«كلامه عن عمرو دياب عدم تقدير وظلم».. تعليق ماندو العدل على تصريحات عمرو مصطفى

علق المخرج ماندو العدل، على تصريحات الملحن عمرو مصطفى الأخيرة، عن الفنان عمرو دياب.

ونشر ماندو العدل عبر حسابه على موقع التواصل الاجتماعي «فيسبوك»، منشورا، كتب فيه: «عمرو مصطفى ملحن كبير وكل تصريحاته الأخيرة وكلامه عن عمرو دياب، نابع من فكرة عدم التقدير والإحساس بالظلم، محدش ينكر أن عمرو دياب أسطورة وكان ناجح جدا جدا قبل ما يتعاون مع عمرو مصطفى.

. لكن كمان عمرو مصطفى طول عمر عمرو دياب الفني وأضاف لعمرو دياب أغاني hits عاشت وهتعيش».

عمرو مصطفى

ودافع ماندو العدل عن عمرو مصطفى، قائلًا: «أنا مش مع طريقة عمرو مصطفى أكيد لكن كمان مش عاجبني الناس اللي بتقلل منه وبتتعامل معاه على أنه ملحن عادي.. لا عمرو مصطفى مش عادي وكم نجاحاته مع عمرو دياب وغيره مش عادي، الإنصاف مهم، الاتنين استفادوا من بعض والاتنين فنانين كبار، والتقدير مهم للفنان، عشان كده أنا حاسس بيه».

تصريحات عمرو مصطفى الأخيرة

أثار الملحن عمرو مصطفى، خلال الأيام الماضية، حالة من الجدل، وذلك بعد توجيهه رسالة أشار من خلالها إلى أن بعض النجوم قلت نجوميتهم بعد أن ابتعد عنهم صناع أغانيهم، دون أن يوجه كلامه إلى أحد بعينه، لكن قام بعض الجمهور بتفسير هذا الحديث أنه يقصد أغاني الفنان عمرو دياب.

وقال عمرو مصطفى، في منشور عبر حسابه الرسمي بموقع التواصل الاجتماعي «فيسبوك» «فيه ناس كانت بتلمع على حساب غيرها، والناس كانت فاكرة إنهم كنز، بس لما اللي كان بيديهم بريقه سابهم، طلعوا ورق مطلي، والمكان اللي كانوا معتمدين عليه سابهم النهاردة الأرقام ما بتكدبش، والحفلات ما بقتش زي زمان، واللي بيحاولوا يخلقوا رأي عام ضدي من ورا الكواليس، ده كله ما بيهزش شعرة مني».

وتابع: «الشباب اللي جاي بقوة، وأنتم مش عارفين تقفوا قدامهم، الجمهور بيعرف مين اللي يستاهل، ومين اللي خلاص بقى من الماضي، والتاريخ بيتكتب من جديد، واللي كان شايف نفسه كنز، طلع مجرد مغارة فاضية».

اقرأ أيضاًماندو العدل يكشف السبب الحقيقي لتأجيل عرض فيلم الملحد

ماندو العدل يبدأ تحضيرات فيلم «بنات الباشا»

«تجربة صعبة».. أول تعليق من ماندو العدل بعد إصابته بجلطة في القلب

المصدر: الأسبوع