا الفوز رصيده إلى 18 نقطة في المرتبة الأخيرة حصدها من 3 انتصارات و9 تعادلات مقابل 16 هزيمة.

مقالات مشابهة

  • تامر حسني يتصدر التريند بسبب مي عمر.. تفاصيل القصة
  • تامر حسني يوجه رسالة لمي عمر عن دورها في إش إش
  • وصول أغنية قلوبنا أقرب لـ تامر حسني للمركز الخامس عالميا
  • إلهام شاهين تناجي الله: الناس بتقول كلام كتير وأنا بقول يارب سامحني
  • المتهم بالشروع في إنهاء حياة زوجته بدار السلام: طلباتها كتير
  • الصاحب الجدع .. تامر حسني يواسي صديقه باسم سمرة فى عزاء والدته
  • بمشاركة مروان الصحفي بيرشخوت يفوز على ميشيلن
  • اقلب الصفحة..تامر حسني يوجّه رسالة لجمهوره بمناسبة شهر رمضان
  • بعد رحيل نصرالله… اللي جاية أمَرّ
  • نجم البوب العالمى مصرى: أتنمى أوصل لناس كتير فى مصر