عمرو مصطفى يُعيد تقديم أغنية "مشربتش من نيلها" بصوت بديل لـ شيرين عبدالوهاب

كشف الملحن عمرو مصطفى، إعادة توزيع "مشربتش من نيلها"  تقديمها بصوت جديد بدلًا من المطربة شيرين عبدالوهاب، وذلك عبر صفحته الرسمية على موقع التواصل الإجتماعي الشهير فيسبوك.

وكتب عمرو مصطفى، عبر صفحته قائلًا : "الأصوات المصرية الجميلة، عايزكم تحفظوا أغنية (مشربتش من نيلها) لأننا بنعيد توزيعها الآن، كلمات الشاعرة الكبيرة نور عبدالله وألحاني، غنوها وارسلوا لي أصواتكم عبر الانستجرام، علشان تنزل قريب بصوت مصري جديد".

تفاصيل أغنية مشربتش من نيلها

"مشربتش من نيلها"، كلمات الشاعرة نور عبد الله، ألحان عمرو مصطفى، توزيع نادر حمدي، إخراج أحمد المهدي، وتولى انتاجها التلفزيون المصري.

كلمات أغنية "مشربتش من نيلها" :-

بلدنا آمانة فى إيدينا نعليها مادام عايشين

نعيش فيها سنين و سنين وإحنا مطمين

ما شربتش من نيلها طب جربت تغنيلها

جربت فى عز ما تحزن تمشى فى شوارعها وتشكيلها

ما مشيتش فى ضواحيها طيب ما كبرتش فيها

ولا ليك صورة ع الرمل دامت ع الشط بمعانيها

دور جواك تلقاها هى الصحبة و هى الأهل

عشرة بلدى بتبقى نسيانها ع البال مش سهل

يمكن ناسى لإنك فيها

مش واحشاك و لا غيبت عليها

بس اللى مجرب و فارقها قال فى الدنيا ما فيش بعديها

إن غبت بحنلها وأنسى الدنيا وأجيلها

و إن جيت أنسى تفكرنا بمليون ذكرى القلب شايلها

غالية بلدنا علينا وهتفضل فى عنينا

إحنا اللى نعليها بإيدينا نخليها

أجمل لينا ولولادنا مهما العمر يعدي عليها

دور جواك تلقاها هي الصحبة وهي الأهل

عشرة بلدى بتبقى نسيانها ع البال مش سهل

يمكن ناسى لإنك فيها

مش واحشاك ولا غيبت عليها

بس اللى مجرب وفارقها قال في الدنيا مفيش بعديها

إن غبت بحنلها وأنسى الدنيا وأجيلها

و إن جيت أنسى تفكرنا بمليون ذكرى القلب شايلها

 

 

المصدر: بوابة الوفد