زوجة عصام صاصا تكشف حقيقة طلب خلوة شرعية في السجن

كشفت جهاد زوجة مطرب المهرجانات عصام صاصا، حقيقة طلبها حلوة شرعية مع زوجها في السجن.

زوجة عصام صاصا تكشف حقيقة طلبها خلوة شرعية في السجن

وقالت زوجة عصام صاصا، في تصريحاتها: «مش عارفة ابدأ الموضوع منين، بينزل عليا أخبار كذب كتير ومكنتش حابة أطلع أتكلم غير لما أطمن على عصام لحد ما نزل خبر إني طلبت خلوة شرعية به، وده كدب، والحقيقة أننا بقالنا فترة ماشفناهوش وطلبت تصريح زيارة أنا ومامته عشان نشوفه، ليه بقى التحريف والكذب؟».

View this post on Instagram

A post shared by Gehad Maher || جهاد ماهر (@gehad_ahmed_official)

وأضافت زوجة عصام صاصا: «دخلنا في أعراض ومكنتش حابة أتشغل في حاجة زي دي دلوقتي وتركيزي مع مشكلة جوزي، والموضوع دخل في سياق تاني خالص، والكومنتات وحشة، وليه التشهير بسمعة وأعراض الناس؟».

وتابعت: «أنا أخدت إجراء قانوني ضد كل من حرف تصريحات، وضد كل أكونت شهر بيا وبسمعتي، والنقطة التانية اللي عاوزة أتكلم فيها هي كونك تكره شخص ميسمحش لك تغلط فيه وتسوأ سمعته».

الحكم على عصام صاصا

وكانت قد أصدرت محكمة جنايات جنوب الجيزة يوم 29 من أغسطس الماضي، حكما بمعاقبة مطرب المهرجانات عصام صاصا وشقيقه بالسجن لمدة سنة مع الشغل، كما عاقبت المتهم الثاني والثالث غيابيا بالسجن لمدة 10 سنوات في قضية تزوير توكيلات.

وفي وقت سابق، قضت محكمة جنايات الجيزة المنعقدة بمجمع محاكم زينهم، بحبس مطرب المهرجانات عصام صاصا 6 أشهر في تهمة تعاطي المخدرات، وانقضاء الدعوى المدنية في قضية الدهس بالتصالح.

اقرأ أيضاًحدث وأنت نائم| حيثيات حكم حبس «عصام صاصا».. وجريمة قتل بالحي الراقي

زوجة عصام صاصا تعيش حالة من الحزن بعد حبسه.. ماذا قالت؟ | صورة

مأمورية «عصام صاصا» الخاصة.. ترحيل مغني المهرجانات إلى تخشيبة الجيزة مجددًا

المصدر: الأسبوع