بعد فيديو عروسة كفر الدوار.. العريس: أنا معرفش يعني إيه نت والمصور فضحني

أحدث فيديو عروسة كفر الدوار ضجة كبيرة على مواقع التواصل الاجتماعي، وانتشرت حالة من الاستنكار والحزن على العروس، خرج محمد ملوى عريس كفر الدوار ليوضح سبب انتشار هذا الفيديو.

كشف محمد الملوي عريس كفر الدوار بعد انتشار الفيديو بصورة كبيرة أنه لا يجيد التعامل مع مواقع التواصل الاجتماعي، وأنه فوجئ ليلة أمس بعدد كبير من أصدقائه يتصلون عليه لإخباره بانتشار مقطع الفيديو.

وقال عريس كفر الدوار: «أنا شاب عندي 27 سنة، بياع على قد حالي بسرح بجوافة ماشي كل يوم بيومه، ولو يوم قعدت مشتغلتش مش هلاقي مصاريفي»

العروسة المغصوبة

وتابع الملوي: «امبارح وأنا شغال فجأة لقيت ناس كتير من قرايبي ومعارفي بيتصلوا عليا والدنيا اتقلبت مرة واحدة وواحد صاحبي قاللي تعالى لازم تشوف الفيديو ده، مبقتش شايف قدامي والتعليقات كلها نازلة شتيمة فيا».

وأضاف عريس كفر الدوار: «لحد دلوقتي مش فاهم اللي نزل الفيديو نزله بالشكل ده ليه؟.. طيب إنت شايف إنه ممكن يضرني متنزلوش ولا عاوز تركب الترند على حسابي، حتى لو أنا قلتلك بحسن نية نزل الفيديو فأنا معرفش محتواه فيه إيه ولا أعرف إنه هيظهر بالشكل ده».

عروسة كفر الدوار

وأوضح العريس: « كون إن مش مقدرتي أجيب بدلة ده شيء ميعبنيش، وكون إني حنين مع خطيبتي ومش عاوزها تزعل وكنت بحاول أصالحها برضه شيء ميعبنيش، لكن نشر الفيديو أثر على نفسيتي ومبقتش عارف أنزل أشتغل ومش عارف أواجه الناس بعد كده إزاي».

اقرأ أيضاً«هناخد حقنا من صاحب الكوافير».. والد عريس كفر الدوار غاضب بشدة من فيديو «العروسة المغصوبة»

«العروسة المغصوبة» تشعل السوشيال ميديا.. ورد صادم من العريس

المصدر: الأسبوع