إياد العسقلاني عن وفاة إيهاب جلال: «كان نفسي أشيلك على كتفي»
تاريخ النشر: 12th, September 2024 GMT
وجه إياد العسقلاني، لاعب روستوف الروسى الحالى والإسماعيلى السابق، رسالة خاصة إلى مدربه السابق، إيهاب جلال، والذي وافته المنية أمس الأربعاء.
وتوفي إيهاب جلال، أمس الأربعاء، على إثر وعكة صحية تعرض لها، يوم الأحد قبل الماضي، وأصيب بجلطة في المخ.
وكتب إياد العسقلاني عبر حسابه على موقع التواصل الاجتماعي "فيس بوك" اليوم: "كان نفسي أكون جمبك انهارده وأشيلك ع كتفي زي مانت كنت شايلنا في عينك وبتحمينا من أي حد".
وواصل: "كان نفسي أردلك جزء من الجميل الي انت عملته ليا كان نفسي مسبكش لوحدك كنت مستني أرجع أجازة عشان أحكيلك كل حاجة زي ما انت عودتني كانت نفسي مكالمتك معايا أو رسايلك متخلصش".
وأضاف: "كنت مستني اليوم اللي تخرجه فيه بالسلامة وتقف ع رجلك تاني كان نفسي أفضل أتعلم منك كل حاجه كان نفسي أودعك وأحضنك عشان أنا مش هحب قدك تاني".
وأردف: "كان نفسي أكون معاك في أول ليلة ليك وكان نفسي تفضل تطبب عليا لما بكون زعلان ومتكنش لوحدك سبتني ومشيت وسايبلي كلامك وصوتك في وداني بيفارقنيش من أول ما سمعت الخبر أنا اطمنت عليك لما شوفتك وانت رايح تقابل الوجه الكريم وأنا عارف أنك في مكان أحسن من هنا بكتير يا اغلي الناس".
وتابع: "ابنك مش هينساك وكنت عارف لما كنت بتقولي انت ابني اللي مخلفتهوش كانت من كل قلبك كل كلمه قولتهالي كانت صدق والله هشرفك وهخليك فرحان بيا زي مانت كنت بتتمنى وهتفضل في قلب ابنك عمري مهنساك يا حبيبي أشوفك على خير ي حبيبي وأرتاح هتوحشني يا أبويا".
واختتم: "اللهم في الليلة الأولى في القبر اجعل في قبره نوراً، اللهم اجعل قبره روضة من رياض الجنة اللهم اغفر له وارحمه واعف عنه واجعله قرة عينك يارب العالمين اللهم ثبته عند السؤال اسكنه في فردوس الأعلى يارب العالمين اللهم اجعله من الصالحين البارين المخلصين في الجنة يارب العالمين مع السلامة يا أنضف الناس مع السلامه يا حبيب قلبي مع السلامه يا بوب".
المصدر: الأسبوع
كلمات دلالية: إيهاب جلال ايهاب جلال رحيل إيهاب جلال اياد العسقلاني ايهاب جلال اليوم كابتن ايهاب جلال المدرب ايهاب جلال الكابتن ايهاب جلال ايهاب جلال الاسماعيلى كابتن إيهاب جلال جنازة ايهاب جلال الحالة الصحية لإيهاب جلال تعيين إيهاب جلال تصريحات إيهاب جلال وفاة ايهاب جلال کان نفسی
إقرأ أيضاً:
«الموهبة لا تُقلد».. إياد نصار يُواجه التنمر ضد الفنانات بتصريحات نارية | شاهد
انتقد الفنان إياد نصار المعايير المجتمعية غير العادلة التي تُمارَس ضد المرأة، لا سيما في مجال التمثيل، مؤكدًا أن نظرة المجتمع للمرأة عند تقدمها في السن لا تزال تحمل قدرًا كبيرًا من التمييز.
وخلال لقائه مع الإعلامية لميس الحديدي في برنامج "كلمة أخيرة" على قناة ON، أجاب عن سؤالها: "ليه الستات دايمًا بيتعرضوا للتنمر لما يتقدموا في العمر، أما الراجل لا؟!.. يكبر ويعجز وشعره يبيض، والناس تقوله: قمر؟"
ليرد إياد قائلاً: "بسبب النظرة دي، عمر الفنانة المهني بيتم تقصيره، رغم إن عمر الفنان المفروض يكون طويل ومش مرتبط بسن محدد."
وأضاف: "كل مرحلة عمرية فيها سحرها الخاص، وكل فنان بينضج فيها بطريقته. لكن الغريب إن المجتمع بيسمح للراجل الفنان إنه يكبر، لكن مش للست، وده تناقض كبير."
وعن أثر الزمن، تابع قائلاً: "الزمن لازم يسيب أثره على الممثل، في الشكل والمضمون. مش منطقي إن ممثل يفضل زي ما هو من العشرينات للخمسينات."
وعقبت الحديدي بأن المجتمع ذكوري ويطلب من المرأة أن تظل جميلة طوال الوقت، ليعلّق إياد قائلًا: "المشكلة إن فيه ناس بتربط الشكل بجودة التمثيل، يقولك مثلًا: الممثل ده شكله حلو، روح يعمل المشهد! طب أنا مالي بشكله؟ لو بنتكلم عن الشكل، يروح يعمل إعلانات أحسن. إحنا بندور على ممثل عنده قدرات، مش بس شكل."
وأضاف: "سمعت ممثلين بيقولوا: علشان تبقى نجم، لازم يبقى جسمك حلو ودمك خفيف. لما سمعت الكلام ده، كنت عاوز أعمل زي ابن رشد، أحرق كل الكتب اللي قريتها في حياتي!"
واختتم قائلاً: "مش ممكن دي تبقى معايير الحكم على ممثل! لو على الجسم، أي حد يقدر يروح الجيم ويعمل فورمة مثالية في شهرين. لكن الموهبة؟ الموهبة ما تتقلدش... ودي اللي بتحدد الممثل الحقيقي."
عبد المسيح: فلتكن العدالة التربوية أولوية لا شعارًا