تامر حسين يوجه التحذير الأخير لـ عمرو مصطفى: احترم نفسك

مازالت حلقات الدفاع عن الوسط الغنائي من قِبل الشاعر الغنائي تامر حسين خاصةً الملحنين مستمرة ضد الملحن عمر مصطفى، حيث وجه له حسين الإنذار الأخير ليتوقف عن ادعاءاته الكاذبة -على حد قوله - ضد زملاؤه.

انذارات من تامر حسين لـ عمرو مصطفى: ماتشرفنيش سيرتك وبقيت بتكسف منها

ووجه تامر حسين حديث شديد اللهجة لـ عمرو مصطفى دون ذكر إسمه حيث وصفه بسليط اللسان وقبيح القول، قائلًا:"أنا فعلاً غلطت لما قُلت على المُحترمين المُبدعين مدين أو عزيز الشافعي زمايلك على أساس انك معانا ف الوسط وراجل كُنت ملحن كبير وعاقل وحذرتك تتهم حد ناجح ومكسر الدنيا بالباطل والإفتراءت الكدابه اللى بتخترعها فى أى نجاح كبير يلتفت حواليه الناس و إنت لا ترتقى إنسانياً تبقى زميل ل واحد فيهم شتان فرق الأخلاق ده انا اللى بعتذرلهمُ على التشبيه الغير موفق مني ظلمُتهم

 

وتابع قائلًا:"ثانياً لو جبت سيرتك بالخير ف أنا بعمل ب أصلى فى أى لقاء وأى برنامج وبتربيتى وب أقول عيب عنده أولاد كُبار يتشرفوا ب باباهم ماتردش الإساءه ب الإساءه معنديش فُجر الخصومه ولا حابقىّ مُتقلب الود زيك مع كل اللى أحسنوا إليك وساعدوك

عشان لما حد من الجمهور المحترم يشوفنى مايقولشى عليا قليل الأصل ونتساوىّ ف القُبح ودى أخر مرة حاغلط وأجيب سيرتك لانى ما بقيتش ب أتشرف بيها وب أتكسِف منها الناس عارفه كويس وفاهمه مين فينا صادق ومين كداب

بالمواقف والسنين والإحترام والتقدير

 

تامر حسين لعمرو مصطفى لا في غل في قلبي ولا حقد 

واستطرد قائلًا:" والحمد لله أنى ربنا أنعم عليا وخلانى شخص سوي و ب أعقل كلامى وإحترم نفسي لا ف قلبى غل ولا حقد ولا ب أعترض على اللى ربنا كاتبهُ ل زمايلي ببارك للجميع بقلب أبيض ماب أقللش من مجهودهم ونجاحهم

وختم رسالدى أخر رسالة تتقالك ب إحترام ال جى حابقىّ عداني العيب

إحترم سنك إحترم نفسك إحترم انك عندك أسرة مايصحش

يبقى cv من بعد ما كان نجاحات يبقى خِناقات وسيرة سيئة

لإن ماحدش حايسكُت لك تانى على أى تجاوز

 

 

 

وكان قد علق تامر حسين في وقت سابق  على الأزمة التي أطلقها الملحن عمرو مصطفى عندما اتهم أحد الملحنين بسرقة لحن خاص به لأغنية للفنانة شيرين عبد الوهاب، بالتزامن مع طرح أحدث أغانيها “مازال على البال”.

تامر حسين لعمرو مصطفى: مفيش باطل بينتصر 

تحدث تامر حسين عن الملحن عمرو مصطفى  بخصوص اتهام الملحن مدين بسرقة لحن أحدث أعماله مع شيرين عبد الوهاب" مازال على البال"، فجاء التعليق "حاتفضل تتِهم الناس بالباطل وتحارِب أى نجاح وتحاول لفت الأنظار ب الطريقة الأرخص والأسهل بالنسبالك

 

ف الناس تتجاهل كالعادة عشان مايتساوش ف القُبح والسواد

ومُلاسانات لا ترتقي بناس ناجحه ومتربيه وندعيلك

ربنا يصلح حالك وتنجح وتكسر الدنيا ف ربنا ب عدله وكرمه

عشان عارف اللى فى قلبك واللى ف قلوبنا يخليك ف نفس دايرة الصراعات اللى من طرف واحد فقط ويتنزع منك البركة أكتر وأكتر اللى كانت موجودة بالسر الربانى وإنت ف حالك

وكافى خيرك شرك ونيتك نص صافيه مفيش باطل ينتصر أبدا ً

وأشاد بـ مدين قائلًا:" ويامدين إنت مُلحن كبير ومحترم ومتربى يابنى وبتنجح بشقاك

 

 اتهم عمرو مصطفى خلال الأيام القليلة الماضية في منشور خاص على صفحته الرسمية على فيسبوك بسرقة لحن أغنية “مازال على البال” وهي غير مصرح لها بالنشر، ولم يكتفِ بالتهام وقام بـ سَب الملحن علنًا قائلًَا:"

 

ألحان عمرو مصطفي

غاليه علينا يا بلدنا

الحاني وعنوان الاغنيه كلماتي

غير مصرح لها بالنشر

صباحكم فل

واللحن اتسرق فكرته في اغنيه لشيرين جديده من كلب كنت مربيه عندي بس كله هيتحاسب في وقته

 

 

المصدر: بوابة الوفد