اكبر شهادة زور فى تاريخ السودان

راشد عبدالقادر

اكبر شهادة زور فى تاريخ السودان كانت على الهواء مباشرة من اللواء مدير شرطة كسلا لامن كضب فى موضوع اغتيال الشهيد احمد الخير..
وجاب شهادات طبية مزورة من مستشفى كسلا وافادات كضب من جهاز الامن..
كضب علنا بدون خوف من الله ولا رأي عام ولا اختشا وبقوا شركاء فى التستر الجنائي وتضليل العدالة والادلاء ببيانات كاذبة.

.
شايف كيف كضب وزور من اجهزة رسمية مسئولة عن العدالة وسلامة الناس..
وواضح انهم لسه فى ذات الكضب والزور والاجرام الممنهج لا بيتوبوا لا بيعتبروا..
وعشان كدا احمد هرون اول ما طلعوه من السجن مشى كسلا لأنهم عندهم ناس هناك لا بيعرفوا الله لا بيعرفوا الحق ومستعدين يشاركوا ويعملوا اي جريمة.. ومستعدين يحرقوا باقى البلد بخلق الفتن والازمات..
ناس كسلا ما تتجروا للفتنه حافظوا على مدينتكم وحددوا المجرمين بالاشخاص فلان وفلان وفلان.. وطالبوا بالعدالة الناجزة الفورية عشان ما يسوفوكم .
#اجهزة_الاجرام
#حرب_عبثية  

المصدر: سودانايل