راشد عبدالقادر
____^^^___^^
تعرف يا عزيزي البلبوس الاهطل القاعد فى موية المخلل لو زول قال ليك اعادة هيكلة الجيش ح تنط في رقبته وتقعد تنبح زى الكلب السعران وتتهمه انو عاوز يفرتق الجيش وتروح رامى طقم الاتهامات بتاع (العمالة والارتزاق والخيانه وباقى الرصة)
فى حين انه لو قالوا ليك الجيش نفسه قنع من قصة الهيكلة دى ومشى ابعد من كدا ووقع ايييوه وقع عديييل على (اعادة البناء والتأسيس) ما للجيش براه وانما للجيش والشرطة والامن طبعا ما ح تصدق لانك وهمي وما عارف سجم رمادك وتكرر البلاهات البيغذوا بيه فاخورتك المجوفه.
والابعد من كدا ان الجيش وقع على تفكيك نظام الانقاذ بالكامل وكدا الاسلاميين ح يصيعوا..
ودا البيخليهم يعرقلوا استكمال التفاوض والبحث عن حجج ميته وحركات وهميه عشان ما فى اتفاق يمشى لقدام ولو تتحرق البلد كلها..
طبعا ببلاهة ح تقول لى الكلام دا تم وين
ح اقول ليك فى اعلان المبادئ بتاع المنامه الوقع عليه (كباشى) البعده طوااالى الاسلاميين دقوا جرس وناس مزمل قنابل والكورجة بتاعت الصحفيين قاموا يكوووركوا ويصرخوا
وبالتحديد فى الفقرات 7 و8 و10 و11
ال ح انقلا ليك بالحرف ادناه..
ولعلمك اتفاق المنامة مبنى على اتفاق جده ...
***
٧/ بناء وتاسيس جيش واحد مهني وقومي يتكون من جميع القوات العسكرية (القوات المسلحة والدعم السريع وحركات الكفاح المسلح) ولا يكون له انتماء سياسي أو أيدلوجي ، يراعي التنوع والتعدد ويمثل جميع السودانيين فى كافة مستوياته بعدالة وينأى عن السياسة والنشاط الاقتصادي.
٨/ بناء وتاسيس القوات الأمنية (الشرطة وجهاز المخابرات العامة) بصورة تضمن كفاءة ومهنية وقومية ومدنية هذه الأجهزة وعدالة توزيع الفرص في كافة مستوياتها بين السودانيين.
١٠/ تطوير وتحديث الجيش المهني والقوات الامنية (الشرطة وجهاز المخابرات العامة) بعد اكتمال البناء والتأسيس.
١١/ تفكيك نظام الثلاثين من يونيو ١٩٨٩ فى كافة مؤسسات الدولة.
فاتفاق جدة فى اجراءات بناء الثقة فيه تسليم الهاربين ناس بشه والجاز ونافع واتكررت برضو فى اعلان المبادئ الفقرة 17 و18
ووثيقة المبادئ فى المنامة فيها تفكيك الانقاذ واعادة تأسيس وبناء الاجهزة الامنية..
فدى حاجات ما ح يسمحوا بيها ويخلوك تبلبس وتكورك وانت ما فاهم كوعك من بوعك لانهم بيستثمروا فى غبائك وفى جهلك النشط
#حرب_عبثية
المصدر: سودانايل
إقرأ أيضاً:
مساعد قائد الجيش يتفقد سلاح المدفعية في ختام زيارته لولاية نهر النيل
مساعد القائد العام للقوات المسلحة الفريق أول ركن ياسر عبد الرحمن، زار قيادة سلاح المدفعية في عطبرة في ختام زيارته لولاية نهر النيل، وأشاد بدور القوات المسلحة في حربها ضد المليشيات المتمردة..
التغيير: الخرطوم
تفقد مساعد القائد العام للقوات المسلحة الفريق أول ركن ياسر عبد الرحمن، الجمعة، قيادة سلاح المدفعية في مدينة عطبرة، في ختام زيارته لولاية نهر النيل. رافقه خلال الزيارة الفريق ركن محمد عباس اللبيب، نائب المدير العام لجهاز المخابرات العامة، وعدد من القادة الميدانيين.
وكان في استقبال الوفد قائد سلاح المدفعية وقادة القوات النظامية بالولاية. وأكد اللواء ركن محمد الأمين، قائد سلاح المدفعية، في كلمة ترحيبه بالوفد على التزام السلاح بوحدة الهدف والغاية، مشيرًا إلى أن شرعيتهم تأتي من رغبة الشعب السوداني.
في ختام الزيارة، خاطب الفريق ياسر عبد الرحمن الضباط وضباط الصف، معبرًا عن تقديره لمجهودات السلاح في مختلف أنحاء السودان. وأكد عدم التسامح مع “مليشيا آل دقلو” ومن يدعمها.
وأشار إلى أن مستقبل السودان لن يُحدَّد إلا عبر صناديق الانتخابات الديمقراطية. كما حيا جميع الفئات المجتمعية الداعمة للقوات المسلحة.
وخلال زيارته، قام الفريق عبد الرحمن بتفقد الجرحى والمصابين في عطبرة، وسط استقبال شعبي كبير من المواطنين الذين عبروا عن دعمهم للقوات المسلحة في حربها ضد المليشيا المتمردة.
ويعيش السودان منذ اندلاع الحرب في 15 أبريل 2023 أوضاعًا صعبة، حيث تصاعدت الصراعات المسلحة بين القوات المسلحة السودانية و قوات الدعم السريع بقيادة محمد حمدان دقلو.
وتسببت الحرب في نزوح الملايين ودمار البنية التحتية، كما خلَّفت أزمات إنسانية واقتصادية عميقة في البلاد.
الوسومالفريق أول ياسر العطا حرب الجيش والدعم السريع سلاح المدفعية
«الصحة» تناشد المواطنين بعدم شراء حلوى مولد مجهولة المصدر