المخرج عصام السيد يوجه رسالة إلى المبدع خالد جلال: «جواهرجي النجوم»

وجه المخرج عصام السيد، رسالة عبر صفحته على موقع التواصل الاجتماعي «فيسبوك» للمخرج خالد جلال، استعاد خلالها ذكرياتهما معًا، والظهور الأول لموهبة المخرج خالد جلال، وأرفق في رسالته مجموعة من الصور التي جمعتهما بعد العرض المسرحي «حاجه تخوف»، ودعا متابعيه للذهاب إلى عروض صديقة لرؤية الأجيال الشابة التي تخرج على يده.

المخرج عصام السيد يوجه رسالة لصديقه خالد جلال

كتب المخرج عصام السيد رسالة لصديقه المخرج خالد جلال عبر صفحته الرسمية على «فيسبوك» بعد حضوره مسرحية حاجه تخوف: «شهادتي مجروحة في الأستاذ خالد جلال.. عشان احنا أصدقاء وعشان بدرس إخراج في مركز الابداع.. بس في الحقيقة أنا متابعه بإعجاب من أول عروضه في الجامعة ومع الفرق المستقلة.. واللي نبهني لموهبته أستاذتنا كلنا دكتورة نهاد صليحة رحمها الله.. وحاولت بعد عودته من إيطاليا إني أضمه للمسرح الكوميدي اللي كنت مديره وقتها لكن القدر كان محوش له».

المخرج عصام السيد: روحوا شوفوا بنفسكم كام زهرة بتفتح على ايده

وأضاف «السيد» في رسالته للمخرج خالد جلال: «كان عنده وظيفة أكبر وهي مركز الإبداع اللى على إيديه بقى أهم مكان لصناعة نجوم للمستقبل.. وعشان كده كنت أول واحد يقول عليه «جواهرجي النجوم» والنهارده بيقدم لنا في مسرحية حاجة تخوف شوية جواهر جديدة.. ومش هاتكلم عن العرض لأنه محتاج مقالة طويلة جدااااااا.. وانى افتكر أسماء كل المواهب الجميلة اللي نورت، اللي معرفش خالد حفظ أسماؤهم ازاى؟.. لكن بادعوا كل الناس: لازم تروحوا تشوفوا بنفسكم كام زهرة جديدة بتتفتح على إيديه.. ربنا يسعدك يا أستاذ زي ما بتسعدنا وبتسعد أجيال بتتربى على إيديك».  

المصدر: الوطن