وتاااني رجعوا لقصة حميدتي مات

انا لو في محل الغرف الكيزانية اياها دي ، ووصلني خبر موت حميدتي من مصدر موثوق بعمل رايحة او بنكر الخبر دا حطب واكسر رقبة الناس واغالطم انو حي وبكامل عافيته !
موش اجتهد في اثبات كذبة انو حميدتي مات والعالم كلو عارف انو حي يرزق!
السؤال : زول مات وقواته اصبحت مقطوعة الرأس ومع ذلك ما قادرين تستردو منهم مدينة واحدة؟
هسة بالله الزول دا لو فعلا مات دي موش فضيحة بجلاجل للبلابسة والكيزان ومفروض ينكروها زي نكرانهم لاشعال الحرب؟
عموما اسئلة الشعب السوداني الان ليست اين يوجد حميدتي ولماذا لا يشرب الشاي بالزلابيا في الشوارع
الاسئلة التي تؤرق هذا الشعب المنكوب هي:
متى تتوقف هذه الحرب؟
لماذا تأخرت ساعة الحسم وقفزت من سويعات وازبوع ازبوعين الى مائة عام؟
بعد افشال جنيف والتوجه الى التصعيد العسكري لماذا فشلت محاولة الانفتاح في الخرطوم وبحري وكم عدد القتلى والجرحى من المدنيين والعسكريين؟
هناك تقرير منشور في الاكونومست حذر من ان المجاعة في السودان لو استمرت الحرب سوف تقتل عشرة ملايين انسان بحلول عام ٢٠٢٧ فما هي خطة برهان ازاء هذه الكارثة؟ ولا موت عشرة مليون سوداني ما مشكلة ؟  

.

المصدر: سودانايل