حقيقة ارتداء نجوى فؤاد الحجاب بمقابل مادي شهرياً

تصدرت النجمة نجوي فؤاد ترند البحث عبر موقع "جوجل"، خلال الساعات الماضية، وكشفت نجوي فؤاد، في الحلقة، عن أسباب عدم ارتدائها الحجاب.

وأعلنت نجوي فؤاد عن أفضل مطرب تحب السماع إليه، وكشفت سبب رفضها الحجاب وبررت ذلك بالعمل، وقالت: "وفرلي أعيش وأفتح بيت كويس وهلبسه".

ومن ضمن تصريحاتها، أن مطربها المفضل النجم تامر حسني، فهي تفضل الاستماع للهضبة عمرو دياب.

سر عدم إنجابها الأطفال

كما بررت نجوى فؤاد عدم إنجابها الأطفال بالخوف من تغير شكل جسمها بعد الولادة، قائلة: "كان ممكن أجيب أولاد بس مكنش فيه الأدوات الموجودة الآن للتخسيس والرياضة والتجميل والفيلر والبوتكس، الحمل 9 أشهر لعام، والرضاعة عام، وكده عامين ولسه، فخفت".

زيجات نجوي فؤاد 

وقالت نجوى فؤاد عن عدد العلاقات الزوجية خلال حياتها قائلة: "تزوجت 5 مرات فقط ومرة عرفي، يبقوا 6، وعماد عبدالحليم ما تجوزتوش والله، لأنه كان أصغر مني بكتير".

أضافت، أن الشيخ الشعراوي قال لها "ربنا فتحلك سكة الرقص علشان تاكلي عيش"، واستكملت حديثها: "أنا معملتش حاجة غلط علشان أتوب عنها، ولكني ندمانة على مشاهد الإغراء اللى عملتها ولو رجع بيا الزمن مش هكررها".

وكانت كشفت الفنانة نجوى فؤاد، تفاصيل حالتها الصحية بعدما تعرضت لوعكة وذهبت على إثرها لأحد المستشفيات لإجراء بعض الفحوصات الطبية.

كما كشفت عن اختيارها للفنانة نيللي كريم لتقديم سيرتها الذاتية في عمل فني، وذلك خلال تصريحات تليفزيوينة.

أبرز تصريحات نجوى فؤاد:

1 - وعكة عادية وكل إنسان معرض، وأنا عملت أشعة على رجلي عندي تعب في ركبي والقطنية.

2- لجأت للنقابة من شهرين أو تلاتة، علشان يساعدوني الكشف والعلاج، والنقابة معندهاش استعداد غير لعلاج بسيط وتحاليل.

3- جمهور مبيشوفنيش على الساحة خالص علشان لأني مش قادرة أقاوم أني أقف وألبس واتمكيج وأظهر بلياقتي العادي، مش قادرة الحقيقة.

نجوي فؤاد 

4- معاش النقابة 600 جنيه بس، وأشرف زكي مالوش ذنب هو موظف في الأول والآخر، وأنا مكنش عندي رد غير أني أقوله أشوفك بخير وبشكره أنه اهتم بيا واتصل بيا.

5- أشرف زكي عرض عليا أني أخد من فلوسه الخاصة لو محتاجة، قولتله لأ مستورة لغاية دلوقتي.

6- معنديش مصدر دخل خالص، ودي حاجات بتبقى خاصة مقدرش أتكلم فيها والحمد لله مستورة.

7- الفن غدار وكل مهنة غدارة، والفن بيحب الفنان يكون بيبرق على طول وحالته السليمة على طول، وساعات بيكون في مطبات بيقع فيها الإنسان بتكون بإيد ربنا.

8- أنا معتزلة الرقص بقالي 17 سنة، ولكن مش هعتزل التمثيل.

9- بيجيلي أدوار ولكني مش قادرة أقدم عمل جيد وأكون واعية من غير مسكنات وحقن، مش عايزة أتعب المنتج اللي بياخدني أجي أقوله في النص أنا تعبانة مش قادرة أكمل، والفن ولا أي شغلانة مفيش فيها كلمة أنا تعبان.

10- ربنا قسملي الرقص ونجحت فيه، وربنا أراد أنه ينجحني في الرقص وشُفت فيه كل الأيام الحلوة، وحب الجمهور أكبر ثروة بالدنيا.

11- ندمت شوية على قرار عدم الإنجاب، لأن في الظروف اللي إحنا فيها دي مين كان هيربي كويس معايا، أنا مكنتش متفرغة، وكل حاجة ربنا مقسمها وكله بيتنفذ من عند ربنا.

12- بحب فيفي عبده ودينا على المستوى الشخصي بعيدًا عن هما بيشتغلوا إيه.

نجوي فؤاد 

13- دينا عاقلة ومتطورة، وفيفي دمها خفيف والكاريزما بتاعتها بتخلي اللي مبيحبش يحب، وأنا بحبها أوي أوي وهي لطيفة وعفوية ومش مصطنعة.

- أختار نيللي كريم تعمل سيرتي الذاتية، بحب فيها كل حاجة، ربنا يوفقها ويسعدها ويخلي ليها ولادها، هي ست جميلة ولذيذة وفيها ميزات كتير الحقيقة.

14- إن شاء الله ربنا يشفيني وألتقي بـ جمهوري في عمل فني يعوض اللي فات.

المصدر: بوابة الوفد